ఇంస్టాగ్రామ్ లో ప్రెస్టీజియస్ “సాహో” న్యూ లుక్ పోస్టర్ ను రిలీజ్ చేసిన రెబెల్ స్టార్ ప్రభాస్

‘బాహుబలి’ 1, 2 తరువాత ప్రపంచవ్యాప్తంగా ఉన్న రెబెల్ స్టార్ ప్రభాస్ అభిమానుల ఉత్కంఠని మరింత పెంచుతూ మూడు భాషల్లో భారీ బడ్జెట్ తో తెరకెక్కుతున్న చిత్రం ‘సాహో. ఇండిపెండెన్స్ డే కానుకగా అగ‌స్ట్ 15 న ప్ర‌పంచ‌వ్యాప్తంగా బిగ్గెస్ట్ ఫిల్మ్ ఆఫ్ ద ఇయ‌ర్ గా విడుద‌ల కి సిద్ధ‌మౌతోంది. నేటి నుంచి ప్రభాస్ సాహో ప్రమోషన్స్ ని మొదలు పెటారు. ఇందులో భాగంగా సాహో న్యూ లుక్ పోస్టర్ ను ఇంస్టాగ్రామ్ ద్వారా రెబెల్ స్టార్ ప్రభాస్ విడుదల చేశారు. దీనికి సంబంధించిన వీడియో ను ఇంస్టాగ్రామ్ లో నిన్ననే పోస్ట్ చేయడం తో ప్రపంచ వ్యాప్తంగా ఉన్న ప్రభాస్ ఫాన్స్ హయ్యస్ట్ గూగుల్ సెర్చ్ చేయటం కూడా రికార్డ్ గా నిలిచింది.. ఈ రోజు 12 గంటలకి రెబెల్ స్టార్ ప్రభాస్ తన ఇంస్టాగ్రామ్ ద్వారా న్యూ లుక్ పోస్టర్ ని విడుదల చేసారు. ఈ పోస్ట‌ర్ ని ఇంస్టాగ్రామ్ లో పోస్ట్ చేసిన కొద్ది క్ష‌ణాల్లోనే 5 ల‌క్ష‌ల లైక్స్ రావ‌డం విశేషం.

ఈ సందర్భం గా యువీ క్రియేషన్స్ అధినేతలు వంశీ-ప్రమోద్-విక్కీ లు మాట్లాడుతూ..ఏ విషయంలోనూ రాజీ పడకుండా అత్యంత భారీ బడ్జెట్ తో ఏక కాలంలో తెలుగు, తమిళ, హిందీ భాషల్లో ఈ చిత్రాన్ని నిర్మిస్తున్నాం. మూడు భాషల్లో ఒకేసారి షూట్ చేస్తున్న ఈ చిత్రాన్ని ఒకే రోజున విడుదల చేసేందుకు సన్నాహాలు చేస్తున్నాం. ఇప్పటికే రెబ‌ల్‌స్టార్ ప్ర‌భాస్ పుట్టిన‌రోజు సంద‌ర్భంగా విడుద‌ల చేసిన షేడ్స్ ఆఫ్ సాహో చాప్టర్ 1 కి ఇండియా మెత్తం క్రేజ్ వ‌చ్చింది. ప్ర‌పంచంలో వున్న రెబెల్‌స్టార్ ఫ్యాన్స్ పండ‌గ చేసుకున్నారు.
షేడ్స్ ఆఫ్ సాహో 2 తో ఈ చిత్రం హీరోయిన్ బాలీవుడ్ బ్యూటీ శ్రద్ధా కపూర్ బర్త్ డే కానుకగా విడుదల చేసిన వీడియో కు ట్రెమండస్ రెస్పాన్స్ వచ్చింది. ఈ స్పెషల్ వీడియో లో శ్రద్దా కపూర్ క్యారెక్టర్ లుక్ ని రివీల్ చేసాము. ఈ వీడియో లో ప్రభాస్, శ్రద్దా కపూర్ స్టైలిష్ లుక్స్… ఇంటర్నేషనల్ స్టాండర్ఫ్స్ మేకింగ్ హైలైట్ గా నిలుస్తున్నాయి. ఈ మేకింగ్ వీడియోతో ఈ సినిమా ఏ రేంజ్ లో తీస్తున్నాము అనేది మరింత స్పష్టమైంది. డినో యురి 18 కెడబ్ల్యూ సాంకేతిక పరిజ్ఞానంతో ఈ సినిమా విజువల్స్ ని క్యాప్చర్ చేయడం మరో విశేషం. ఇంత‌టి భారీ ప్ర‌తిష్టాత్మ‌క చిత్రానికి ర‌న్‌ రాజా రన్ మూవీతో సూపర్ హిట్ అందుకున్న సుజీత్ దర్శకత్వం వహిస్తున్నాడు. సాహోని ఓ విజువల్ వండర్ గా తీర్చిదిద్దేందుకు దర్శకుడు సుజిత్ తో పాటు హాలీవుడ్, బాలీవుడ్ కి చెందిన ప్రముఖ సాంకేతిక నిపుణులు పనిచేస్తున్నారు. హైటెక్ యాక్ష‌న్‌ డ్రామాగా రూపొందుతున్న ఈ సినిమాలో మైమరపించే యాక్షన్ సన్నివేశాలను అంతర్జాతీయ సాంకేతిక నిపుణుల ప‌ర్య‌వేక్ష‌ణ‌లో చిత్రీక‌రిస్తున్నారు. బాలీవుడ్ టాప్ మ్యూజిక్ డైరెక్టర్స్ త్రయం శంకర్ -ఎహసాన్-లాయ్ సంగీతమందిస్తున్నారు. ప్రేక్షకుల, అభిమానుల అంచనాలను అందుకునేలా సాహోలో ప్రభాస్ స్టైలిష్ గా, ఓ కొత్త ఎనర్జీ తో కనిపించబోతున్నారు. ఇదెలా ఉంచితే ఈ రోజు ప్రభాస్ గారి ఇంస్టాగ్రామ్ నుండి విడుదల చేసిన పోస్టర్ కి ట్రెమాండస్ రెస్పాన్స్ రావటం ఫాన్స్ అందరూ సోషల్ మీడియా లో వైరల్ చేయటం ప్రపంచ వ్యాప్తం గా తెలుగు ప్రేక్షకులు సాహో ని ఓన్ చేసుకోవటం మా అదృష్టం గా భావిస్తున్నాం అని అన్నారు.

బ్యానర్ – యువి క్రియేషన్స్
దర్శకుడు – సుజీత్
నిర్మాతలు – వంశీ-ప్రమోద్-విక్కీ

from టాప్ స్టోరీస్ – Telugu Movie Reviews | Telugu Cinema Reviews http://bit.ly/2JU2mPB