మెగా హీరో సాయి ధరమ్ తేజ్ కెరీర్ కష్టాల్లో ఉన్న ప్రతిసారీ మెగా నిర్మాత అల్లు అరవింద్ అండగా నిలుస్తూనే ఉన్నాడు. నిర్మాతగా అల్లు అరవింద్ స్థాయి గురించి చెప్పాల్సిన పనిలేదు. తన జడ్జిమెంట్ ఆన్ ది స్పాట్ ఉంటుందని ఇండస్ట్రీలో అందరూ చెప్పుకుంటూ ఉంటారు. అందుకే గీతా ఆర్ట్స్ బ్యానర్ లో హిట్లే ఎక్కువ ఉంటాయి. ఆ సంస్థ నుండి ప్లాప్ చిత్రాలు రావొచ్చేమో కానీ బ్యాడ్ సినిమాలు మాత్రం అరుదుగా ఉన్నాయి. ఇండస్ట్రీలో ఎన్నో ఏళ్ల అనుభవం ఉన్న అల్లు అరవింద్, సాయి ధరమ్ తేజ్ కు అండగా ఉంటుండడం నిజంగా అభినందించతగ్గ విషయమే. తేజు తన మొదటి చిత్రంగా రేయ్ సినిమాను చేసిన సంగతి తెల్సిందే. అయితే ఆ సినిమా విడుదలకు కష్టాలు పడడంతో తొలి చిత్రంతోనే తేజు ఇబ్బందులు ఎదుర్కొన్నాడు. వెంటనే అల్లు అరవింద్ రంగంలోకి దిగి దిల్ రాజు సహకారంతో పిల్లా నువ్వు లేని జీవితం సినిమాను నిర్మించి సూపర్ హిట్ అందించాడు అల్లు అరవింద్. రేయ్ కంటే ముందే పిల్లా నువ్వు లేని జీవితం సినిమా విడుదలై తేజుకి ప్రేక్షకుల్లో గుర్తింపు తీసుకొచ్చింది.
దాని తర్వాత విడుదలైన రేయ్ ప్లాప్ అయినా ఆ ప్రభావం తేజ్ కెరీర్ పై పడలేదు. రేయ్ తర్వాత తేజ్ కు వరసగా రెండు, మూడు హిట్లు వచ్చాయి. ప్రామిసింగ్ స్టార్ గా ఎదుగుతున్న సమయంలో తేజ్ కెరీర్ మళ్ళీ పట్టాలు తప్పింది. కథల ఎంపికలో చేసిన తప్పుల కారణంగా తేజ్ వరసగా అరడజను ప్లాపులను చవి చూడాల్సి వచ్చింది. దాని తర్వాత వచ్చిన చిత్రలహరి డీసెంట్ సినిమా అనిపించుకున్నా కెరీర్ పూర్తిగా గాడిలో పడాలంటే సాయి తేజ్ కు బంపర్ హిట్ అత్యవసరం. అందుకే మళ్ళీ అల్లు అరవింద్ తన సహాయసహకారాలు అందించాడు. తనకు ఎంతో నమ్మకమున్న మారుతి దర్శకత్వంలో ప్రతిరోజూ పండగే సినిమాను సెట్ చేసాడు.
ఇప్పుడు ఆ విడుదలకు సిద్ధమవుతోంది. ప్రతిరోజూ పండగే ప్రామిసింగ్ గా కనిపిస్తోంది. కచ్చితంగా హిట్ అయ్యే లక్షణాలు ఈ చిత్రానికి పుష్కలంగా ఉన్నాయి. డిసెంబర్ 20న ఈ సినిమా భవితవ్యం తేలిపోతుంది. రీసెంట్ గా ఈ సినిమా లాస్ట్ సాంగ్ చిత్రీకరణ పూర్తైన సందర్భంగా ఏర్పాటు చేసిన ప్రెస్ మీట్ లో అల్లు అరవింద్ మాట్లాడుతూ తేజ్ తో మరో చిత్రాన్ని ప్లాన్ చేస్తున్నట్లు ప్రకటించాడు అల్లు అరవింద్. ప్రస్తుతం దీనికి సంబంధించిన ప్రయత్నాలు జరుగుతున్నట్లు చెప్పాడు అల్లు అరవింద్. తేజ్ తో ఎప్పటినుండో ఒక సినిమా చేయాలని అనుకుంటే అది ప్రతిరోజూ పండగేతో కుదిరిందని, ఇప్పుడు అది కాకుండా మరో సినిమా చేసే అవకాశం కూడా వచ్చినట్లు చెప్తున్నాడు. ప్రతిరోజూ పండగే పూర్తైన వెంటనే సాయి తేజ్ సోలో బ్రతుకే సో బెటర్ సినిమా చిత్రీకరణ మొదలుపెట్టేశాడు. ఇప్పటికే చిన్న షెడ్యూల్ కూడా ఒకటి పూర్తయింది. సోలో బ్రతుకే సో బెటర్ పూర్తైన వెంటనే అల్లు అరవింద్ ప్రొడక్షన్ లో తేజ్ సినిమా మొదలవుతుంది.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2DvNRx1
Comments
Post a Comment