రిలీజ్‌కు ముందే బాహుబ‌లి 2 రికార్డ్ బ్రేక్‌!

Rajamouli  RRR  Pre release Business report

ప్ర‌భాస్‌, రానా న‌టించిన `బాహుబ‌లి` సిరీస్ చిత్రాలు దేశ వ్యాప్తంగా ఏ స్థాయి సంచ‌ల‌నాలు సృష్టించాయే అంద‌రికి తెలిసిందే. ముఖ్యంగా పార్ట్ 2 బాక్సాఫీస్ వ‌ద్ద భారీ వ‌సూళ్ల‌ని సాధించ‌డ‌మేకాకుండా ప్రీరిలీజ్ బిజినెస్ ప‌రంగానూ ద‌క్షిణాది చిత్రాల్లో స‌రికొత్త చ‌రిత్ర సృష్టించింది. ప్ర‌పంచ వ్యాప్తంగా దాదాపు 2000 కోట్ల మైలు రాయిని చేరుకుని స‌రికొత్త రికార్డుని నెల‌కొల్పింది. ద‌క్షిణాదిలో ముఖ్యంగా అత్య‌ధిక వ‌సూళ్ల‌ని సాధించ‌డంతో ఈ సినిమా పేరుతో ఓ రికార్డుగా  ట్రేడ్ వ‌ర్గాలు మెయింటైన్ చేయ‌డం మొద‌లైంది. బాహుబ‌లి, నాన్ బాహుబ‌లి రికార్డ్స్ అనే నూత‌న సంప్ర‌దాయానికి శ్రీ‌కారం చుట్టారు.

`బాహుబ‌లి` త‌రువాత తెలుగులో రిలీజ్ అయిన ఏ సినిమా ఆ రికార్డుల్ని స‌మం చేయ‌లేక‌పోయింది. తాజాగా రాజ‌మౌళి రూపొందిస్తున్న`ఆర్ ఆర్ ఆర్‌` ప్రీరిలీజ్ బిజినెస్ `బాహుబ‌లి 2` రికార్డుల్ని సౌత్‌లో అధిగ‌మించడం ట్రేడ్ వ‌ర్గాల‌ని విస్మ‌యానికి గురిచేస్తోంది. ఓ త‌మిళ  ట్రేడ్ అన‌లిస్ట్ తాజాగా జ‌రిగిన `ఆర్ ఆర్ ఆర్‌` బిజినెస్‌పై సంచ‌ల‌న వ్యాఖ్య‌లు చేశారు. ఓవ‌ర్సీస్ మిన‌హా ద‌క్షిణాదిలో 400 కోట్ల‌కు మించి ప్రిరిలీజ్ బిజినెస్ జ‌రిగిన చిత్రంగా `ఆర్ ఆర్ ఆర్‌` చరిత్ర సృష్టిస్తోందన వెల్ల‌డించారు. నైజాం – 75 కోట్లు, ఆంధ్రా- 100 కోట్లు, సీడెడ్ – 40 కోట్లు, క‌ర్ణాట‌క – 50 కోట్లు, కేర‌ళ 15 కోట్లు, త‌మిళ వెర్ష‌న్‌కు సంబంధించి ఇంకా టాక్స్ జ‌రుగుతున్నాయ‌ని. ఓవ‌ర్సీస్ రైట్స్ 70 వ‌ర‌కు ప‌లికే అవ‌కాశం వుంద‌ని తెలిసింది.

ఉభ‌య తెలుగు రాష్ట్రాల్లో నైజాం, సీడెడ్‌, ఆంధ్రా క‌లిపి 215 కోట్ల‌కు అమ్ముడు పోవ‌డం ఆశ్చ‌ర్యాన్ని క‌లిగిస్తోంది. త‌మిళ రైట్స్ మిన‌హా యించి 350 దాటిన ఈ సినిమా ప్రిరిలీజ్ బిజినెస్ 400 కోట్లు ఎట్టిప‌రిస్థితుల్లోనూ దాటుతుంద‌ని, బాహుబ‌లి 2 రికార్డుని బ్రేక్ చేయ‌డం ఖాయ‌మ‌ని ట్రేడ్ పండితులు చెప్ప‌డం విశేషం.

from టాప్ స్టోరీస్ – Telugu Movie Reviews | Telugu Cinema Reviews https://ift.tt/37aHATS