సినిమా మరియు రాజకీయాలలో ఉపయోగపడని ఖర్చు ఒకటి ఉంటుంది.. అది కంట్రోల్ చెయ్యకపోతే బడ్జెట్ చెయ్యి దాటిపోతుంది. ఇక ప్రస్తుతం సినిమాల విషయానికి వస్తే, తీసే సినిమాను రిచ్ గా తీయ్యాలంటే కథలో క్యారెక్టర్స్ ను రిచ్ గా రాసుకుని ఖర్చు పెట్టించనక్కర్లేదు. మామూలు కథను రాసుకుని తీసే పద్దతిలో టెక్నికల్ గా రిచ్ గా తీసే ఒక వర్గం ఉంది. రామ్ గోపాల్ వర్మ, అనురాగ్ కశ్యప్, మనికందన్, బాలా, ఇలా రెండో కేటగిరీకి వస్తారు. ఇక మొదటి కేటగిరీ లో అశుతోష్ గోవారికర్, సంజయ్ లీలా భన్సాలీ వంటి వాళ్ళు ఉన్నారు. తెలుగులో కూడా బడ్జెట్ పై కంట్రోల్ లేని దర్శకులు, వాళ్ళలో పెద్ద దర్శకులు ఉన్నా, ఇప్పుడు వాళ్ళ పేర్లు తీయ్యడం ఇక్క పాయింట్ కాదు.
ఇప్పుడు పెద్ద సినిమాలు అన్నీ నంబర్ ఆఫ్ ప్యాడింగ్ ఆర్టిస్ట్ లు, వాళ్ళ కాంబినేషన్ లో ఉండే సీన్లతో ఉంటున్నాయి. ఇక ఎక్కువ శాతం సపోర్టింగ్ ఆర్టిస్ట్ లలో ప్రొడ్యూసర్, డైరెక్టర్ ఒప్పుకుంటే, హీరో, హీరోయిన్స్ మాదిరి 5 – 7 మంది అసిస్టెంట్లను మెయింటెయిన్ చేస్తూ క్యారవాన్ తీసుకుంటూ, చివరకి లోకల్ షూటింగ్ కి కూడా ప్రొడక్షన్ కార్లలో వచ్చే వాళ్ళు ఉన్నారు. ఇక ఒక క్యారవాన్ మెయింటెయిన్ చెయ్యడానికి రోజుకు రూ. 25 వేలు ఖర్చు అవుతుంది. ఒక్కో అసిస్టెంట్ కనీసం రోజుకు రూ. ౩ వేల నుండి రూ.7 వేల వరకూ తీసుకుంటారు. ఇక ఫుడ్, ఫ్లైట్ టికెట్ లు, ఫారిన్ షెడ్యూల్ కాల్షీట్ లెక్కలు వేరే ఉన్నాయి. ఒక పెద్ద సినిమా షూటింగ్ అంటే రోజుకి కనీసం 9 క్యారవాన్ లు, 50 మందికి పైగా అసిస్టెంట్ లు నిర్మాత పరిస్థితి జేబులో చెక్కు బుక్కు పెట్టుకుని, షెడ్యూల్ అయ్యాక అకౌంటెంట్, ప్రొడక్షన్ మేనేజర్లతో కూర్చుని తల పట్టుకోవలసిన పరిస్థితి ఉంది. బాధాకరమైన అంశం ఏంటంటే ఇంత లావిష్ సెటప్ తమిళ్,కన్నడ, మలయాళం లోలేదు .
ఇంతా ఖర్చు ప్రొడ్యూసర్ జేబులో నుండి తీసి ఇవ్వట్లేదు. సినిమా రిలీజ్ అయ్యాక టికెట్ రేట్లు పెంచుతున్నారు. అదనపు షో లు వేస్తున్నారు. ఈవెంట్ల మీద ఈవెంట్ లు చేస్తున్నారు. ఇప్పటికైనా ట్రెండ్ మార్చి, కొత్తగా ప్రయత్నిస్తే బాగుటుంది.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2u1qkmF
Comments
Post a Comment