అనిల్ రావిపూడి ఈ విషయంలో తగ్గుతాడా?

అనిల్ రావిపూడి ఈ విషయంలో తగ్గుతాడా?

ప్రస్తుతం తెలుగులో ఉన్న ప్రామిసింగ్ దర్శకులలో అనిల్ రావిపూడి ఒకరు. 100 పెర్సంట్ సక్సెస్ రేట్ తో దూసుకుపోతున్న అనిల్ రావిపూడి ప్రస్తుతం మహేష్ బాబు సరసన సరిలేరు నీకెవ్వరు వంటి భారీ చిత్రాన్ని తెరకెక్కిస్తున్నాడు. అనిల్ రావిపూడి ఈ చిత్రం ముందు వరకూ కూడా మీడియం హీరోలతోనే పనిచేసాడు. తన మొదటి సినిమా పటాస్ ను కళ్యాణ్ రామ్ తో చేసిన అనిల్ రావిపూడి తర్వాత సాయి ధరమ్ తేజ్ హీరోగా సుప్రీమ్, రవితేజ హీరోగా రాజా ది గ్రేట్, వెంకటేష్, వరుణ్ తేజ్ హీరోలుగా ఎఫ్ 2 సినిమాలను చేసాడు. ఈ నాలుగు సినిమాలు కూడా ఒకదాన్ని మించి ఒకటి హిట్ అయ్యాయి. ఎఫ్ 2తో అయితే అనిల్ పేరు మార్మోగిపోయింది. దీంతో మహేష్ పిలిచి మరీ అవకాశమిచ్చాడు. ఏదైనా కథ ఉంటే చెప్పమని అడగ్గా, సరిలేరు నీకెవ్వరు కథతో ఇంప్రెస్ చేసాడు అనిల్.

ప్రస్తుతం ఈ సినిమా చిత్రీకరణ చివరి దశలో ఉంది. డిసెంబర్ మొదటి వారానికి షూటింగ్ పూర్తవుతుందని వార్తలు వస్తున్నాయి. సరిలేరు నీకెవ్వరు జనవరి 11న సంక్రాంతి పండుగ సందర్భంగా విడుదలవుతోన్న విషయం తెల్సిందే. ఈ సినిమా టీజర్ ఇటీవలే విడుదలవ్వగా దానికి సూపర్బ్ రెస్పాన్స్ వచ్చింది. మహేష్ బాబు మళ్ళీ జోవియల్ గా కనిపిస్తుండడంతో ఫ్యాన్స్ కూడా ఖుషీగా ఉన్నారు. దీంతో అంచనాలు కూడా ఓ రేంజ్ లో ఉన్నాయి. అనిల్ రావిపూడి తన సక్సెస్ ను ఈ సినిమాతో కూడా కంటిన్యూ చేస్తాడని అంటున్నారు. ఇదిలా ఉంటే సరిలేరు నీకెవ్వరు చిత్రీకరణ చివరి దశల్లో ఉండడంతో అనిల్ రావిపూడి తర్వాతి సినిమా గురించి ఇప్పటినుండే చర్చలు మొదలయ్యాయి.

ఇప్పటిదాకా మిడ్ రేంజ్ హీరోలతో చేసిన అనిల్ రావిపూడి, ఇప్పుడు టాప్ హీరోతో చేసాడు కాబట్టి ఇకనుండి టాప్ హీరోలతో చేయడానికే ఫిక్స్ అవుతాడని వార్తలు వచ్చాయి. అయితే టాప్ హీరోలు అంటే గట్టిగా అరడజను మంది ఉన్నారు. వీరికి డిమాండ్ ఎప్పుడూ భారీగానే ఉంటుంది. పైగా ఒక సినిమా కమిట్ అయ్యారంటే తొమ్మిది నెలలైనా మళ్ళీ ఫ్రీ అవ్వడానికి టైమ్ పడుతుంది. అంత కాలం వెయిట్ చేయాలంటే కెరీర్ లో బాగా గ్యాప్ వచ్చేస్తుంది. ఈ విషయం అనిల్ రావిపూడికి బాగా తెలుసు.

కేవలం టాప్ హీరోలతోనే చేస్తానని కూర్చుంటే అది తన కెరీర్ కు బ్రేక్ ఇస్తుందని, అయినా అలా మడి కట్టుకుని కూర్చోవడం కూడా కరెక్ట్ కాదని అంటున్నారు. అందుకే సరిలేరు నీకెవ్వరు తర్వాత అనిల్ రావిపూడి ఎనర్జిటిక్ హీరో రామ్ తో ఒక సినిమా ప్లాన్ చేస్తున్నట్లు తెలుస్తోంది. నిజానికి రామ్ తో రాజా ది గ్రేట్ కే పనిచేయాలి. కానీ రామ్ కొన్ని కారణాల వల్ల ఆ సినిమా చేయడానికి ఒప్పుకోలేదు. ప్రస్తుతం ఇస్మార్ట్ శంకర్ సక్సెస్ తర్వాత రెడ్ అనే చిత్రాన్ని చేస్తున్నాడు రామ్. ఈ సినిమా ఏప్రిల్ 9న విడుదల కానుంది. సో వెంటనే అనిల్ రావిపూడి తన నెక్స్ట్ సినిమాను మొదలుపెట్టేయొచ్చు. ఎంతైనా అనిల్ ప్లానింగ్ సూపరంతే.

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2DBn1Dv