స్టైలిష్ స్టార్ అల్లు అర్జున్ నటించిన లేటెస్ట్ సినిమా అల వైకుంఠపురములో సూపర్బ్ కలెక్షన్స్ తో దూసుకుపోతున్న సంగతి తెల్సిందే. మొదటి రోజు నుండే ఈ చిత్రానికి సూపర్ పాజిటివ్ టాక్ రాగా, అది కలెక్షన్స్ కు చాలా పెద్ద ప్లస్ అయింది. పోటీగా మహేష్ బాబు సినిమా ఉన్నా సరే అల వైకుంఠపురములో కలెక్షన్స్ విషయంలో ఎక్కడా తగ్గట్లేదు. మొదటి రోజే ఈ చిత్రానికి 26.5 కోట్ల షేర్ రాగా, రెండో రోజు సోమవారం అయినా కూడా 10 కోట్ల షేర్ సాధించి నిలకడగా కొనసాగింది. ఇక నిన్న భోగి కావడంతో కలెక్షన్స్ మళ్ళీ పుంజుకున్నాయి. భోగి రోజున ఈ చిత్రం 11.1 కోట్ల షేర్ ను సాధించి ట్రేడ్ పండితులను సైతం ఆశ్చర్యపరిచింది.
అల వైకుంఠపురములో డొమెస్టిక్ సర్క్యూట్, ఓవర్సీస్ అన్న తేడా లేకుండా అన్ని ఏరియాల్లోనూ మంచి కలెక్షన్స్ ను సాధించి దూసుకుపోతోంది. ఓవర్సీస్ లో ఈ చిత్రం ఇప్పటికే బ్రేక్ ఈవెన్ సాధించింది. నిన్నటి నుండే అక్కడి డిస్ట్రిబ్యూటర్లు లాభాల బాట పట్టడం విశేషం. ప్రపంచవ్యాప్తంగా ఈ చిత్రం 88 కోట్లకు బిజినెస్ కాబడింది కాగా తెలుగు రాష్ట్రాల నుండే ఈ చిత్రం 46.7 కోట్ల షేర్ ను వసూలు చేయడం విశేషం. ఈరోజు, రేపు కూడా పండగ సెలవులు ఉండడంతో ఈరోజు వచ్చిన స్థాయిలోనే కలెక్షన్స్ కంటిన్యూ అయ్యే అవకాశముంది.
అల వైకుంఠపురములో 3 డేస్ కలెక్షన్స్ బ్రేక్ డౌన్:
నైజాం : 13.6 కోట్లు
సీడెడ్ : 7.4 కోట్లు
గుంటూరు : 5.11 కోట్లు
ఉత్తరాంధ్ర : 6.19 కోట్లు
తూర్పు గోదావరి : 4.52 కోట్లు
పశ్చిమ గోదావరి : 3.48 కోట్లు
కృష్ణా : 4.52 కోట్లు
నెల్లూరు : 1.96 కోట్లు
ఆంధ్ర + తెలంగాణ : 46.78 కోట్లు
చూస్తుంటే పండగ సెలవులు పూర్తయ్యే లోగానే అల వైకుంఠపురములో బ్రేక్ ఈవెన్ కు చేరుకునేలా కనిపిస్తోంది. నా పేరు సూర్య తర్వాత అల్లు అర్జున్ గ్యాప్ తీసుకున్నా కానీ బ్లాక్ బస్టర్ హిట్ తో బౌన్స్ బ్యాక్ అవ్వడం విశేషం.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2smJL8m
Comments
Post a Comment