విక్టరీ వెంకటేష్, అక్కినేని నాగ చైతన్య మామ అల్లుళ్లుగా నటించిన చిత్రం వెంకీ మామ. సురేష్ బాబు – పీపుల్స్ మీడియా ఫ్యాక్టరీ సంయుక్తంగా నిర్మిస్తున్న ఈ చిత్రానికి బాబీ దర్శకత్వం వహించిన సంగతి తెల్సిందే. గత కొంత కాలంగా ఈ సినిమా రిలీజ్ డేట్ గురించి ఆసక్తికర చర్చ జరిగింది. ఈ చిత్రాన్ని ఎప్పుడు రిలీజ్ చేయాలనే అంశంపై చాలానే ఆలోచించారట. ఈ చిత్రానికి వెంకటేష్, నాగ చైతన్య మార్కెట్ లకు మించిన బడ్జెట్ పెట్టేయడంతో దాన్ని రికవర్ చేయాలంటే మంచి రిలీజ్ డేట్ కచ్చితం. అందుకే సంక్రాంతికి విపరీతమైన పోటీ మధ్య వచ్చే కంటే సోలో రిలీజ్ వైపు చూసుకుంటే బెస్ట్ అని సురేష్ బాబు ఫిక్స్ అయ్యి డిసెంబర్ రిలీజ్ ను కన్ఫర్మ్ చేసాడు. ఇంకా అధికారికంగా ప్రకటించలేదు కానీ వెంకటేష్ పుట్టినరోజు నాడు అంటే డిసెంబర్ 13న ఈ చిత్రాన్ని విడుదల చేయాలని భావిస్తున్నారు. డిసెంబర్ 13 అంటే ఇంకా నెల రోజులు కూడా లేదు. మరోవైపు పోస్ట్ ప్రొడక్షన్ కార్యక్రమాలు ఇంకా పూర్తి కావాల్సి ఉంది. ప్రమోషనల్ యాక్టివిటీస్ నెమ్మదిగా సాగుతున్నాయి. వాటిని వేగవంతం చేయాలి. ఇప్పటికే ఈ చిత్రం నుండి రెండు పాటలు విడుదలయ్యాయి. రెండిటికీ మంచి రెస్పాన్స్ వస్తోంది. రానున్న రోజుల్లో మరింత అగ్రసివ్ గా ప్రమోషన్స్ చేయాలని డిసైడ్ అయ్యారు.
మరోవైపు వెంకీ మామ పూర్తి ఫన్ ఎంటర్టైనర్ అని, వెంకటేష్, నాగచైతన్య కాంబినేషన్ లో సీన్స్ కడుపుబ్బా నవ్విస్తాయని. మరో ఎఫ్ 2 తరహా సినిమా ఇదని వార్తలు వస్తున్నాయి. కానీ ఇందులో పూర్తిగా నిజం లేదని తెలుస్తోంది. వెంకీ మామలో అన్ని రకాల ఎమోషన్స్ కు సమ ప్రాధాన్యతను ఇచ్చినట్లు సమాచారం. కామెడీ ఎంత ఉంటుందో, ఎమోషనల్ కంటెంట్ కూడా అంతే ఉండేలా దర్శకుడు బాబీ, నిర్మాత సురేష్ బాబు జాగ్రత్తలు తీసుకున్నారు. ఈ సినిమాలో నాగ చైతన్య ఆర్మీ ఆఫీసర్ గా, వెంకటేష్ రైతుగా కనిపిస్తారని తెలుస్తోంది. అటు నాగ చైతన్య, ఇటు వెంకటేష్ పాత్ర కూడా కామెడీ చేసి ఎంటర్టైన్ చేసి ఎమోషనల్ గా ఏడిపిస్తాయని తెలుస్తోంది. ముఖ్యంగా వెంకటేష్ పాత్ర క్లయిమాక్స్ లో కన్నీరు తెప్పించే రేంజ్ లో ఉంటుందిట. వెంకటేష్ కు అసలే ఫ్యామిలీ ఆడియన్స్ లో మంచి క్రేజ్ ఉంది. ఈ టైపు సినిమాలు వారిని బాగా అట్ట్రాక్ట్ చేస్తాయి కాబట్టి సినిమాకు విజయావకాశాల విషయంలో సురేష్ బాబు ధీమాగా ఉన్నట్లు తెలుస్తోంది.
నాగ చైతన్యకు జోడిగా రాశి ఖన్నా హీరోయిన్ గా నటిస్తోన్న ఈ సినిమాలో వెంకటేష్ కు జోడిగా పాయల్ రాజ్ పుత్ ఉంది. థమన్ సంగీతం అందిస్తున్నాడు. వెంకీ మామ టైటిల్ సాంగ్, రెట్రో ఫీల్ తో సాగే ఎన్నాళ్ళకో సాంగ్ రెండూ కూడా యూట్యూబ్ లో సూపర్ హిట్ అయ్యాయి. మరి డిసెంబర్ 13న రానున్న వెంకీ మామ ఎలాంటి విజయం సాధిస్తుందో చూడాలి.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/330wWwF
Comments
Post a Comment