స్టైలిష్ స్టార్ అల్లు అర్జున్ కు కేరళ రాష్ట్రంలో ఉండే క్రేజ్ గురించి ప్రత్యేకంగా చెప్పాల్సిన అవసరం లేదు. మన స్టార్ హీరోలు వేరే భాషల్లో మార్కెట్ సంపాదించడం అన్నది చాలా అరుదుగా జరిగే విషయం. కానీ బన్నీకి కేరళలో డై హార్డ్ ఫ్యాన్స్ ఉన్నారు. తన ప్రతి సినిమా రిలీజ్ కు అక్కడ ఉండే హంగామానే వేరు. అక్కడి స్టార్ హీరోల రేంజ్ లో తన సినిమాలు కూడా మార్కెట్ అవుతుంటాయి. అయితే సాధారణంగా అల్లు అర్జున్ నటించిన సినిమాలు తెలుగులో రిలీజ్ అయిన కొన్ని వారాలకు మంచి రిలీజ్ డేట్ చూసుకుని విడుదలవుతుంటాయి. వాటికి ఓపెనింగ్స్ కూడా బానే ఉంటాయి. అయితే ఈసారి పరిస్థితిలో మార్పు కనిపిస్తోంది.
జనవరి 12న అల వైకుంఠపురములో తెలుగుతో పాటే మలయాళంలో కూడా విడుదలవుతోంది. ఈ సినిమాను ముందు నుండే స్ట్రాటెజిగ్గా మలయాళంలో కూడా ప్రమోట్ చేసారు. ఈ నేపథ్యంలో అక్కడ భారీ రిలీజ్ కు ఏర్పాట్లు పూర్తైపోయాయి. ఎన్నడూ లేని విధంగా కేరళ బన్నీ ఫ్యాన్స్ అక్కడ స్పెషల్ ఏర్పాట్లు చేసారు. అల వైకుంఠపురములో చిత్రానికి కేరళ రాష్ట్రవ్యాప్తంగా 30 బెనిఫిట్ షోలు ప్లాన్ చేయడం విశేషం. సాధారణంగా సౌత్ ఇండియాలో స్టార్ హీరోల సినిమాలకు బెనిఫిట్ షోలు వేయడం అనేది మామూలే. అయితే ఒక పరభాషా నటుడి సినిమాకు స్పెషల్ షోస్ అంటే మాములు విషయం కాదు. అందులోనూ 30 స్పెషల్ షోస్ అంటే అది కచ్చితంగా రేర్ ఫీట్ అనే చెప్పాలి.
అల వైకుంఠపురములో చిత్రంలో కూడా కేరళ ప్రేక్షకులకు తెలిసిన ముఖాలు బానే ఉన్నాయి. జయరామ్ అక్కడ ప్రముఖ నటుడు, ఈ చిత్రంలో కీలక పాత్ర పోషించాడు. అలాగే జీపీ కూడా. విలన్ గా చేసిన సముద్రఖని కూడా మలయాళ ప్రేక్షకులకు పరిచయమే. దీంతో బన్నీతో పాటు పలు తెల్సిన ముఖాలు ఉండడం కచ్చితంగా కలిసొచ్చే అంశమే. మరి అల వైకుంఠపురములో చిత్రం ద్వారా బన్నీ అక్కడ ఏ విధమైన హంగామా చేయనున్నాడో చూడాలి.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2T6Hp8L
Comments
Post a Comment