బుల్లితెర ప్రేక్షకులకు పరిచయం అవసరం లేని పేరు దర్శకుడు దిలీప్ రాజా. దిలీప్ రాజా గారు దూరదర్శన్ తో సహా అనేక ఛానెల్స్ కు విజయవంతమైన ధారావాహికలు, సీరియల్స్, ఫీచర్ ఫిలిమ్స్ తీసారు. ఫ్యామిలీ, లవ్, కామెడీ, డివోషనల్, మెసేజ్ ఓరియెంటెడ్ ఇలా అన్నిరకాల సబ్జెక్టులతో కాన్సెప్ట్ లు తియ్యడం ఆయన ప్రత్యేకత. గత ఆంధ్రప్రదేశ్ ప్రభుత్వానికి సంబంధించిన ప్రభుత్వ కార్యక్రమాలు మరియు పథకాలకు సంబంధించి దిలీప్ రాజా గారు సినీ నటులు బాలకృష్ణ గారితో పలు అడ్వర్టైజ్మెంట్ లు చేసారు. ఇక దిలీప్ రాజా గారు చేసిన అంబేద్కర్ జీవిత చరిత్ర సీరియల్ నిజంగా బుల్లితెర పై ఒక సెన్సేషన్ క్రియేట్ చేసింది. కోటీకి పైగా వ్యూయర్ షిప్ తో ఆ సీరియల్ 100 కు పైగా ఎపిసోడ్స్ తో పెద్ద హిట్ గా నిలిచింది. అనేక భారతీయ బాషలలోకి కూడా అనువాదం చెయ్యబడింది.
ఇక హాస్యనటుడు అలీతో దిలీప్ రాజా తీసిన పూర్తి స్థాయి కామెడీ సినిమా “పండుగాడి ఫోటో స్టూడియో” గత ఏడాది రిలీజ్ అయ్యి మంచి విజయం సాధించింది. ఇప్పుడు ధన్య బాలకృష్ణ మెయిన్ రోల్ లో నటిస్తోంది. మెర్సీ కిల్లింగ్ బ్యాక్ డ్రాప్ లో సాగే ఒక సరదా లవ్ స్టోరీ చిత్ర యూనిట్ తెలిపింది. “పండుగాడు…” సినిమా లాగే ఈ సినిమా కూడా మొత్తం ఆంధ్రప్రదేశ్ లోని వివిధ న్యాచురల్ లోకేషన్స్ లో తీస్తానని డైరెక్టర్ దిలీప్ రాజా ప్రకటించారు. ఇక ఈ సినిమాలో కూడా అనేకమంది కొత్త ఆర్టిస్ట్ లకు, టెక్నీషియన్స్ కు అవకాశాలు ఇస్తున్నట్లు మూవీ టీం చెప్తోంది. ఈ సినిమాకు మ్యూజిక్ డైరెక్టర్ యాజమాన్య మరియు సాహిత్య రచయిత రాంబాబు గోసాల పనిచేస్తున్నారు. ఇక సినిమా టైటిల్ ను “యూత్” అని ఫిక్స్ చేసారు. “కుర్రాళ్ళ గుండె చప్పుడు” అనేది సబ్ టైటిల్. 22 ఏళ్ల కుర్రాడు కోర్టును మెర్సీ కిల్లింగ్ కోసం పర్మిషన్ అడుగుతాడు. అందుకు ఆ జడ్జ్ ఎందుకు అని అడిగితే ఆ కుర్రాడు నేటి సమాజంలో కుర్రాళ్ళు ఎలాంటి పరిస్థితులను ఎదుర్కొంటున్నాడో.. ఎలాంటి బాధలను భరిస్తున్నాడో చెప్తాడు అనేదే ఈ చిత్ర కాన్సెప్ట్.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/3bpDevt
Comments
Post a Comment