మరో మెగా హీరో పరిచయం అయ్యేది రేపే

మెగా కుటుంబం నుండి ఇప్పటికే పలువురు హీరోలు పరిచయం కాగా రేపు మెగాస్టార్ చిరంజీవి మేనల్లుడు వైష్ణవ్ తేజ్ హీరోగా పరిచయం కానున్నాడు . వైష్ణవ్ తేజ్ ఇంతకుముందు బాలనటుడిగా చిరంజీవి నటించిన శంకర్ దాదా ఎం బి బి ఎస్ చిత్రంలో నటించాడు . కట్ చేస్తే ఇన్నాళ్లకు హీరోగా పరిచయం కానున్నాడు . అన్నట్లు ఈ వైష్ణవ్ తేజ్ ఎవరో తెలుసా ……. మరో మెగా హీరో సాయి ధరమ్ తేజ్ తమ్ముడే ఈ వైష్ణవ్ తేజ్ .

రేపు మెగాస్టార్ చిరంజీవి తో పాటుగా పలువురు మెగా హీరోలు అలాగే చిత్ర పరిశ్రమలోని పలువురు ప్రముఖులు ఈ వేడుకకు హాజరు కానున్నారు . దర్శకులు సుకుమార్ మైత్రి మూవీస్ సంస్థ సంయుక్తంగా ఈ చిత్రాన్ని నిర్మిస్తోంది . ఇక ఈ సినిమాతో సుకుమార్ శిష్యుడు బుచ్చిబాబు దర్శకుడిగా పరిచయం అవుతున్నాడు . రేపు ఉదయం హైదరాబాద్ లోని నానక్ రామ్ గూడలో గల రామానాయుడు సినీ విలేజ్ లో ఈ కొత్త సినిమా ప్రారంభం కానుంది . ఇప్పటికే మెగా కుటుంబం నుండి బోలెడు మంది హీరోలు ఉండగా వాళ్ళ జాబితాలో వైష్ణవ్ తేజ్ కూడా చేరాడు .

English Title: Mega hero Vaishnav tej debut with sukumar films

from టాప్ స్టోరీస్ – Telugu Movie Reviews | Telugu Cinema Reviews http://bit.ly/2RWH7Rr