రామ్ గోపాల్ వర్మ.. ఈ పేరు చెబితే 90ల్లో ప్రేక్షకులు ఊగిపోయేవారేమో కానీ ఇప్పుడా పరిస్థితి లేదు. వర్మ దర్శకుడిగా తన స్థాయిని కోల్పోయి చాలా కాలమే అయింది. ఏ దర్శకుడైనా కాలం గడిచే కొద్దీ తన పట్టుని కోల్పోతుంటాడు. తన సత్తా తగ్గి, అవుట్ డేట్ అయిపోయి క్వాలిటీ తక్కువ సినిమాలు రావడం సహజమే. ఎంతో మంది లెజండరీ దర్శకులు ఇందుకు మినహాయింపేమి కాదు, విశ్వనాధ్, రాఘవేంద్ర రావు, దాసరి నారాయణ రావు ఇలా ఎంతో మంది దర్శకులు కెరీర్ చరమాంకంలో అవుట్ డేట్ సినిమాలను అందించారు. అయితే రామ్ గోపాల్ వర్మ పతనం వీటికి అతీతం. చాలా తక్కువ కాలంలోనే సినిమాపై, మేకింగ్ పై పట్టుని కోల్పోయాడు వర్మ. వరసపెట్టి నాసిరకం సినిమాలను వదులుతూ ప్రేక్షకుల్లో కూడా ఒకలాంటి విరక్తి భావాన్ని కలిగించేసాడు. బయోపిక్ లు, రియల్ లైఫ్ ఇన్సిడెంట్స్ పుణ్యమాని ఇంకా వర్మకి టాలీవుడ్ లో నూకలు మిగిలాయి. అయినా ఇది వరకు వర్మ ఏం చేసినా సెన్సేషన్ అయ్యేది. కానీ ఇప్పుడు వర్మ సెన్సేషన్ కోసం పాకులాడాల్సి వస్తోంది. వర్మ ఏం చేసినా దాని వెనుక అటెన్షన్ సీకింగ్ ఉంటోంది. దర్శకుడిగానే కాకుండా ఇటీవలే కాలంలో మనిషిగా కూడా తన స్థాయిని బాగా తగ్గించేసుకున్నాడు వర్మ. అనవసర విషయాల్లోకి వెళ్లి, అవసరం లేని దానికన్నా ఎక్కువ సాగదీసి రామ్ గోపాల్ వర్మ అందరికీ దూరమయ్యాడు. ఇటీవలే మెగాస్టార్ చిరంజీవి కూడా అతనికి ఏమైనా మతి కంట్రోల్ లో లేదేమో అన్న తరహాలో వ్యాఖ్యలు చేసాడంటే వర్మ ఏ స్థాయికి దిగజారిపోయాడు అన్నది అర్ధమవుతోంది.
రామ్ గోపాల్ వర్మ, గత కొన్నేళ్ల నుండి ఎన్నో సినిమాలను ప్రకటించాడు, అందులో కొన్ని మాత్రమే తీసాడు, వాటిలో సగం మాత్రమే విడుదలయ్యాయి. రామ్ గోపాల్ వర్మ తీసిన కొన్ని చిత్రాలు షూటింగ్ పూర్తి చేసుకుని కొనడానికి బయ్యర్లు ముందుకురాక ఇంకా ల్యాబ్ లలో మగ్గుతూనే ఉన్నాయ. అయితే ఇప్పుడు తనకి కమ్మ రాజ్యంలో కడప రెడ్లు సినిమా వల్ల కొంచెం బజ్ ఉంది కాబట్టి తన పాత సినిమాలను వరసపెట్టి వదలాలని నిర్ణయించుకున్నాడు. కమ్మ రాజ్యంలో కడప రెడ్లు వివాదాస్పద అంశాలతో రూపొందిన సినిమా. అది నవంబర్ 29న విడుదలవుతోంది. అయితే ఈ సినిమా వచ్చిన వారం రోజులకు డిసెంబర్ 6న వర్మ నిర్మాణంలో తెరకెక్కిన బ్యూటిఫుల్ అనే సినిమాను వదులుతున్నాడు. అయితే ఈ సినిమా ఇప్పటిది కాదు. మూడేళ్ళ క్రితం పూర్తైన సినిమా. నైనా గంగూలీ కథానాయిక. రంగీలాకు ట్రిబ్యూట్ అంటూ అప్పట్లో భారీ హడావిడి చేసిన చిత్రమిదే. ఇప్పుడు ఈ తరహాలో విడుదల చేస్తున్నాడు. దాంతో పాటు రామ్ గోపాల్ వర్మ లేటెస్ట్ గా ఎంటర్ ది గర్ల్ డ్రాగన్ అంటూ మరో సినిమాను వదులుతున్నాడు. ఇది కూడా పాతదే, అప్పట్లో బ్రూస్ లీ కు ట్రిబ్యూట్ అంటూ కేవలం టీజర్ మాత్రమే విడుదల చేసి ఆపేసాడు. ఇప్పుడు అదే సినిమాను కొత్త హంగులతో దించాలను అనుకుంటున్నాడు వర్మ. చూద్దాం మరి వర్మ పాచికలు పారతాయేమో.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/37EuY8U
Comments
Post a Comment