యంగ్ రెబెల్ స్టార్ డార్లింగ్ ప్రభాస్ నటించిన సాహో సినిమా ఫలితమేంటో తెలిసిపోయింది. హిందీలో ఈ సినిమా హిట్ అవ్వగా మిగిలిన భాషల్లో ప్లాప్ ముద్ర వేయించుకుంది. సాహో సినిమా ఫలితం తేలిపోయింది కాబట్టి ఇప్పుడు ఫోకస్ అంతా ప్రభాస్ నెక్స్ట్ సినిమా జాన్ మీదే ఉంది. జిల్ ఫేమ్ రాధా కృష్ణ ఈ సినిమాకి దర్శకత్వం వహిస్తుండగా, పూజ హెగ్డే ఈ సినిమాలో హీరోయిన్ గా నటిస్తోంది.
ఇది ఒక పీరియాడిక్ లవ్ స్టోరీ అనే ప్రచారం బలంగా ఉంది. 1960ల కాలంలో యూరోప్ లో సాగే ఒక హృద్యమైన ప్రేమకావ్యంగా ఈ సినిమా ఉండబోతోందని విశ్వసనీయ వర్గాల సమాచారం. ఈ సినిమాలో ఫైట్లు అసలు ఉండవని కూడా అంటున్నారు. ఇది ప్యూర్ లవ్ స్టోరీ అని, మిగతా అంశాలను టచ్ చేయలేదని తెలుస్తోంది.
ఈ సినిమాలో పూజ హెగ్డే టీచర్ రోల్ లో నటిస్తోందని సమాచారం. పూజ గెటప్ కూడా ఆనాటి టీచర్ ల కట్టూబొట్టుతో ఉంటుందట. అయితే దీనిపై ఎటువంటి అధికారిక సమాచారం లేదు. ఇండస్ట్రీలో ప్రముఖంగా వినిపిస్తున్న మాట. ఈ చిత్రం వచ్చే ఏడాది విడుదల కానుంది.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2lhTR76
Comments
Post a Comment