సరిలేరు నీకెవ్వరు టీజర్ లో ఆ రెండు డైలాగులు ఎవరికి పంచ్?

సరిలేరు నీకెవ్వరు టీజర్ లో ఆ రెండు డైలాగులు ఎవరికి పంచ్?

సూపర్ స్టార్ మహేష్ బాబు నటిస్తోన్న సరిలేరు నీకెవ్వరు చిత్రంపై ఒక్కసారిగా బజ్ పెరిగిపోయింది. ఇన్నాళ్లూ ప్రమోషన్స్ మొదలుపెట్టలేదని ఫ్యాన్స్ ఆందోళన చెందారు కానీ ఒక్క టీజర్ తో ఈ సినిమాపై ఎక్కడలేని బజ్ వచ్చేసింది. ముఖ్యంగా ఈ టీజర్ కట్ చేసిన విధానం అందరినీ ఆకట్టుకుంది. స్టార్ హీరో సినిమా టీజర్ అంటే ఏదో మొక్కుబడి వ్యవహారంలా కాకుండా అందులో ఫ్యాన్స్ కు నచ్చే అంశాలు పొందుపరిచి సినిమాపై ఆసక్తి కలిగేలా చేయడంతో మహేష్ బాబు అభిమానుల ఆనందానికి అవధుల్లేవు. దాంతో ఈ టీజర్ ను సోషల్ మాధ్యమాల్లో తెగ షేర్ చేస్తున్నారు. టీజర్ విడుదలైన 12 గంటల్లోనే ఈ చిత్రం 10 మిలియన్ వ్యూస్ ను, 12 మిలియన్ రియల్ టైమ్ వ్యూస్ ను సాధించడం విశేషం. తెలుగు సినిమా టీజర్లలో వేగంగా ఈ మార్క్ కు చేరుకున్న చిత్ర టీజర్ గా పేర్కొంటున్నారు. టీజర్ పై సూపర్ రెస్పాన్స్ రావడంతో సరిలేరు నీకెవ్వరు యూనిట్ కూడా చాలా ఉత్సాహంగా సినిమాను పూర్తి చేసే పనిలో పడ్డారు. ఈ నెలాఖరుకి సరిలేరు నీకెవ్వరు షూటింగ్ పూర్తవుతుందని తెలుస్తోంది. ఇటీవలే కేరళ వెళ్లిన చిత్ర యూనిట్ అక్కడ ఒక కీలక షెడ్యూల్ ను పూర్తి చేసుకుని వచ్చింది. ఇంకా ఈ చిత్రంలో ట్రైన్ ఎపిసోడ్ హైలైట్ గా నిలవనుందని సమాచారం. వెంకీ సినిమా రేంజ్ లో ఈ చిత్రంలో కూడా ట్రైన్ ఎపిసోడ్ హైలైట్ అవుతుంది అంటున్నారు. కామెడీ ప్రధానంగా సాగినా కూడా ఫ్యాన్స్ కు కనువిందు చేసే అంశాలైన ఫైట్స్, ఎమోషన్స్ ను మిస్ చేయకుండా అనిల్ రావిపూడి జాగ్రత్తలు తీసుకున్నట్లు తెలుస్తోంది.

సరిలేరు నీకెవ్వరు టీజర్ గురించి ప్రస్తుతం డిస్కషన్స్ ఎక్కువ అవుతుండగా, ప్రధానంగా ఈ సినిమాలో రెండు డైలాగ్స్ బాగా హైలైట్ అవుతున్నాయి. “భయపడేవాడే బేరం గురించి మాట్లాడతాడు.. మన దగ్గర బేరాలేవమ్మా” అని మహేష్ చెప్పే డైలాగ్ ను సంక్రాంతి పోటీకి అన్వయించుకుంటున్నారు. జనవరి 12నే సరిలేరు నీకెవ్వరు, అల వైకుంఠపురములో చిత్రాలు విడుదలను ప్రకటించి రిలీజ్ డేట్ మార్చడానికి రెండూ కూడా ససేమీరా అన్న విషయం తెల్సిందే. ఆఖరికి నిర్మాతల గిల్డ్ కలగజేసుకుని ఇద్దరు నిర్మాతల మధ్య సయోధ్య కుదిర్చి సరిలేరు చిత్రాన్ని ఒక రోజు ముందుకు జరిపేలా డీల్ చేసారు. దానికి పంచ్ గానే ఈ డైలాగ్ కావాలని టీజర్ లో పెట్టినట్లు అంటున్నారు.

ఇక టీజర్ ఆఖర్లో “ప్రతి సంక్రాంతికి అల్లుళ్ళు వస్తారు కానీ ఈ సంక్రాంతికి మొగుడు వచ్చాడు” అని ప్రకాష్ రాజ్ అంటాడు. ఇది సంక్రాంతికి విడుదలవుతున్న సినిమాలను ఉద్దేశించి మహేష్ వేసిన కౌంటర్ అని అంటున్నారు. సంక్రాంతికి ఎన్ని సినిమాలు వచ్చినా అసలైన మొగుడు సరిలేరు నీకెవ్వరు అని ఫ్యాన్స్ గర్వంగా చెప్పుకుంటున్నారు.అందుకే కావాలనే ఈ రెండు డైలాగ్స్ ను టీజర్ లో పెట్టినట్లు ప్రస్తుతం ఫిల్మ్ సర్కిల్స్ లో జోరుగా ప్రచారం సాగుతోంది.

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2QJ9JN7