మెగాస్టార్ చిరంజీవి అంటే ఒక ఎమోషన్. చిరంజీవి హీరోగా ఎదిగిన తర్వాత తన తరానికి, తర్వాతి తరానికి కూడా ఇన్స్పిరేషన్ గా నిలిచాడు. ఇప్పటి యంగ్ హీరోలకు కూడా చిరు ఎంతో స్ఫూర్తిదాయకంగా నిలుస్తున్నాడు. హీరోయిజంలో, స్క్రీన్ ప్రెజన్స్ లో, డ్యాన్సుల పరంగా, ఏ రకంగా చూసుకున్నా కూడా చిరంజీవిని ఎంతో మంది ఆదర్శంగా తీసుకుంటూ వచ్చారు, వస్తున్నారు కూడా. తాజాగా మెగాస్టార్ చిరంజీవి ఎమోషనల్ అయ్యాడు. జీ సినీ అవార్డ్స్ 2020 కార్యక్రమానికి ముఖ్య అతిధిగా హాజరైన చిరంజీవి యువ నటుడు కార్తికేయ స్పీచ్ కు ఎమోషనల్ అయిపోయాడు. కళ్ళమ్మట నీళ్లు తెచ్చుకోవడం కూడా కనిపించింది.
ఇంతకీ ఏం జరిగింది అంటే కార్తికేయ జీ సినీ అవార్డ్స్ కార్యక్రమంలో చిరంజీవి సాంగ్స్ కు డ్యాన్స్ పెర్ఫార్మన్స్ ఇచ్చాడు. ఆ తర్వాత కార్తికేయ మాట్లాడుతూ చిరంజీవి చరణ్ ఒక్కరికే తండ్రి కాదని, తామందరం కూడా చిరంజీవికి పిల్లలమేనని చెప్పాడు. తన పాతికేళ్ల జీవితంలో ఇదే అత్యుత్తమ మూమెంట్ అని చెప్పాడు కార్తికేయ. తనకు చిరంజీవే ఆదర్శమని, ఆయనను చూస్తూనే సినిమాల్లోకి వచ్చానని చెప్పాడు. దానికి కిందున్న చిరంజీవి కూడా ఎమోషనల్ అయిపోయాడు.
చిరంజీవి సినిమాల్లోంచి 10 ఐకానిక్ సాంగ్స్ కు కార్తికేయ స్టెప్స్ వేసాడు. దీనికి సంబంధించిన ప్రోమో ఇటీవలే విడుదల చేసారు. ఇది ఇప్పుడు మంచి రెస్పాన్స్ తెచ్చుకుంటోంది. ఆరెక్స్ 100 చిత్రంతో గుర్తింపు తెచ్చుకున్న కార్తికేయ ఆ తర్వాత వరస ప్లాపులతో డీలా పడ్డాడు. మరోవైపు చిరంజీవి సైరా నరసింహారెడ్డితో హిట్ సాధించాడు. ఇప్పుడు కొరటాల శివ చిత్రంలో నటించడానికి సిద్ధమవుతున్నాడు.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2sAy4Lo
Comments
Post a Comment