ఆండ్రాయిడ్ ఫోన్ల వాడకం, సోషల్ మీడియా విస్తృతం అయిన దగ్గరి నుంచి మనుషుల మస్థిష్కాల్లో నేర ప్రవృత్తి నానాటీకీ పెరిగిపోతోంది. ఏది చేస్తున్నారో.. ఎందుకు చేస్తున్నారో అనే విచక్షణ మరిచి విచ్చలవిడిగా ప్రవర్తించడం భయాందోళనకు గురిచేస్తోంది. వాట్సాప్ కారణంగా నిత్యం ఎలాంటి ఫొటోలు, వీడియోలు చూడాల్సి వస్తుందోనని కొంత మంది భయపడుతున్నారు. తాజాగా అలాంటి సంఘటనే ఒకటి నటి కల్యాణి విషయంలో చోటు చేసుకుంది.
రవితేజ నటించిన `కృష్ణ` చిత్రంలో బాబీ.. అంటూ పాపులర్ అయిన కల్యాణి ఉరాఫ్ కరాటే కల్యాణి గత కొంత కాలంగా సినిమాలు తగ్గిపోవడంతో బుల్లితెరని నమ్ముకుని అక్కడ వరుస సీరియల్స్లో నటిస్తోంది. అయితే ఆమె సెల్ ఫోన్కు నిత్యం కొంత మంది అగంతకులు అసభ్యకర వీడియోలు, ఫొటోలు పంపిస్తూ అసభ్య పదజాలంతో వేధిస్తున్నారట. దీంతో సైబర్ క్రైమ్ పోలీసులని ఆశ్రయించిన కల్యాణి తనని వేధిస్తున్నవారిపై కేసు నమోదు చేయడం ఆసక్తికరంగా మారింది.
తన ఫొటోలని అసభ్యకరంగా మార్ఫింగ్ చేస్తున్నారని, అంతే కాకుండా కొన్ని సైట్లలో అలా మార్చిన ఫొటోలని పోస్ట్ చేస్తున్నారని కల్యాణి ఈ సందర్భంగా తెలిపింది. గత కొన్ని రోజులుగా క్రైస్తవ సంఘాల ప్రతినిధులపేరుతో హిందువుల మనోభావాలను కించపరిచే విధంగా వీడియోలని యూట్యూబ్, ఫేస్బుక్లలో పోస్ట్ చేస్తున్నారని ఫిర్యాదు చేసింది.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2RYZH9D
Comments
Post a Comment