యూత్ హార్ట్ త్రోబ్ విజయ్ దేవరకొండ త్వరలో బాలీవుడ్ బాటపడుతున్న విషయం తెలిసిందే. `ఇస్మార్ట్ శంకర్` హిట్తో మళ్లీ విజయాల బాటపట్టిన పూరి జగన్నాథ్ క్రేజీ హీరో విజయ్ దేవరకొండతో తెలుగు, హిందీ భాషల్లో `ఫైటర్` పేరుతో ఓ భారీ చిత్రాన్ని ఇటీవలే మొదలు పెట్టిన విషయం తెలిసిందే. ముంబైలో చిత్రీకరణ మొదలైంది. బాలీవుడ్ బిగ్ ప్రొడ్యూసర్ కరణ్ జోహార్ ఈ చిత్రానికి వన్ ఆఫ్ ది పార్ట్నర్గా వ్యవహరిస్తున్నారు. పాన్ ఇండియాస్థాయిలో ఈ చిత్రాన్ని తెరపైకి తీసుకొస్తున్నారు.
తాజాగా విజయ్ దేవరకొండ నటిస్తున్న `వరల్డ్ ఫేమస్ లవర్` ఈ నెల 14న రిలీజ్ కాబోతోంది. ఈ సందర్భంగా హీరో విజయ్ దేవరకొండ మంగళవారం మీడియాతో ప్రత్యేకంగా సమావేశమయ్యారు. ఈ సందర్భంగా పలు విషయాలపై స్పందిచిన విజయ్ `ఫైటర్` సినిమాపై మరిన్ని విషయాల్ని వెల్లడించారు. తన కెరీర్లో తొలి సారి సెట్స్కు వెళ్లే ముందు చాలా ప్రిపేర్ అయి వెళ్లానని, మెంటల్గా, ఫిజికల్గా చాలా ప్రిపేర్ అయ్యానని, తొలి రోజు షూటింగ్ కోసం తెల్లవారు జామున 3 గంటల వరకు నిద్ర పట్టలేదని వెల్లడించారు.
ఇంతకు ముందు `డియర్ కామ్రేడ్` రీమేక్లో నటించమని కరణ్జోహార్ నుంచి ఆఫర్ వచ్చిందని. అయితే చేసిన పాత్రనే మళ్లీ చేయడం ఇష్టం లేక వచ్చిన ఆఫర్ని రిజెక్ట్ చేశానని, అదే వ్యక్తి ఇప్పుడు `ఫైటర్` చిత్రానికి సమర్పకుడిగా వ్యవహరించడం ఆనందంగా వుందని విజయ్ దేవరకొండ వెల్లడించాడు.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/39qTAC9
Comments
Post a Comment