అల వైకుంఠపురములో.. తన పాత సినిమాలనే మార్చి తీసేసాడా?

అల వైకుంఠపురములో.. తన పాత సినిమాలనే మార్చి తీసేసాడా?

స్టైలిష్ స్టార్ అల్లు అర్జున్ నటిస్తోన్న అల వైకుంఠపురములో ముందు నుండీ అటు ట్రేడ్ పరంగా, ఇటు బజ్ పరంగా బోలెడంత సందడి చేస్తోంది. అసలు ప్రమోషన్స్ పరంగా కొత్త స్ట్రాటజీ ఫాలో అయిన అల వైకుంఠపురములో దాన్నుండి చాలా లాభపడింది. పోటీగా మహేష్ బాబు వంటి హీరో నటిస్తోన్న సరిలేరు నీకెవ్వరు ఉన్నా కానీ బజ్ ఎక్కువగా అల వైకుంఠపురములో చుట్టూ తిరుగుతోంది అంటే దానికి కారణం అల టీమ్ ఫాలో అయిన ప్రమోషనల్ స్ట్రాటజీ. ఈ సినిమాకు చాలా ముందు నుండే ప్రమోషన్స్ మొదలుపెట్టారు. ముందుగా సామజవరగమన, తర్వాత రాములో రాముల పాటలు విడుదల చేసారు. అవి ఏ రేంజ్ లో సక్సెస్ అయ్యాయో మళ్ళీ ప్రత్యేకించి చెప్పాల్సింది ఏముంది. ఒక పాటకు 100 మిలియన్ వ్యూస్ వస్తే, మరో పాటకు 90 మిలియన్ వ్యూస్ దాటి వచ్చాయి. ఇప్పుడిక టీజర్ వంతు. అల వైకుంఠపురములో టీజర్ కూడా అన్ని రికార్డులను బ్రేక్ చేసేసింది. ఈ మధ్యనే విడుదలైన సరిలేరు నీకెవ్వరు టీజర్ రికార్డులను చెరిపేస్తూ కేవలం 7 నిమిషాల్లోనే 1 మిలియన్ రియల్ టైమ్ వ్యూస్ సాధించి కొత్త రికార్డులను సృష్టించింది. ఇంకా 24 గంటలు కూడా కాకముందే ఈ టీజర్ 5 మిలియన్ వ్యూస్ దాటేశాయి.

ఈ టీజర్ కట్ అదీ స్టైలిష్ గా, త్రివిక్రమ్ మార్క్ కనిపిస్తూ, అల్లు అర్జున్ చమక్కులతో ఉంది. ఇదంతా పక్కన పెడితే త్రివిక్రమ్ చెప్పాలనుకున్న స్టోరీ పాయింట్ కొత్తగా ఏం లేదు. త్రివిక్రమ్ శ్రీనివాస్ కు ఒక హిట్ ఫార్ములా ఉంది. అత్తారింటికి దారేది చిత్రంలో చిన్నప్పుడే అత్త ప్రేమానురాగాలకు దూరమైన మేనల్లుడు, ఆమెను వెత్తుకుంటూ వెళ్లి ఆ కుటుంబ పరిస్థితులను కూడా చక్కదిద్దుతాడు. అలాగే ఇక్కడ అల వైకుంఠపురములో నాన్న నుండి దూరంగా పెరిగిన హీరో.. పెద్దయ్యాక వైకుంఠాపురానికి వెళ్లి అక్కడున్న కుటుంబ పరిస్థితులను, ఆఫీస్ సమస్యలను తీరుస్తాడు. మధ్యలో బంధాలను, అనుబంధాలను మార్చినా కోర్ పాయింట్ అయితే ఇదే ఉంది. ఇంకా చూసుకుంటే అ.. ఆ చిత్రంలో కూడా అంతర్లీనంగా ఇదే పాయింట్ కనిపిస్తుంది. కాకపోతే ఇది హీరోయిన్ పాయింట్ ఆఫ్ వ్యూ నుండి చెప్పడం వల్ల ఒక కొత్త యాంగిల్ వచ్చింది.

అజ్ఞాతవాసిలో కూడా చూసుకుంటే ఇదే ఫార్మాట్ కనిపిస్తుంది. చూస్తుంటే గురూజీ మోనోటినీ అవుతున్నాడేమో అనిపిస్తోంది. అయితే కథ పరంగా అలాగే ఉంచినా ట్రీట్మెంట్ లో చాలా తేడా ఉంటుందని, పైగా కథల విషయంలో అల్లు అర్జున్ ఆన్ ది స్పాట్ ఉంటాడు కాబట్టి ఈసారి గురూజీ గురి తప్పదనే ఆశిద్దాం.

from టాప్ స్టోరీస్ – Telugu Movie Reviews | Telugu Cinema Reviews https://ift.tt/34iJiRP