తమిళనాడు దివంగత ముఖ్యమంత్రి, అలనాటి అందాల తార, పురిచ్చితలైవి జయలలిత జీవిత కథ ఆధారంగా రూపొందుతున్న చిత్రం `తలైవి`. బాలీవుడ్ వివాదాస్పద నటి కంగనరనౌత్ జయలలిత పాత్రలో నటిస్తున్నారు. అమలాపాల్ మాజీ భర్త, దర్శకుడు ఏ.ఎల్. విజయ్ ఈ చిత్రానికి దర్శకత్వం వహిస్తున్నారు. విబ్రిమీడియా, కర్మ మీడియా ఎంటర్టైన్మెంట్స్ బ్యానర్స్పై విష్ణువర్థన్ ఇందూరి, శైలేష్ ఆర్. సింగ్ ఈ చిత్రాన్ని నిర్మిస్తున్నారు.
శుక్రవారం దివంగత తమిళ నటుడు, తమిళనాడు మాజీ ముఖ్యమంత్రి ఎంజీఆర్ జయంతిని పురస్కరించుకుని ఆయన పాత్రలో నటిస్తున్న అరవింద్స్వామి లుక్ని చిత్ర బృందం విడుదల చేసింది. మిగతా కీలక పాత్రల్లో కరుణానిధిగా ప్రకాష్రాజ్, జయలలిత నెచ్చెలి వీకే శశికళగా ప్రియమణి నటిస్తున్నారు. ఇక జయలలిత బయోపిక్ అంటు అందులో శోభన్బాబు లేకుండా అది అసంపూర్తిగానే వుంటుంది.
ఆ పాత్రని కూడా ఈ చిత్రంలో చూపించబోతున్నారట. జయలలిత, శోభన్బాబు ప్రేమించుకున్నారని, పెళ్లికూడా చేసుకోవాలనుకున్నారని అప్పట్లో తెలుగు, తమిళ ఇండస్ట్రీల్లో వార్తలు కూడా షికారు చేశాయి. దీంతో కథలో కీలకమైన పాత్ర కాబట్టి ఈ పాత్రని క్రేజీ స్టార్ విజయ్ దేవరకొండ చేత చేయిస్తున్నారు. త్వరలోనే శోభన్బాబు పాత్రకు సంబంధించిన లుక్ని రిలీజ్ చేస్తారని తెలుస్తోంది. కాగా ఈ చిత్రాన్ని జూన్ 26న రిలీజ్ చేయనున్నట్టు చిత్ర వర్గాల సమాచారం.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/374Syej
Comments
Post a Comment