దర్బార్ సినిమా డే 1 కలెక్షన్స్ రిపోర్ట్

Darbar day 1 collections report

సూపర్ స్టార్ రజినీకాంత్ హీరోగా అగ్ర దర్శకుడు ఏఆర్ మురుగదాస్ డైరెక్షన్ లో రూపొందిన చిత్రం దర్బార్ నిన్న భారీ ఎత్తున విడుదలైన విషయం తెల్సిందే. సంక్రాంతి సినిమాల్లో మొదటగా విడుదలైన ఈ చిత్రం సంక్రాంతి క్రేజ్ ను, భారీ సంఖ్యలో థియేటర్లను సద్వినియోగం చేసుకుంది. తెలుగులో రజినీ హిట్టు కొట్టి చాలా కాలమే అయినా దర్బార్ ఓపెనింగ్స్ విషయంలో ఎక్కడా తడబడలేదు.

అయితే దర్బార్ చిత్రానికి మొదటి రోజు పాజిటివ్ టాక్ రాలేదు. కొంత డివైడ్ టాక్ నడిచింది. కేవలం ఫ్యాన్స్ కు మాత్రమే నచ్చే స్టఫ్ ఉన్న చిత్రమని క్రిటిక్స్ తేల్చేసారు. అయినా కానీ దర్బార్ కు మొదటి రోజు కలెక్షన్స్ విషయంలో ఢోకా లేకుండా పోయింది. రజినీ చిత్రానికి ఎప్పుడూ లేనంత రేంజ్ లో కలెక్షన్స్ ఉండడంతో సూపర్ స్టార్ అభిమానులు ఖుషీ అయిపోయారు. మొదటి రోజు ఆంధ్ర, తెలంగాణ కలిపి దర్బార్ 4.5 కోట్ల షేర్ ను రాబట్టడం విశేషం. దర్బార్ చిత్రానికి రెండు తెలుగు రాష్ట్రాల్లో 14.5 కోట్ల ప్రీ రిలీజ్ బిజినెస్ జరిగింది. అంటే మొదటి రోజు ఈ చిత్రం దాదాపు 30 శాతం బిజినెస్ ను రికవర్ చేసింది. ఇక ఈరోజు కూడా దర్బార్ కు పోటీగా మరో సినిమా లేదు. సో, ఈ చిత్రానికి బంపర్ అవకాశం తగిలినట్లే. రెండు రోజులకే దర్బార్ 50 శాతం కలెక్షన్స్ ను రాబట్టే అవకాశం ఉంది. ముందున్నది సంక్రాంతి ఫెస్టివల్ సీజన్ కావడంతో దర్బార్ ఏ మేర ప్రభావం చూపిస్తుందన్నది ఆసక్తికరంగా మారింది.

దర్బార్ డే 1 షేర్ బ్రేక్ డౌన్ లిస్ట్:

నైజాం : 2.05 కోట్లు
సీడెడ్ : 70 లక్షలు
గుంటూరు : 41 లక్షలు
ఉత్తరాంధ్ర : 45 లక్షలు
తూర్పు గోదావరి :  29లక్షలు
పశ్చిమ గోదావరి : 20 లక్షలు
కృష్ణా : 24 లక్షలు
నెల్లూరు : 17 లక్షలు

ఆంధ్ర + తెలంగాణ : 4.51 కోట్లు

from టాప్ స్టోరీస్ – Telugu Movie Reviews | Telugu Cinema Reviews https://ift.tt/37TPq5a