ఆ మాత్రం దానికి బన్నీ, మహేష్ అంత హడావిడి ఎందుకు అంటున్నారు

Allu Arjun and Mahesh Babu clash for Sankranthi

తెలుగు సినిమాలకు సంబంధించి సంక్రాంతి సీజన్ అత్యంత ముఖ్యమైనది. అందుకే సంక్రాంతి సీజన్ లో సినిమాను విడుదల చేయడానికి మేకర్స్ ఉత్సాహం చూపిస్తుంటారు. అయితే బాగా డిమాండ్ ఉన్న సీజన్ కావడంతో కనీసం నాలుగు నెలల ముందైనా స్లాట్ బుక్ చేసుకోకుంటే సినిమాను విడుదల చేయడం అసాధ్యం. అందుకే మాములుగా సినిమా విడుదల తేదీ నెల రోజుల ముందు కూడా చెప్పని నిర్మాతలు, సంక్రాంతికి మాత్రం నాలుగు నెలల ముందైనా సినిమా రిలీజ్ డేట్ ను ప్రకటించేసి తమ స్లాట్ బుక్ చేసేసుకుంటారు. విడుదల తేదీ చెప్పకపోయినా కనీసం సంక్రాంతి విడుదల అంటూ ముందుకు తోసుకుంటూ వస్తారు. వచ్చే  సంక్రాంతికి కూడా ఇదే జరిగింది. సూపర్ స్టార్ మహేష్ బాబు నటిస్తోన్న సరిలేరు నీకెవ్వరు, అల్లు అర్జున్ నటిస్తోన్న అల వైకుంఠపురములో చిత్రాలు రెండూ కూడా మొదటినుండీ సంక్రాంతికి విడుదల అని ప్రకటిస్తూ వస్తోన్న విషయం తెల్సిందే. అయితే సడెన్ గా ఏమైందో ఏమో ఒకరోజు ఉన్నట్లుండి జనవరి 12న అల వైకుంఠపురములో విడుదలవుతుందని అల్లు అర్జున్, నిర్మాతలు ప్రకటించారు. ఆ ప్రకటనవచ్చిన గంటన్నరలో తమ సినిమా జనవరి 12న విడుదలవుతుందని మహేష్ బాబు అండ్ కో కూడా ప్రకటన జారీ చేసారు.

దీంతో రెండు స్టార్ హీరోల చిత్రాలు ఒకేరోజు విడుదలవుతున్నాయంటూ రెండు, మూడు రోజులు ఎక్కడ చూసినా అదే డిస్కషన్. ఇంకా చాలా రోజులు ఉన్నా కానీ ట్రేడ్ ఈ వ్యవహారంపై ఆందోళన వ్యక్తం చేసింది. బయ్యర్లు కూడా ఇలా రెండూ ఒకేరోజు వస్తే థియేటర్లు సర్దుబాటు చేసుకునేది ఎలా అంటూ వాపోయారు. నాలుగు రోజులు గడిచాక విడుదల తేదీలో మార్పు వస్తుందని, ఎవరో ఒకరు వెనక్కి తగ్గుతారు అనుకుంటూ వచ్చారు. కానీ ఏ అప్డేట్ వచ్చినా కూడా ఇద్దరూ జనవరి 12నే తమ సినిమా విడుదలవుతుందని ఎవరికి వారే పట్టుబట్టి మరీ ప్రకటన చేసుకుంటూ వచ్చారు. మొన్నటిదాకా కూడా ఇద్దరూ జనవరి 12నే కలవరించారు. అయితే నిర్మాతల గిల్డ్ ఈ విషయంలో జోక్యం చేసుకుంది. ఇప్పటికి కూడా కలగజేసుకోకపోతే వ్యవహారం మరింత జఠిలమవుతుందని భావించింది. ఇరు నిర్మాతల మధ్య సమావేశం ఏర్పాటు చేసి పరిస్థితిని వివరించి ఒక సినిమాను వెనక్కి తగ్గేలా చేసింది.

మొత్తానికి సమస్య పరిష్కారమైంది. జనవరి 11న మహేష్ బాబు నటించిన సరిలేరు నీకెవ్వరు విడుదలవ్వనుంది. అల వైకుంఠపురములో ముందు నుండీ చెబుతున్నట్లు జనవరి 12నే. వస్తోంది. దీంతో సంక్రాంతి సినిమాల సమస్యకు పరిష్కారం దొరికినట్లయింది. ఇప్పుడు ఈ వార్త విన్న ప్రేక్షకులు ఈ మాట్లాడుకునేదేదో ముందే మాట్లాడుకుని ఉంటే పరిస్థితి ఇంతే దూరం వచ్చేది కాదుగా. ఈ మాత్రం దానికా అంత హడావిడి అంటూ పంచ్ లు వేస్తున్నారు. నిజమే మరి అప్పుడు అంత పంతానికి పోవడం దేనికో, ఇప్పుడు సర్దుబాటు చేసుకోవడం ఎందుకో. అందరినీ కొన్నాళ్ళు టెన్షన్ పెట్టడానికి కాకపొత. ఈ రెండు చిత్రాలపై దాదాపు 250 కోట్ల బిజినెస్ ఆధారపడి ఉంది.

from టాప్ స్టోరీస్ – Telugu Movie Reviews | Telugu Cinema Reviews https://ift.tt/33jhP1H