గత నెల రోజులుగా మెగా బ్రదర్ నాగబాబు జబర్దస్త్ నుండి తప్పుకుంటున్నాడు అంటూ రకరకాల కథనాలు మీడియాలో ప్రసారమవుతూ వచ్చిన విషయం తెల్సిందే. రకరకాలుగా ఈ పుకార్లు షికారు చేస్తుండడంతో స్వయంగా నాగబాబు తన ఛానల్ లో ఒక వీడియో పెట్టి జబర్దస్త్ నుండి తప్పుకుంటున్నట్లు ధృవీకరించాడు. అయితే తాను తప్పుకోవడానికి నిర్దిష్టమైన కారణాలు మాత్రం చెప్పలేదు. కేవలం సైద్ధాంతిక పరమైన కారణాలతో తాను జబర్దస్త్ నుండి ఎగ్జిట్ ఇస్తున్నట్లు చెప్పాడు నాగబాబు. వీడియో పది నిమిషాలకు పైగా ఉన్నా అందులో అసలు కారణాలు మాత్రం చెప్పలేదు. జబర్దస్త్ తన ఎదుగుదలకు ఎలా ఉపయోగపడిందీ, తాను జబర్దస్త్ కు ఎలా హెల్ప్ అయ్యిందీ వివరిస్తూ వచ్చాడు. జనాలు ఆసక్తిగా వీడియో మొత్తం జబర్దస్త్ ఎగ్జిట్ గురించి ఎదురుచూస్తుంటే నాగబాబు మాత్రం ఆ విషయం తేల్చకుండా ఓవర్ ది పిరియడ్ ఈ విషయం గురించి మాట్లాడతా అనేశాడు.
ఆ వీడియో వచ్చిన తర్వాత జీ తెలుగులో నాగబాబు పాల్గొంటున్న కొత్త షో లోకల్ గ్యాంగ్స్ కు సంబంధించిన మొదటి ప్రోమో వదిలారు. ఇది జబర్దస్త్ కు పోటీగా ప్రారంభమైన షో అన్న సంగతి తెల్సిందే. ఇదిలా ఉంటే జబర్దస్త్ నుండి నాగబాబు ఎగ్జిట్ తర్వాత చమ్మక్ చంద్ర అండ్ బ్యాచ్, కిరాక్ ఆర్పీ అండ్ బ్యాచ్ కూడా జబర్దస్త్ నుండి బయటకు వచ్చేసారు. వీళ్ళను నాగబాబే తీసుకువచ్చాడు అన్న రూమర్స్ ఉన్నాయి. అయితే వీటిపై నాగబాబు పెదవి విప్పలేదు. జబర్దస్త్ గురించి మొదటి వీడియోలో నోరు మెదపని నాగబాబు రెండో వీడియోలో అయినా ఓపెన్ అవుతాడని ప్రేక్షకులు ఆశించారు. అయితే నాగబాబు రీసెంట్ గా రెండో వీడియోలో కూడా ఏమీ చెప్పకుండా ప్రేక్షకుల ఆశలను నీరుగార్చేసాడు. రెండో వీడియోలో నాగబాబు, అందులో తనకు ఎలా అవకాశం వచ్చిందీ, తన ప్రయాణం ఎలా మొదలైంది అన్నది చెప్పాడు. అలాగే జబర్దస్త్ ను మొదలుపెట్టినప్పుడు దీన్ని ఒక 25 ఎపిసోడ్స్ కు పరిమితం చేద్దామనుకున్నారని, అలాంటిది ఇన్నేళ్ళుగా రెండు జబర్దస్త్ లుగా సాగుతూ వచ్చిందని చెప్పుకొచ్చాడు. తనకు మొదట 25 ఎపిసోడ్స్ కే డీలింగ్ జరిగిందని అన్నాడు. మొదటి ఎపిసోడ్ నుండి ఎవరెవరు పార్టిసిపేట్ చేసిందీ, అందులో కంటెస్టెంట్స్ ఇప్పుడు ఏ స్థాయిలో ఉన్నారు అన్నదీ వివరంగా చెప్పుకుంటూ వచ్చాడు. అలాగే ఏ ఏ టీమ్ నుండి ఏ టీమ్ లీడర్ వచ్చాడు అంటూ పూర్తి వివరణ ఇచ్చే ప్రయత్నం చేసాడు.
ప్రేక్షకులు తన నుండి ఆశిస్తున్న జబర్దస్త్ ఎగ్జిట్ గురించిన అసలు కారణాన్ని ఈ రెండో వీడియోలో కూడా చెప్పలేదు నాగబాబు. అయితే వీడియో ఆఖర్లో జబర్దస్త్ డైరెక్టర్లు నితిన్, భరత్ ఎంట్రీ గురించి చెప్పాడు. నాగబాబు ఎగ్జిట్ కు వీళ్లకు సంబంధముందన్నది బలమైన న్యూస్. ఆ విషయంతో రెండో ముగించిన నాగబాబు తర్వాత వీడియోలో మిగతా వివరాలు చెబుతానని అన్నాడు. చూస్తుంటే జబర్దస్త్ నుండి తన ఎగ్జిట్ ను కూడా నాగబాబు కమర్సియలైజ్ చేస్తున్నాడు. ఎందుకంటే కేవలం తన ఎగ్జిట్ అన్న ఒక్క కాన్సెప్ట్ ను తీసుకుని మూడు, నాలుగు ఎపిసోడ్లు ప్లాన్ చేసినట్టున్నాడు. ఒక్కో వీడియోకు 1 మిలియన్ పైనే వ్యూస్ వస్తున్నాయి మరి.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/34luGBZ
Comments
Post a Comment