దశాబ్దన్నర నుండి సినిమాలు చేస్తున్నా కానీ నితిన్ కెరీర్ టాప్ గేర్ లోకి వెళ్లకపోవడానికి తరుచూ వచ్చే ప్లాప్స్ ప్రధాన కారణంగా చెప్పవచ్చు. ఇష్క్ అప్పుడు హిట్లు వచ్చినా తర్వాత వెంటనే ప్లాపులు రావడంతో నితిన్ కెరీర్ పైకి వెళ్ళలేదు. త్రివిక్రమ్ శ్రీనివాస్ తో అ..ఆ సినిమా సూపర్ హిట్ అయ్యాక నితిన్ కెరీర్ దూసుకుపోతుందని ఆశించారు. అయితే హ్యాట్రిక్ ప్లాపులు నితిన్ ను చుట్టుముట్టాయి. లై, చల్ మోహన్ రంగ, శ్రీనివాస కళ్యాణం సినిమాలు ఒకటి తర్వాత ఒకటిగా వచ్చి ప్లాపులుగా మిగిలాయి. వరస ప్లాపులతో నితిన్ కెరీర్ పూర్తిగా డల్ అయింది. దీంతో ఏడాది పాటు గ్యాప్ తీసుకుని ఇప్పుడు ఆసక్తికర సినిమాలను లైన్లో పెట్టాడు నితిన్.
మొదటగా ఛలోతో సూపర్ హిట్ అందుకున్న వెంకీ కుడుముల దర్శకత్వంలో భీష్మ సినిమాను చేస్తున్నాడు. ప్రస్తుతం ఈ సినిమా షూటింగ్ శరవేగంగా సాగుతోంది. ఫిబ్రవరి 21న ఈ చిత్రాన్ని విడుదల చేయాలని ప్లాన్ చేసారు. దీంతో పాటే వెంకీ అట్లూరి దర్శకత్వంలో రంగ్ దే సినిమాకూ కమిట్ అయ్యాడు నితిన్. వెంకీ అట్లూరి తొలిప్రేమతో సూపర్ హిట్ అందుకున్నా, mr. మజ్నుతో ఘోరమైన ప్లాప్ ను తన ఖాతాలో వేసుకున్నాడు. ఇప్పుడు మూడో సినిమాను నితిన్ తో చేయబోతున్నాడు. ఈ సినిమాకు ఒక సింగిల్ షెడ్యూల్ చిత్రీకరణ జరిగింది. త్వరలోనే రెగ్యులర్ షూటింగ్ మొదలవుతుందని సమాచారం. ఈ రెండూ కాకుండా చంద్రశేఖర్ యేలేటి దర్శకత్వంలో కూడా ఒక సినిమాకు కమిట్ అయ్యాడు నితిన్. ఇక కృష్ణ చైతన్యతో సినిమా కూడా చేయబోతున్నాడు. ఇలా వరస సినిమాలతో 2020 మొత్తం బిజీగా గడిపేయబోతున్నాడు.
ఇదిలా ఉంటే నితిన్ తండ్రి సుధాకర్ రెడ్డి బాలీవుడ్ లో సూపర్ హిట్ అయిన అంధధూన్ సినిమా రీమేక్ హక్కులను కొనుగోలు చేసాడు. శ్రేష్ట్ మూవీస్ బ్యానర్ పై ఈ సినిమాను నితిన్ హీరోగా నిర్మించనున్నారని ప్రచారం జరిగింది. సుధీర్ వర్మను దర్శకుడిగా ఎంచుకున్నట్లు కూడా వార్తలు వచ్చాయి. ఈ నిర్ణయం పట్ల పాజిటివ్ రెస్పాన్స్ వచ్చింది కూడా. కాకపోతే ఇన్ని సినిమాల మధ్య నితిన్ ఈ సినిమా ఎలా చేస్తాడా అన్న సందేహాలు అయితే వచ్చాయి. తాజగా అందుతోన్న సమాచారం ప్రకారం ఈ సినిమాను నితిన్ చేయడట. వేరే యంగ్ హీరోకు అవకాశం ఇస్తాడట. శ్రేష్ట్ మూవీస్ బ్యానర్ లోనే మరో యంగ్ హీరోతో ఈ సినిమా తెరకెక్కిస్తారని తెలుస్తోంది. విశ్వక్ సేన్ వంటి నటుడైతే అంధధూన్ కు సరిగ్గా సరిపోతాడని కూడా అంటున్నారు. గతేడాది విడుదలై సంచలన విజయం సాధించింది అంధధూన్. నేషనల్ అవార్డు సైతం గెలుచుకుంది. ఇందులో హీరోగా చేసిన ఆయుష్మాన్ ఖురానాకు విమర్శకుల ప్రశంసలు సైతం దక్కాయి. మరి ఈ చిత్రాన్ని ఎవరితో నిర్మిస్తారో అన్నది చూడాలి. ఈ ప్రాజెక్టుకు సంబంధించిన మరిన్ని వివరాలు త్వరలోనే తెలుస్తాయి అంటున్నారు. 2020 ఆరంభంలోనే ఈ సినిమాను పట్టాలెక్కించేలా ప్లాన్ చేస్తున్నట్లు తెలుస్తోంది.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2ORG4Pi
Comments
Post a Comment