మన సమాజం ఎటు పోతోంది? ప్రియాంక రేప్ వీడియో కోసం సెర్చ్

80 lakh searches for Priyanka Reddy rape video

వెటర్నరీ వైద్యురాలు ప్రియాంక రెడ్డికి జరిగిన విషాదాంతం అందరినీ కలిచి వేసింది. పైశాచికంగా ఆమెపై దాడి చేసి, అత్యాచారం జరిపి, తర్వాత చంపేసి, ఆమెకు నిప్పంటించిన వైనం అందరినీ కదిలించింది. ఆమె మరణంపై పెద్ద ఎత్తున నిరసనలు వెల్లువెత్తుతున్న విషయం తెల్సిందే. ఆ దారుణానికి ఒడిగట్టిన నలుగురు మృగాళ్లను తక్షణమే శిక్షించాలని, వాళ్లకు ఉరి వేసే వరకూ శాంతించేది లేదని వేల సంఖ్యలో ప్రజలు రోడ్లపైకి వచ్చి నిరశనలు వ్యక్తం చేసారు. ఆ నలుగురిని రిమాండ్ కు పంపిన షాద్ నగర్ పోలీస్ స్టేషన్ ను ముట్టడించి న్యాయం చేయాలంటూ నినాదాలు చేసారు. ఎంతటి కర్కశులనైనా కదిలించి వేసే సంఘటన అది. ప్రతీ మహిళా భయంతో వణికేలా చేసిన దారుణం అది. అలాంటి దారుణం జరిగి కొన్ని రోజులైనా గడవకముందే ఒక వార్త అందరినీ విస్మయానికి గురి చేస్తోంది. సమాజంగా మనం ఎటు పోతున్నామో అయోమయంలో పడేసిన వార్త అది.

ఇంతకీ అది ఏంటంటారా? ప్రియాంక రెడ్డిని దారుణంగా నోట్లో మందు పోసి, నోట్లో గుడ్డ కుక్కి దారుణంగా నలుగురూ కలిసి రేప్ చేసిన విషయం తెల్సిందే. ఇప్పుడు ఆ సంఘటనకు సంబంధించిన వీడియో ఏదైనా దొరుకుతుందేమోనని నెటిజన్లు సెర్చ్ చేయడం విస్మయానికి గురి చేస్తోంది. అలా సెర్చ్ చేసే వాళ్ళు వందల్లో ఉండొచ్చులే అని అనుకుంటూ ఉండొచ్చు కానీ ఏకంగా 80 లక్షల సెర్చ్ లు గూగుల్ లో, పోర్న్ సైట్స్ లో వచ్చాయని ఒక రిపోర్ట్ విడుదలైంది. దీన్ని బట్టి అర్ధం చేసుకోవచ్చు మనలో మానవత్వం అనేది ఏ స్థాయికి పడిపోయిందో అన్నది తెలుసుకోవడానికి. మనుషులు అందరూ ఎంత పైశాచికంగా తయారవుతున్నారో అనడానికి పై సంఘటన ఒక ఉదాహరణ మాత్రమే.

ఒక అమ్మాయి ఇలా దారుణంగా బాధను అనుభవించి చనిపోతే దానికి సంబంధించిన వీడియో కోసం అన్ని సెర్చ్ లు నమోదవ్వడమంటే దాన్ని ఏమని అనాలి. మనుషులుగా మనం ఫెయిల్ అయ్యామని ఒప్పుకోవడానికి ఇంతకంటే ఉదాహరణ ఏముంటుంది? పోర్న్ సైట్లు చూసే ఎవ్వరినైనా కదిలించే ఈ సంఘటనను కూడా సెర్చ్ చేస్తున్నారంటే వారు రేప్ చేసిన ఆ నలుగురు మృగాళ్ల కంటే ఆలోచనా తీరులో ఎంత మాత్రం తక్కువ కాదు. ఇలాంటి సెర్చ్ లు చేసే వాళ్ళు ఉన్నంత కాలం ఎంతో మంది ప్రియాంకలు బలి అవుతూనే ఉంటారు. చిన్నతనం నుండే సరైన క్రమశిక్షణతో పెంచడం, మహిళల పట్ల గౌరవం ఇవ్వడం నేర్పడం, ఆరోగ్యకరమైన వాతావరణంలో పెంచడం వంటి వాటి వల్ల కనీసం వచ్చే జెనరేషన్ లో మగాళ్లు అయినా మృగాళ్లా కాకుండా మాములు మనుషులుగా ప్రవర్తించే అవకాశముంది.

ఎంతసేపూ మహిళలు ఎలాంటి బట్టలు వేసుకోవాలో, ఎలా నడుచుకోవాలో చెప్పే ఈ జనాలు అబ్బాయిలు ఎలా నడుచుకోవాలో కూడా నేర్పించాలి. దాంతో పాటు నేరం చేసినవాళ్లకు కూడా త్వరతగితన శిక్షలు అమలయ్యేలా చూస్తే పరిస్థితిలో మార్పులు కనిపించవచ్చు. ఇప్పటికీ రోజూ ఎక్కడో చోట ప్రియాంక లాంటి అమ్మాయిలు బలవుతూనే ఉంటారు.

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2Y8tsYm