దిల్ రాజు మాస్టర్ ప్లాన్.. మహేష్ ను అలా లాక్ చేసేసాడు!

దిల్ రాజు మాస్టర్ ప్లాన్.. మహేష్ ను అలా లాక్ చేసేసాడు!

నిర్మాతగా దిల్ రాజు స్థాయి ఏంటో ప్రత్యేకంగా చెప్పాల్సిన పనిలేదు. ఒక్కొక్క సినిమాతో నిర్మాతగా విజయవంతంగా తన కెరీర్ ను ముందుకు తీసుకెళ్లిన దిల్ రాజు, చాలా తక్కువ కాలంలోనే అగ్రనిర్మాతగా అవతరించాడు. స్వతహాగా డిస్ట్రిబ్యూటర్ అయిన దిల్ రాజు, అక్కడ కూడా లాభాలు గడించి, తెలుగు రాష్ట్రాల్లో అటు డిస్ట్రిబ్యూటర్ గా, నిర్మాతగా కొనసాగుతున్నాడు. ఈరోజు దిల్ రాజు సపోర్ట్ లేకుండా చాలా సినిమాలు నైజాంలో కానీ, వైజాగ్ లో కానీ విడుదల చేసుకోలేని పరిస్థితి. ఈ రెండు ప్రాంతాల్లో చాలా థియేటర్లు తన గుప్పిట్లోనే ఉండడం దీనికి ప్రధాన కారణం. ఇక ఇవన్నీ పక్కనపెట్టేస్తే దిల్ రాజు తెలివి గురించి ఫిలిం నగర్ లో కథలుకథలుగా చెప్పుకుంటారు. లేటెస్ట్ గా అలాంటి ఉదాహరణ ఒకటి బయటపడింది.

నిజానికి మహర్షి సినిమా దిల్ రాజు ఒక్కడే నిర్మించాల్సి ఉంది. వంశీ పైడిపల్లితో ఆ రకమైన అగ్రిమెంట్ దిల్ రాజుకి ఉంది. మహేష్ కూడా అప్పటికే దిల్ రాజుకు సినిమా చేస్తానని మాట ఇచ్చాడు. ఈ నేపథ్యంలో దిల్ రాజు నిర్మాణంలో మహేష్ సినిమా విడుదలవుతుంది అనగా పివిపి వచ్చి బ్రహ్మోత్సవం తాలూకు కథను వినిపించాడు. అశ్విని దత్ కూడా బాబుతో ఉన్న అనుబంధాన్ని, తనకిచ్చిన మాటను ప్రస్తావించాడు. అలా మహర్షి ముగ్గురు నిర్మాతలతో కలిసి తెరకెక్కింది. దీంతో మహర్షి వల్ల ఒక్కొక్కొళ్ళకి మిగిలింది తక్కువే అని చెప్పాలి. ఈ విషయంలో దిల్ రాజు తీవ్ర అసంతృప్తిలో ఉన్నాడని అప్పుడు వార్తలు కూడా వచ్చాయి.

ఇక సరిలేరు నీకెవ్వరు చిత్రానికి అనిల్ సుంకర నిర్మాత అయినా కూడా మహేష్ దిల్ రాజును కూడా ఈ చిత్రాన్ని నిర్మించమని రిక్వెస్ట్ చేసాడు. అయితే ఇక్కడే దిల్ రాజు తెలివిగా వ్యవహరించాడు. మరోసారి మరో నిర్మాతతో కలిసి సినిమా నిర్మిస్తే కష్టమని భావించి ఈ సినిమాకు సైలెంట్ పార్ట్నర్ గా ఉండిపోయాడు. నిర్మాణ బాధ్యతలు తీసుకోలేదు. కేవలం సినిమా రిలీజ్ అప్పుడు తన సహాయ సహకారాలు అందిస్తాడు. నైజాంలో సినిమాను డిస్ట్రిబ్యూట్ చేస్తాడు. ఇలా చేయడం వల్ల దిల్ రాజుకు రెండు లాభాలు ఉన్నాయి. మహేష్ తో తనకున్న అగ్రిమెంట్ కారణంగా మరో సినిమాను తనతో నిర్మించవచ్చు. అలాగే అనిల్ రావిపూడితో కూడా ఎఫ్ 2 తర్వాత మరో సినిమాకు డీల్ చేసుకున్నాడు. ఒకవేళ సరిలేరు నీకెవ్వరు నిర్మాణంలో భాగం తీసుకుని ఉంటే అటు మహేష్ తో, ఇటు అనిల్ రావిపూడితో ఒకేసారి డీల్ క్లోజ్ అయిపోయేది. అందుకే నిర్మాణంలో భాగం తీసుకోకుండా ఆ డీల్ ను అలాగే ఉంచాడు. అటు మహేష్ తో దిల్ రాజు ఒక సినిమాను నిర్మించవచ్చు. అలాగే ఎఫ్ 2 సీక్వెల్ ఎఫ్ 3 కూడా అనిల్ రావిపూడి దిల్ రాజుకే చేసి పెట్టాలి. అది కూడా ఎఫ్ 2 అప్పటి రెమ్యునరేషన్ తో. సరిలేరు నీకెవ్వరు తర్వాత తన రెమ్యునరేషన్ ను బాగా పెంచుదామనుకున్న అనిల్ రావిపూడికి ఇది ఒక రకంగా దెబ్బే అని చెప్పాలి. దిల్ రాజా మజాకానా!

from టాప్ స్టోరీస్ – Telugu Movie Reviews | Telugu Cinema Reviews https://ift.tt/34S28Ac