ప్రపంచంలో అయినా, సినిమాలో అయినా ధనిక పేద తేడా అనేది ఒక ఎవర్ గ్రీన్ సబ్జెక్ట్. గత దశాబ్దంలో అయితే కేవలం యూత్ ఆడియెన్స్ ని కనెక్ట్ అవ్వడానికి అన్ని భాషలలో ఇలాంటి రిచ్ – పూర్ లవ్ స్టోరీలు సినిమాలుగా తీసారు. వాటిలో సగం ఆడినయి.సగం అస్సాం అయ్యాయి. ఇక రిచ్ – పూర్ లలో కూడా జాతి,మతం కులం, రంగు ఇలా అనేక కేటగిరీలు వేసుకుని కూడా సినిమాలు తీసారు. దాదాపు అన్ని సినిమాలు ఎవరైతే, బాధితులు ఉంటారో, అదే ప్రేమికుల జంట కు అనుకూలంగా సినిమాలుగా వచ్చాయి.
కానీ ఒక వ్యక్తి ని కావచ్చు, ఒక జంటను కావచ్చు.. హత్య చేసేదాక వచ్చింది అంటే, ఇవతల పక్క వాళ్ళ వాయిస్ కూడా తెలుసుకోవాలి కదా.! ఏ కారణం లేకుండా ఎవరూ ఎవ్వరినీ చంపరు… అందులోనూ సొంత వాళ్ళను అసలు చంపరు. ధనిక – పేద దగ్గరనుండి మొదలై ఇప్పుడు ఈ జోనర్ లో పరువు హత్యల బ్యాక్ డ్రాప్ అనేది బాగా నడుస్తోంది. ఏ సమయానికి ఎలా అమ్మితే వ్యాపారం వస్తుందో అలాగే చేస్తుంది ప్రపంచం. ఇక ఇప్పుడు తమిళంలో ఇలాగే పెద్ద ఇంటి పిల్లలను ప్రేమ పేరుతో ట్రాప్ చేసే ఒక టీమ్ మీద సినిమా వచ్చింది, సినిమా పేరు ద్రౌపది. కాకపోతే ఈ సినిమాలో కత్తికి రెండువైపులా పదును చూపించారు. బాధితులతో వెర్షన్ తో పాటు, ప్రపంచంలో ఏదీ జరిగినా తమ వ్యక్తిగత, రాజకీయ, సామాజిక ఎదుగుదలకు వాడుకునే బ్యాచ్ గురించి కూడా చూపించారు. అసలు ఈ కథ ఎంచుకొని, ఇంత రియలిస్టిక్ గా తీయ్యడానికి ఎంతో గట్స్ కావాలి. తమిళ సోదరులు క్రియేటివ్ గా తాము ఎంత ముందు ఉన్నామనేది ఈ సినిమా ద్వారా తెలియచేసారు.
ఇక ఈ సినిమా ట్రైలర్ లో, మొదట ఒక వ్యక్తి తన భార్య చెల్లెలు కులాంతర వివాహం చేసుకుందని, తన భార్యతో సహా చంపేసినట్లు వాయిస్ వస్తుంది. దానితర్వాత ఒక వ్యక్తి హీరోతో “మా వాళ్ళు చెప్పారు… పెద్దింటి అమ్మాయిని తగులుకుంటేనే లైఫ్ లో గోప్పోళ్ళు అవుతామని..” అని అంటాడు. ఇక ఆడపిల్లను ఏడిపించిన ఒక యువకుడిని నగ్నంగా చేసి కొట్టే సీన్ కూడా ఉంది. ఏ కారణం చేత అయినా ఒకరిని హత్య చేస్తే దానిని సమాజంలోని వివిధ వర్గాలు ఎలా అనుకూలంగా మార్చుకుంటాయో కూడా దర్శకుడు నిర్భయంగా చూపించాడు. చివర్లో ఒక యువతి మాట్లాడుతూ … “ఉనకు మన్ను – పొన్ను రెండు ముఖ్యం” (మాకు భూమి, మా జాతి ఆడపిల్లలు ఎంతో గొప్ప … వాటిపై ఎవడు కన్నేసినా.. నరికేస్తాం) అనే డైలాగ్ తో ట్రైలర్ ముగుస్తుంది. ఈ సినిమాలో రిషి రిచర్డ్ హీరోగా రెండు రకాలైన పాత్రలలో కనిపించాడు. ఈ సంచలనాత్మక సినిమా దర్శకుడు మోహన్. G.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2R68SVA
Comments
Post a Comment