రోజులు దగ్గర పడే కొద్దీ సరిలేరు నీకెవ్వరు చిత్రంపై పాజిటివ్ బజ్ పెరుగుతోంది. ఈ మధ్య సినిమాల్లో ఎక్కువగా పాసివ్ గా కనిపించిన మహేష్ సరిలేరులో మాత్రం చాలా యాక్టివ్ గా కనిపించనున్నాడని ప్రోమోలను చూస్తే అర్ధమవుతోంది. ఈ చిత్రంపై దర్శకుడు అనిల్ రావిపూడి చాలా కాన్ఫిడెన్స్ ప్రదర్శిస్తున్నాడు. కేవలం తన కెరీర్ లో నాలుగు సినిమాలే చేసిన అనిల్ రావిపూడికి మహేష్ తో సినిమా చేసే అవకాశం చాలా తొందరగా వచ్చింది. అయితే ఈ నాలుగు సినిమాలు చూస్తే ఒక విషయం మాత్రం స్పష్టంగా అర్ధమవుతుంది. అదే అనిల్ రావిపూడికి ప్రేక్షకుల పల్స్ బాగా తెలుసు. వారేం కోరుకుంటున్నారు అన్నది పసిగట్టడంలో అనిల్ రావిపూడి దిట్ట. ముఖ్యంగా కామెడీని తన సినిమాలకు కవచంలా వాడుకున్నాడు. తన నాలుగు సినిమాల్లో వీక్ లింక్ అయిన రాజా ది గ్రేట్ లో కూడా కామెడీకి లోటుండదు.
సరిలేరు నీకెవ్వరు టాప్ హీరో సినిమా కాబట్టి కేవలం కామెడీ మీదే దృష్టి పెడితే సరిపోదు, యాక్షన్ ఘట్టాలు, ఎమోషనల్ సీన్లు అంటూ కొంత పెట్టినా సరిలేరులో కూడా కామెడీకి లోటు ఉండదని సమాచారం. ముఖ్యంగా ఫస్ట్ హాఫ్ లో వచ్చే ట్రైన్ ఎపిసోడ్ ఏకంగా 40 నిమిషాల పాటు ఉంటుందిట. ఈ ఎపిసోడ్ మొదలైన దగ్గరనుండి పూర్తయ్యేవరకూ నవ్వుతూనే ఉంటామని అంటున్నారు. అలాగే ఇందులోనే ఒక ఫైట్, పాట కూడా వస్తుందని సమాచారం.
ఇక అనిల్ రావిపూడి సినిమాల్లో సెకండ్ హాఫ్ అన్నది వీక్ లింక్ అని చెప్పొచ్చు. ఫస్ట్ హాఫ్ ను హిలేరియస్ గా మలిచే అనిల్ రావిపూడి, సెకండ్ హాఫ్ విషయంలో మాత్రం తడబడుతూ ఉంటాడు. నాలుగు సినిమాలకూ ఇది జరిగింది. అయితే ఆ తప్పు సరిలేరుకి జరగకుండా జాగ్రత్తపడ్డాడు అనిల్ రావిపూడి. ఇప్పటిదాకా ఈ దర్శకుడి గురి తప్పింది లేదు. తన అంచనాలు అన్ని సార్లు నిజమయ్యాయి. సరిలేరు నీకెవ్వరు విషయంలో కూడా అదే జరిగే అవకాశముంది. ఇక సెన్సార్ రిపోర్ట్ కూడా పాజిటివ్ గా ఉండడంతో మహేష్ అభిమానులు ఎప్పుడెప్పుడు ఈ సినిమాను చూద్దామా అని ఆసక్తిగా ఎదురుచూస్తున్నారు.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/35nn6q2
Comments
Post a Comment