సాధారణంగా నందమూరి బాలకృష్ణను చూస్తే ఎవరినీ పెద్ద లెక్క చేయనట్లు కనిపిస్తాడు. అంటే నెగటివ్ గా కాదు కానీ డేరింగ్ అండ్ డాషింగ్ అనే భావన కలిగిస్తాడు. అయితే ఒక నటుడు అందులోనూ 5 నుండి 10 నిమిషాలు మాత్రమే ఉండే పాత్ర చేయను అన్నాడని తెలిసి ఆ ప్రాజెక్టుని ఆపేసాడు బాలయ్య. ఒకసారి ఆ విషయాల్లోకి వెళితే.. నందమూరి బాలకృష్ణ హీరోగా, క్రియేటివ్ దర్శకుడు కృష్ణవంశీ రైతుల కష్టాల నేపథ్యంలో రైతు అనే స్టోరీ సిద్ధం చేసుకుని వెళ్లి వినిపించాడు. బాలయ్య కూడా ఆ కథకు ఇంప్రెస్ అయ్యాడు. అయితే ఈ కథలో ఒక 10 నిముషాలు పాటు రాష్ట్రపతి పాత్ర ఒకటి ఉంటుంది. ఆ పాత్ర కోసం అమితాబ్ అయితేనే సరిపోతాడని బాలయ్య భావించాడు. అతను ఒప్పుకుంటేనే ఈ సినిమా ఉంటుందని ముందే కృష్ణవంశీకి చెప్పాడు.
అప్పట్లో బాలకృష్ణ, కృష్ణ వంశీ అమితాబ్ ను కలిసి ఈ ప్రాజెక్ట్ గురించి డిస్కస్ చేసారు. అయితే కారణాలు బయటకు రాలేదు కానీ అమితాబ్ మాత్రం ఈ సినిమా చేయలేనని చెప్పేసాడు. అమితాబ్ తప్పితే వేరే వాళ్ళు ఈ పాత్ర చేయలేరు అంటూ బాలయ్య అన్న మాట ప్రకారంగానే ఆ ప్రాజెక్టును పక్కనపెట్టేశాడు. రీసెంట్ గా రూలర్ సినిమా ప్రమోషన్స్ లో భాగంగా ఒక ఇంటర్వ్యూలో మాట్లాడుతూ రైతు కథ ప్రస్తావన వచ్చినప్పుడు ఇక ఆ ప్రాజెక్ట్ ఉండబోదు అన్నట్లుగా మాట్లాడాడు. రైతు కథ తనకెంతో నచ్చిందని, కచ్చితంగా సినిమా చేయాలనుకున్నానని, అయితే ఒక ముఖ్యమైన పాత్ర కోసం ఒక సూపర్ స్టార్ ను అనుకున్నామని కానీ ఆయన బిజీ షెడ్యూల్ కారణంగా చేయలేనని చెప్పేసాడని, దాంతో ఆ ప్రాజెక్టును పక్కన పెట్టాల్సి వచ్చిందని అన్నాడు బాలకృష్ణ.
ఈ మాత్రం దానికే సినిమా పక్కన పెట్టేయాలా అనిపించొచ్చు. కానీ బాలయ్య తరహానే అంత. పాత్రకు తగ్గ నటీనటులు దొరక్కపోతే తాను సినిమాలు చేయలేనని చెప్పుకొచ్చాడు బాలయ్య. తన స్వీయ దర్శకత్వంలో నర్తనశాల సినిమా చేద్దామనుకున్నామని, అయితే అప్పుడే సౌందర్య చనిపోవడంతో ఇక ఆ సినిమాను వదులుకోవాల్సి వచ్చిందని గుర్తుచేసుకున్నాడు.
ఇదంతా బానే ఉంది కానీ, సైరాలో అతి చిన్న పాత్ర వేయడానికి ఒప్పుకున్న అమితాబ్, రైతు విషయంలో మాత్రం బిజీ షెడ్యూల్ అని చెప్పడమేంటో. వారం రోజుల కాల్ షీట్స్ తో అయిపోయే ఈ చిత్రానికి నో చెప్పడానికి వేరే కారణాలు ఉండుండాలి.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2sT5CV6
Comments
Post a Comment