దర్శకుడు వేణు శ్రీరామ్ కు ఒక బంపర్ ఆఫర్ తగిలింది. స్టైలిష్ స్టార్ అల్లు అర్జున్ ప్రకటించిన ఐకాన్ మూవీకి దర్శకుడు వేణు శ్రీరామే. అల్లు అర్జున్ ప్రస్తుతం చేస్తోన్న అల వైకుంఠపురములో తర్వాత అల్లు అర్జున్ ఐకాన్ చిత్రాన్నే చేద్దామని మొదట భావించాడు. అయితే సుకుమార్ కేవలం ఆరే నెలల్లో షూటింగ్ ను పూర్తి చేస్తానని మాట ఇచ్చి తన సినిమాను ముందు పట్టాలెక్కిస్తున్నాడు. ఈ చిత్రంలో ఎర్ర చందనం స్మగ్లింగ్ గురించి చర్చిస్తున్నట్లు తెలుస్తోంది. అల్లు అర్జున్ పూర్తిగా రా అండ్ రస్టిక్ గా, రంగస్థలంలో చరణ్ మాదిరి లుక్ లోకి మారిపోనున్నాడు. కానీ అంతకంటే ముందు అల వైకుంఠపురములో షూటింగ్ పూర్తి చేయాల్సి ఉంది. నవంబర్ నాలుగో వారం నుండి సుకుమార్ సినిమా పట్టాలెక్కే అవకాశాలున్నాయి. ఇటీవలే ఈ చిత్రానికి ముహూర్తం జరిగిన విషయం తెల్సిందే. ఇక వేణు శ్రీరామ్ ఐకాన్ విషయానికొస్తే సుకుమార్ సినిమాను మొదలుపెట్టడంతో ఇక ఐకాన్ షెడ్ కు వెళిపోయినట్లే అన్న టాక్ బలపడింది. ఎందుకంటే ముందు నుండి బన్నీ ఐకాన్ మీద దృష్టి పెట్టాడు. ఐకాన్ నే ఎక్కువ ప్రమోట్ చేసాడు. సుకుమార్ సినిమాకు చేయాల్సిన మార్పులు ఎక్కువగా ఉండడంతో పక్కా స్క్రిప్ట్ తో ఉన్న ఐకాన్ ను ముందు మొదలుపెడదామని భావించాడు. అయితే ఆ తర్వాత కథ మొత్తం మారిపోయింది. ఆరు నెలల షూటింగ్ కండిషన్ తో పాటు తన బంధువులను ప్రొడక్షన్ లో భాగం చేసుకుంటారన్న మాట మీద అల్లు అర్జున్ ఎస్ చెప్పాడు.
దీంతో వేణు శ్రీరామ్ ఇప్పుడు ఆరు నెలల పాటు ఖాళీగా గడపాలని అంతా భావించారు. కానీ అతనికి మరో బంపర్ ఆఫర్ తగిలింది. అదే పవన్ కళ్యాణ్ సినిమాను రీమేక్ చేసే అవకాశం. పవన్ సినిమాల్లోకి రీ ఎంట్రీ గురించి ఆలోచించాక దిల్ రాజు చేసిన ప్రపోజల్ పింక్ రీమేక్. అమితాబ్, తాప్సి ప్రధాన పాత్రల్లో కనిపించిన ఈ కోర్ట్ రూమ్ డ్రామాను ఇప్పుడు పవన్ ప్రధాన పాత్రలో తెలుగులో తీయబోతున్నారు. తాప్సి పాత్రలో ఎవరనేది ఇంకా తెలియలేదు. ఇప్పటిదాకా ఈ చిత్రానికి దర్శకుడు ఎవరనేది వెతుకులాట జరిగింది. మొదట పవన్ కు క్లోజ్ అయిన డాలీని ఈ చిత్రానికి దర్శకుడ్ని చేద్దామనుకున్నారు కానీ ఆ అవకాశం దిల్ రాజు రికమండేషన్ మీద వేణు శ్రీరామ్ కు దక్కింది. ప్రస్తుతం వేణు పింక్ రీమేక్ కు అవసర మార్పులు చేసి పవన్ కు సూట్ అయ్యే విధంగా తీర్చి దిద్దుతున్నాడట. డిసెంబర్ నుండి ఈ సినిమా షూటింగ్ మొదలయ్యే అవకాశముంది. పవన్ ఈలోగా తన లుక్ ను మునుపటి మాదిరి తీసుకొస్తాడు. మరోవైపు ఐకాన్ సినిమా షెడ్ కు వెళ్లలేదని, సుకుమార్ సినిమా చేసిన తర్వాత బన్నీ కచ్చితంగా ఈ సినిమాను మొదలుపెడతాడని అంటున్నారు. అంటే బన్నీ సినిమా డైరెక్ట్ చేసే కంటే ముందు పవన్ ను డైరెక్ట్ చేసే అవకాశాన్ని కొట్టేశాడీ యంగ్ దర్శకుడు.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2pySKlA
Comments
Post a Comment