సరిలేరు టీజర్ లో ఆవిడ కనిపించలేదేం?

సరిలేరు టీజర్ లో ఆవిడ కనిపించలేదేం?

సూపర్ స్టార్ మహేష్ బాబు ప్రధాన పాత్ర పోషిస్తున్న సరిలేరు నీకెవ్వరు టీజర్ భారీ అంచనాల మధ్య మొత్తానికి నిన్న సాయంత్రం చెప్పిన టైమ్ కే విడుదలైంది. దర్శకుడు అనిల్ రావిపూడి మాట ఇచ్చినట్లుగానే సరిలేరు నీకెవ్వరు ఫుల్ మాస్ గా ఉండబోతోందని అర్ధమవుతోంది. మహేష్ బాబు చాలా సినిమాల తర్వాత ఇంత యాక్టివ్ గా కనిపించడంతో మహేష్ ఫ్యాన్స్ ఫుల్ ఖుషీగా ఉన్నారు. టీజర్ ను పదే పదే చూస్తూ పండగ చేసుకుంటున్నారు. సంక్రాంతి పండగ ఎప్పుడొస్తుందా అని ఎదురుచూస్తున్నారు.

ఇక ఈ టీజర్ ను గమనిస్తే మహేష్ బాబుతో పాటు ఇందులో కీలక పాత్రలు పోషించిన విజయశాంతి, ప్రకాష్ రాజ్, రాజేంద్ర ప్రసాద్ పాత్రల పరిచయం కూడా జరిగింది. ప్రకాష్ రాజ్, విజయశాంతి పాత్రల డైలాగులు కూడా ఈ టీజర్ లో ఉంచారు. ముఖ్యంగా ప్రకాష్ రాజ్ టీజర్ లాస్ట్ లో చెప్పే “ప్రతి సంక్రాంతికి అల్లుడ్లు వస్తారు ఈ సంక్రాంతికి మొగుడు వచ్చాడు” అన్న డైలాగ్ హిలేరియస్ గా ఆకట్టుకుంటోంది. బాక్స్ ఆఫీస్ మొగుడు వచ్చాడు అని మహేష్ ఫ్యాన్స్ ఆనందంలో ఉన్నారు. మాకు ఫుల్ మీల్స్ లాంటి సినిమా ఇదని మాట్లాడుకుంటున్నారు. అంతా బానే ఉంది కానీ ఈ సినిమాలో హీరోయిన్ అయిన రష్మిక లేకపోవడం ఆశ్చర్యాన్ని కలిగిస్తోంది. డైలాగ్ సంగతి పక్కనపెడితే కనీసం ఒక్క ఫ్రేమ్ లో కూడా ఆమెను ఎందుకు చూపించలేదో అర్ధం కాదు. అంటే రష్మీక పాత్ర ఇందులో నామమాత్రమే అని చెప్పకనే చెబుతున్నారా? అన్న సందేహాలు కలుగుతున్నాయి. మరో వాదన కూడా మొదలైంది. ఇందులో రష్మిక పాత్రకు స్పెషలిటీ ఉందిట. అందుకే ఆమె షాట్ ను ఇందులో పెట్టలేదని, కుదిరితే ఆమెపై స్పెషల్ టీజర్ ను కట్ చేస్తారని అంటున్నారు. మరి ఇందులో ఎంత నిజముందో తెలీదు.

మహేష్ బాబు ఆర్మీ మేజర్ గా అజయ్ కృష్ణ పాత్రలో కనిపించనున్న ఈ సినిమాను మొదట జనవరి 12న విడుదల చేయాలనుకున్నా, తెలుగు నిర్మాతల గిల్డ్ కలగజేసుకోవడంతో అల వైకుంఠపురములో చిత్రంతో క్లాష్ రాకూడదని జనవరి 11 కి మార్చారు. ఇప్పటికే ఈ సినిమాకు సంబంధించిన షూటింగ్ మేజర్ పార్ట్ పూర్తయినట్లు తెలుస్తోంది. ప్రస్తుతం కేరళలో మహేష్ ఒక ఫైట్ సీక్వెన్స్ పూర్తి చేస్తున్నాడు.

మహేష్ బాబు హీరోగా నటిస్తోన్న సరిలేరు నీకెవ్వరు చిత్రంలో రష్మిక హీరోయిన్ గా నటిస్తుండగా ప్రకాష్ రాజ్, రాజేంద్ర ప్రసాద్, విజయశాంతి కీలక పాత్రలు పోషిస్తున్నారు. అనిల్ రావిపూడి ఈ చిత్రానికి దర్శకత్వం వహిస్తున్న విషయం తెల్సిందే.

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2QHoq3d