సిల్లీ ఫెలోస్ రివ్యూ

సిల్లీ ఫెలోస్ రివ్యూ:
నటీనటులు : అల్లరి నరేష్ , సునీల్ , జేపీ , పోసాని
సంగీతం : శ్రీ వసంత్
నిర్మాతలు : కిరణ్ , భరత్
దర్శకత్వం : భీమనేని శ్రీనివాస్
రేటింగ్ : 3/5
రిలీజ్ డేట్ : 7 సెప్టెంబర్ 2018

వరుస పరాజయాలతో ఇబ్బంది పడుతున్న హీరోలు అల్లరి నరేష్ , సునీల్ లు కలిసి చేసిన ప్రయత్నం ” సిల్లీ ఫెలోస్ ”. భీమనేని శ్రీనివాసరావు దర్శకత్వంలో తెరకెక్కిన ఈ చిత్రం ఈరోజు విడుదల అయ్యింది . తమిళ చిత్రానికి స్వల్ప మార్పులు చేసిన ఈ సిల్లీ ఫెలోస్ తో అల్లరి నరేష్ , సునీల్ లు హిట్ అందుకున్నారా ? లేదా ? అన్నది తెలియాలంటే కథ లోకి వెళ్లాల్సిందే .

కథ :

ఎం ఎల్ ఏ జాకెట్ జానకిరామ్ (జయప్రకాశ్ రెడ్డి ) ముఖ్య అనుచరులు వీరబాబు (అల్లరి నరేష్ ) సూరిబాబు (సునీల్ ) లు . ముఖ్యంగా వీరబాబు కి జాకెట్ జానకిరామ్ అంటే ఎనలేని ఇష్టం దాంతో ఓ వేడుకలో సూరిబాబు పెళ్లి రికార్డింగ్ డ్యాన్స్ చేసుకునే పుష్ప (నందిని )తో జరిపిస్తాడు . అయితే అప్పటికే సూరిబాబుకి కృష్ణవేణి (పూర్ణ ) తో పెళ్లి కుదురుతుంది . సూరిబాబు సమస్య తో పాటుగా వీరబాబు లవర్ ఉద్యోగం సమస్య తోడౌతుంది , ఈ రెండింటిని పరిష్కరిస్తాడనుకున్న జాకెట్ జానకిరామ్ మతిస్థిమితం కోల్పోవడంతో అసలు సమస్య మొదలౌతుంది . జాకెట్ జానకిరామ్ మళ్ళీ మామూలు మనిషి అయ్యాడా ? అతడికి మతిస్థిమితం ఎలా తప్పింది ? వీరబాబు , సూరిబాబు ల సమస్య తీరిందా ? ఇత్యాది విషయాలు తెలియాలంటే సినిమా చూడాల్సిందే .

హైలెట్స్ :

ఫస్టాఫ్
ఎంటర్ టైన్ మెంట్

డ్రా బ్యాక్స్ :

సెకండాఫ్

నటీనటుల ప్రతిభ :

అల్లరి నరేష్ వీరబాబుగా తనదైన కామెడీతో అలరించాడు . ఇలాంటి పాత్రలు అల్లరి నరేష్ కు కొట్టిన పిండి కావడంతో అవలీలగా చేసేసాడు. సునీల్ కూడా తన పాత్రతో నవ్వులు పూయించాడు , సూరిబాబు పాత్రకు తన కామెడీ టైమింగ్ తో మరింత వన్నె తెచ్చాడు . నందిని ఫరవాలేదు , చిత్ర శుక్లా ఆకట్టుకునే ప్రయత్నం చేసింది . పూర్ణ గెస్ట్ అప్పియరెన్స్ తో అలరించింది . జయప్రకాశ్ రెడ్డి , పోసాని , రఘు తమతమ పాత్రలకు న్యాయం చేసారు .

సాంకేతిక వర్గం :

శ్రీ వసంత్ సంగీతం , సిల్లీ ఫెలోస్ కు విజువల్స్ మరింత అందాన్ని ఇచ్చింది . నిర్మాణ విలువలు బాగున్నాయి . ఇప్పటికే వరుసగా రెండు సినిమాలు హిట్స్ కొట్టి మంచి జోరు మీదున్న నిర్మాతలకు ఇది కూడా మరింత ప్లస్ అయ్యేలాగే ఉంది . ఇక దర్శకుడు భీమనేని శ్రీనివాసరావు దగ్గరకు వస్తే ……. రీమేక్ చిత్రాలకు పెట్టింది పేరు భీమనేని అయితే ఈ సినిమాని ఫస్టాఫ్ వరకు బాగానే రాసుకున్నప్పటికీ సెకండాఫ్ పై మరింత దృష్టి పెడితే బాగుండేది . భీమనేని మార్క్ కామెడీ ఉంది అయితే సెకండాఫ్ లో మరింత జోరు చూపిస్తే ఇంకా బాగుండేది .

ఓవరాల్ గా :

ఎంటర్ టైన్ మెంట్ చిత్రాలు కోరుకునే వాళ్లకు మంచి ఛాయిస్

English Title: silly fellows movie review

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2M7335B