సంక్రాంతి పుంజుల ప్రీ రిలీజ్ బిజినెస్ విశేషాలేంటి?

సంక్రాంతి పుంజుల ప్రీ రిలీజ్ బిజినెస్ విశేషాలేంటి?

సినిమాల పరంగా చూసుకుంటే సంక్రాంతి సినిమాలకే ఎక్కువ సందడి ఉంటుంది. భారీ సినిమాలు విడుదలయ్యే సీజన్ కాబట్టి కొన్ని వందల కోట్ల చేతులు మారుతుంటాయి. సంక్రాంతి అనగానే గుర్తొచ్చేది సినిమాలే. ఈసారి కూడా సంక్రాంతి ఎక్కడా తగ్గట్లేదు. టాలీవుడ్ లో మరింత ఘనంగా ఉండబోతోంది. మహేష్ బాబు, అల్లు అర్జున్ బాక్స్ ఆఫీస్ వద్ద తలపడుతుండడం ఈ సంక్రాంతికి స్పెషల్ హైలైట్. ఇంకా నందమూరి కళ్యాణ్, రజినీకాంత్ సినిమాలు కూడా ఈ సంక్రాంతికే రానున్నాయి. మొత్తంగా చూసుకుంటే ఈ సంక్రాంతికి దాదాపుగా 400 కోట్ల బిజినెస్ జరగబోతోందని సమాచారం. థియేట్రికల్ డీల్స్ తో నాన్ థియేట్రికల్ రైట్స్ అన్నీ కలుపుకుంటే వచ్చే అమౌంట్ ఇది. ఆ పది రోజుల మొత్తానికి జరిగిన డీల్స్ ఇవి. జనవరి 10 నుండి మొదలయ్యే సందడి దాదాపు జనవరి నెలాఖరు వరకూ కొనసాగుతుంది. జనవరి మొత్తం లెక్కేసుకుంటే దాదాపు 600 కోట్ల మేర బిజినెస్ డీల్స్ జరుగుతున్నాయి.

ముందే చెప్పుకున్నట్లు ఫోకస్ మొత్తం మాత్రం అల వైకుంఠపురములో, సరిలేరు నీకెవ్వరు చిత్రాలపైనే ఉన్నాయి. ఈ రెండు సినిమాలు బాక్స్ ఆఫీస్ వద్ద తలపడడమే కాకుండా ప్రమోషన్స్ పరంగానూ పోటీ పడుతుండడం నిజంగా హైలైట్. ప్రతీ అప్డేట్ ఇవ్వడానికి రెండు సినిమాల మధ్య టఫ్ కాంపిటీషన్ నడుస్తోంది. ఇది సినీ ప్రేమికులకు భలేగా నచ్చుతోంది. సరిలేరు నీకెవ్వరు చిత్ర విశేషాల విషయానికొస్తే ఈ సినిమాకు దాదాపుగా 80 కోట్లు ఖర్చవుతుంటే 110 కోట్ల దాకా థియేట్రికల్ బిజినెస్ చేసినట్లు తెలుస్తోంది. అంటే సరిలేరు నీకేవ్వరు హిట్ అవ్వాలంటే షేర్ మాత్రమే 120 కోట్ల దాకా రావాలి. సంక్రాంతి కాంపిటీషన్ మధ్య ఈ సినిమా అంత వసూలు చేయగలదా అన్నదే ఇంపార్టెంట్.

ఇక ఈ చిత్ర ట్రైలర్ ను డిసెంబర్ 31న సాయంత్రం విడుదల చేయనున్నట్లు తెలుస్తోంది. అలాగే ప్రీ రిలీజ్ ఈవెంట్ ను జనవరి 5న కండక్ట్ చేయనున్నారట. దీనికి ఒక స్పెషల్ గెస్ట్ ను ఆహ్వానించినట్లు తెలుస్తోంది. అల వైకుంఠపురములో విషయానికొస్తే బిజినెస్ డీల్స్ పరంగా సరిలేరుతో సమానంగానే ఉంది. ఈ చిత్రానికి కూడా 80-85 కోట్ల వరకూ బడ్జెట్ అయినట్లు సమాచారం. థియేట్రికల్ బిజినెస్ కూడా 100 కోట్లపైనే అయింది. అయితే ఏరియా వైజ్ బ్రేకప్ వస్తే అసలు ఫిగర్స్ బయటకొచ్చి ఏ హీరో సత్తా ఎంతనేది తెలుస్తుంది. మరి అప్పటిదాకా వేచి ఉండాల్సిందే. అల వైకుంఠపురములో ట్రైలర్ కూడా డిసెంబర్ 31నే రానుంది. ప్రీ రిలీజ్ ఈవెంట్ ను జనవరి మొదటి వారంలో నిర్వహిస్తారు. తారక్ ఇప్పటికే ఈ ఈవెంట్ కు హాజరుకానున్నాడని తేలిపోయింది.

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2PGgUDJ