మోసం చేసిన సినీ నటుడు అరెస్ట్

భూమిలో వాటా ఇస్తానని మాయమాటలు చెప్పి ఇవ్వకపోగా సీరియల్ లో భాగస్వామి అంటూ మరింత సొమ్ము తీసుకొని మోసం చేయడంతో బాధితుడు పోలీసులను ఆశ్రయించాడు దాంతో మోసం చేసిన సినీ , టివి నటుడు రామచంద్రబాబు ని అరెస్ట్ చేసారు పోలీసులు . రామచంద్రబాబు చక్రవాకం , ఋతు రాగాలు వంటి సీరియల్ లలో నటించాడు అలాగే టాలీవుడ్ లో పలు చిత్రాల్లో నటించాడు . విజయ్ దేవరకొండ హీరోగా నటించిన పెళ్ళి చూపులు చిత్రంలో విజయ్ దేవరకొండ కు తండ్రిగా నటించాడు ఈ రామచంద్రబాబు . సంఘటన వివరాలలోకి వెళితే …….

తనకు సంబంధం లేని స్థలం నాదే అంటూ సంతోష్ నగర్ కు చెందిన శ్రీనివాస్ దగ్గరకు వెళ్లి 60 లక్షలు తీసుకున్న రామచంద్రబాబు ఆ స్థలంలో శ్రీనివాస్ కు వాటా ఇవ్వకపోగా సీరియల్ నిర్మాణం అంటూ మరో యాభై లక్షలను తీసుకున్నాడు . అయితే స్థలంలో వాటా ఇవ్వలేదు , డబ్బులు తిరిగి ఇవ్వకపోవడంతో అనుమానం వచ్చిన శ్రీనివాస్ స్థలం దగ్గరకు వెళ్లి చూడగా అది మరొకరి స్థలమని మోసపోయానని తెలుసుకొని పోలీసులను ఆశ్రయించాడు . అయితే ఈ సంఘటన 2009 లో జరిగింది . శ్రీనివాస్ అనే వ్యక్తీ కేసు పెట్టాడని తెలుసుకొని కోర్టుకెళ్ళి ముందస్తు బెయిల్ తెచ్చుకున్నాడు . ఆ బెయిల్ గడువు తీరడంతో సీసీఎస్ పోలీసులు రామచంద్రబాబు ని అరెస్ట్ చేసి కోర్టులో హాజరుపరిచారు .

English Title: Actor ramachandrababu arrest in fake documents case

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2B3A1l3