క్రేజీ డైరెక్ట‌ర్‌పై క‌న్నేసిన మెగా క్యాంప్‌?

క్రేజీ డైరెక్ట‌ర్‌పై క‌న్నేసిన మెగా క్యాంప్‌?

ఒక సినిమా హిట్ కొట్టాడంటే చాలా ఆ డైరెక్ట‌ర్ కోసం క్యూ క‌ట్టేస్తుంటారు. వీలైతే ఖ‌ర్చీఫ్ వేసేస్తుంటారు. తొలి సినిమా నుంచే స్థార్ హీరోల‌ని లైన్‌లో పెట్టిన యంగ్ డైరెక్ట‌ర్ క‌మ్ రైట‌ర్ బాబీ ఉరాఫ్ కె.ఎస్‌. ర‌వీంద్ర‌. మాస్ మ‌హారాజా ర‌వితేజ‌తో ద‌ర్శ‌కుడిగా త‌న `ప‌వ‌ర్‌` చూపించిన బాబి ఆ త‌రువాత వెంట వెంట‌నే క్రేజీ ఆఫ‌ర్ల‌ని సొంతం చేసుకున్న విష‌యం తెలిసిందే. ప‌వ‌ర్‌స్టార్ ప‌వన్‌క‌ల్యాణ్‌తో `స‌ర్దార్ గ‌బ్బ‌ర్‌సింగ్‌`, యంగ్ టైగ‌ర్ ఎన్టీఆర్‌తో `జైలవ‌కుశ‌` చిత్రాలు చేశారు. తొలి సినిమాతో పోలిస్తే స‌ర్దార్ గ‌బ్బ‌ర్‌సింగ్‌, జై ల‌వ‌కుశ బాబికి పేరుని తీసుకురాలేక‌పోయాయి.

తాజాగా ఈ యంగ్ డైరెక్ట‌ర్ వ‌ర్క్ చేసిన క్రేజీ చిత్రం `వెంకీ మామ‌`. మామా అల్లుళ్లు వెంక‌టేష్‌, నాగ‌చైత‌న్య క‌లిసి న‌టించిన ఈ చిత్రం ఈ శుక్ర‌వార‌మే ప్రేక్ష‌కుల ముందుకొచ్చింది. మామా అల్లుళ్ల సెంటిమెంట్‌, యాక్ష‌న్ స‌మ‌పాళ్ల‌లో వుండ‌టంతో ఈ చిత్రానికి ప్రేక్ష‌కులు హిట్ మార్కులు వేసేశారు. తొలి షో నుంచే ఈ చిత్రం మంచి పాజిటివ్ టాక్‌ని సొంతం చేసుకోవ‌డంతో ఇండ‌స్ట్రీ నుంచి ద‌ర్శ‌కుడు బాబికి ప్ర‌శంస‌ల‌తో పాటు వ‌రుస ఆఫ‌ర్లు వెల్లువెత్తుతున్నాయ‌ట‌.

ఈ విష‌యంలో ముందే తేరుకున్న మెగా క్యాంప్ మ‌రోసారి బాబితో భారీ మ‌ల్టీస్టార‌ర్‌ని ప్లాన్ చేస్తున్న‌ట్టు తెలుస్తోంది. గీతా ఆర్ట్స్ బ్యాన‌ర్‌లోనే ఈ భారీ చిత్రాన్ని తెర‌పైకి తీసుకురావాల‌ని ప్లాన్ చేస్తున్నార‌ట‌. ఇప్ప‌టికే ద‌ర్శ‌కుడు బాబితో చ‌ర్చ‌లు జ‌రిపార‌ని, మెగా క్యాంప్ ఇచ్చిన ఆఫ‌ర్ న‌చ్చ‌డంతో బాబి కూడా ఓకే చెప్పేసిన‌ట్టు ఫిలిం స‌ర్కిల్స్‌లో వినిపిస్తోంది. ఈ చిత్రంలో స్టైలిష్ స్టార్ అల్లు అర్జున్ న‌టించే అవ‌కాశం వుంద‌ని, బాబి ఆయ‌న‌కు లైన్ వినిపించే ప‌నిలో వున్నాడ‌ని తాజా స‌మాచారం.

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2ryiiAt