సీక్వెల్స్ ఎక్కువగా వస్తోన్న 2019లో మరో హాలీవుడ్ యానిమేటడ్ చిత్రం విడుదలైంది. 2013లో వచ్చిన వాల్ట్ డిస్నీ వారి హాలీవుడ్ చిత్రం ఫ్రోజెన్ కు సీక్వెల్ గా గత వారం ఫ్రోజెన్ 2 విడుదలై అందరి దృష్టిని ఆకర్షించింది. ఈ మధ్య హాలీవుడ్ సినిమాలు ఇండియా మార్కెట్ పై బాగా దృష్టి పెడుతున్నాయి. ముఖ్యంగా యానిమేటెడ్ సిరీస్ అయితే అందులో ప్రముఖ పాత్రలకు ఇండియాలోని టాప్ స్టార్స్ చేత డబ్బింగ్ చెప్పిస్తుండడం బాగా కలిసొస్తోంది. ఈ ఏడాది విడుదలైన ది లయన్ కింగ్ కు ఇలానే చేసారు. బాలీవుడ్ లో షారుఖ్ ఖాన్, తెలుగు నుండి నాని, జగపతి బాబు, బ్రహ్మానందం, అలీ వంటి స్టార్స్ ఇంపార్టెంట్ రోల్స్ కు డబ్బింగ్ చెప్పి క్రేజ్ తీసుకొచ్చారు. ఆ సినిమా ఎంత పెద్ద విజయం సాధించిందో మనం చూసాం.
ఇప్పుడు ఫ్రోజెన్ 2 విషయంలో కూడా ఇదే చేసారు. ఇందులో ఎల్సా పాత్రకు తెలుగులో నిత్యా మీనన్ డబ్బింగ్ చెప్పింది. అలాగే చిన్నప్పటి ఎల్సా పాత్రకు సూపర్ స్టార్ మహేష్ బాబు కూతురు సితార డబ్బింగ్ చెప్పడం విశేషం. ఈ చిత్రం ఇప్పుడు ఇండియాలో మంచి వసూళ్లను రాబడుతోంది. తొలి వీకెండ్ లోనే ఫ్రోజెన్ 2 అదరగొట్టింది. మొదటి మూడు రోజులకే దాదాపు 18 కోట్లను కొల్లగొట్టింది ఫ్రోజెన్ 2. వీక్ డేస్ లో డ్రాప్ కనిపించినా కూడా సినిమా నిలబడింది. మొత్తంగా ఇప్పటివరకూ 25 కోట్ల రూపాయల షేర్ ను దాటింది ఫ్రోజెన్ 2.
2013లో అందరినీ అలరించిన ఫ్రోజెన్ దాదాపుగా 1.28 బిలియన్ డాలర్స్ ను వసూలు చేసిన సంగతి తెల్సిందే. ఇప్పుడు దాని సీక్వెల్ ఫ్రోజెన్ 2 కూడా తక్కువేం తినలేదు. ఇప్పటికే దాదాపుగా 500 మిలియన్ డాలర్లను ప్రపంచవ్యాప్తంగా వసూలు చేసింది. తొలి పార్ట్ లో ఆకట్టుకున్న ఎల్సా, అన్నా, క్రిస్టోఫ్, ఓలాఫ్ వంటి పాత్రలు, సీక్వెల్ లో కూడా కనిపించబోతున్నాయి. ముఖ్యంగా ఈ సీక్వెల్ లో ఎల్సా కు పవర్స్ ఎలా వచ్చాయి అన్న విషయాన్ని చర్చించారు.
ముఖ్యంగా పిల్లలను ఉద్దేశించి తీసిన ఈ చిత్రం అందరినీ ఆకట్టుకుంటుండడం విశేషం.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2rFa1Kl
Comments
Post a Comment