సక్సెస్లో వున్నప్పుడే చుట్టూ పది మంది చేరతారు. అదే సక్సెస్ మనల్ని వీడితే కన్నేత్తి కూడా చూడటానికి కూడా ఇష్టపడరు. కనీసం ఫోన్ కూడా ఎత్తే నాధుడు వుండడు ఇది జగమెరిగిన సత్యం. సక్సెస్ వుందా.. వెంటపడి మరీ తోడుంటామంటారు…డబ్బే సర్వస్వం అనుకునే సినిమా ఇండస్ట్రీలో సక్సెస్ లేకపోతే మనిషిగా కూడా చూడరు… చివరికి కనిపించినా పలకరించే వారు వుండరు అనడం అతిశయోక్తి కాదేమో. అలాంటి ఇండస్ట్రీలో `క్షణం`తో బ్లాక్బస్టర్ హిట్ని సొంతం చేసుకున్నాడో యువ డైరెక్టర్. అతని పేరు రవికుమార్ పేరేపు.
తొలి చిత్రంతోనే తక్కువ బడ్జెట్లో అద్భుతం అనిపించి నిర్మాతకు లాభాల పంట పండించడంతో రవికుమార్ పేరేపు టాక్ ఆఫ్ ది ఇండస్ట్రీ అయ్యాడు. దాంతో అతనికి వరుసగా క్రేజీ ఆఫర్లు తలుపు తడతాయని అంతా భావించారు. `అడివి శేష్ నటించిన `గూఢచారి`కి డైరెక్టర్ తనే అన్నారు చివరి నిమిషంలో సీన్ రివర్స్.. అతని స్థానంలోకి అతని వద్ద వర్క్ చేసిన శశికిరణ్ తిక్క లైన్లోకి వచ్చాడు. దీంతో రవికాంత్ పేరేపుకు సినిమా లేకుండా పోయింది.
ఇవన్నీ కాదని కొత్త కథతో రవికుమార్ పేరేపు `కృష్ణ అండ్ హిస్ లీల` పేరుతో ఓ చిత్రాన్ని రూపొందించాడు. ధీన్ని సురేష్ ప్రొడక్షన్స్, వయాకామ్ 18 సంయుక్త నిర్మాణంలో నిర్మించారు. ముగ్గురు అమ్మాయిలతో ఆడుకునే ఓ యువకుడి కథగా ఈ సినిమా రూపొందింది. అయితే సినిమా అనుకున్న స్థాయిలో రాలేదని సురేష్బాబు మళ్లీ రీషూట్లు సూచించడాట. దాంతో మళ్లీ రీషూట్లు చేసి ఇప్పటికి సిద్ధం చేశారు. దాదాపు రెండేళ్ల విరామం తరువాత ఈ సినిమా బయటికి రాబోతోంది. సిద్దూ, సీరత్ కపూర్, శ్రద్ధా శ్రీనాథ్ కీలక పాత్రల్లో నటించారు. ఈ సినిమాతో అయినా మళ్లీ రవికాంత్ పేరేపు కెరీర్ స్పీడందుకుంటుందేమో చూడాలి.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2PIdiRw
Comments
Post a Comment