మెగా హీరో సాయి ధరమ్ తేజ్ కు ఈ ఏడాది గొప్పగా కలిసొచ్చిందని చెప్పాలి. వరసగా ఆరు ప్లాపుల తర్వాత తేజ్ ఈ ఏడాది చిత్రలహరి చిత్రంతో డీసెంట్ హిట్ అందుకున్నాడు. అయితే తన నుండి బ్లాక్ బస్టర్ హిట్ వస్తే మళ్ళీ రైట్ ట్రాక్ లో పడొచ్చని భావించిన తేజ్ ప్రతిరోజూ పండగే చిత్రాన్ని చేసాడు. ఆ సినిమా ఆశించినట్లుగా పూర్తి పాజిటివ్ రెస్పాన్స్ తెచుకోకపోయినా అన్ని వర్గాలకు సమానంగా నచ్చేస్తోంది. ప్రస్తుతం మార్కెట్ లో ఉన్న సినిమాల్లో దీనికే ఫస్ట్ ప్రిఫరెన్స్ దక్కుతోంది. పోటీగా సినిమాలు పెద్దగా లేకపోవడంతో, ఉన్నవాటికి స్పందన అంతగా లేకపోవడంతో ప్రతిరోజూ పండగే ఆడిందే ఆటగా మారింది. ఇప్పటికే పెట్టిన పెట్టుబడి దాదాపు 70 శాతం రాబట్టిన ఈ చిత్రం రేపు క్రిస్మస్ సందర్భంగా సెలవు కావడంతో మరింత పుంజుకోనుంది.
ట్రేడ్ అనలిస్టులు చెప్పే దాన్ని బట్టి తొలివారంలోనే ఈ సినిమా బ్రేక్ ఈవెన్ కు చేరుకోవడం ఖాయం. అలాగే రెండో వారం పెద్దగా పోటీ లేకపోవడంతో సినిమాను కొనుక్కున్న బయ్యర్లందరూ లాభాల బాట పట్టనున్నారు. ఇక ప్రతిరోజూ పండగే చిత్రం సక్సెస్ తో ఫుల్ ఖుషీగా ఉన్న తేజ్ ఇప్పుడు వరస సినిమాలను సెట్ చేసుకుంటున్నాడు. ఇప్పటికే కొత్త దర్శకుడు సుబ్బు దర్శకత్వంలో సోలో బ్రతుకే సో బెటరు అనే చిత్రాన్ని చేస్తోన్న తేజ్, దాని తర్వాత దేవా కట్టా దర్శకత్వంలో ఒక సినిమా చేయనున్నాడు.
దేవా కట్టా వెన్నెల, ప్రస్థానం సినిమాలతో మొదట చాలా ప్రామిసింగ్ దర్శకుడిగా అనిపించినా రీసెంట్ ఈ దర్శకుడు కొట్టిన హిట్ అంటూ లేదు. డైనమైట్ సినిమా దారుణంగా ఆడింది. ప్రస్థానం సినిమానే హిందీలో అదే పేరుతొ తీస్తే అక్కడ వచ్చిన ఫలితం గురించి మాట్లాడుకోవడం కూడా అనవసరం. భారీ నష్టాలని తీసుకొచ్చింది. ఇప్పుడిప్పుడే హిట్ ట్రాక్ లో పడిన తేజ్ మళ్ళీ ఇలా ఫామ్ లో లేని దర్శకుడితో సినిమా చేయడం ఎంత వరకూ కరెక్ట్ అనే మాటలు వినిపిస్తున్నాయి. అయితే తేజ్ వెర్షన్ వేరేలా ఉంది. దేవా కట్టా తనకు చెప్పిన కథ బాగా నచ్చిందని, తన కెరీర్ లో ఈ చిత్రం చాలా భిన్నంగా ఉంటుందని భావిస్తున్నాడు తేజ్. తనతో సినిమా చేస్తానని ఎప్పుడో మాట ఇచ్చేసానని, సోలో బ్రతుకే.. తర్వాత తెరకెక్కబోయే సినిమా ఇదే అవుతుందని అంటున్నాడు. మరి చూద్దాం ఈ సినిమా ఎలాంటి ఫలితాన్ని అందుకుంటుందో.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2EN221t
Comments
Post a Comment