నాకు రాహుల్ ఎప్పటికీ స్నేహితుడే, నా దృష్టిలో రియల్ విన్నర్ బాబా మాస్టర్ : శ్రీముఖి

srimukhi shares interesting things about bigg boss

బిగ్ బాస్ సీజన్ 3 తెలుగు ముగిసినా ఇంకా దాని గురించి వార్తలు ఎక్కడో ఒక చోట నుండి వినపడుతూనే ఉన్నాయి. ఒకవైపు బిగ్ బాస్ 3 విన్నర్ రాహుల్ సిప్లిగంజ్ వరసగా ఇంటర్వ్యూలు ఇస్తూ బిజీగా గడుపుతుంటే, రన్నరప్ శ్రీముఖి మాత్రం మాల్దీవుల్లో ఎంజాయ్ చేసింది. నిన్నటిదాకా మాల్దీవుల్లో స్నేహితులతో, ఫ్యామిలీతో సరదా సమయం గడిపిన శ్రీముఖి మొత్తంగా రీఫ్రెష్ అయింది. స్నేహితుల బ్యాచ్ లో కో యాంకర్ విష్ణుప్రియ, ఆర్జే చైతు కూడా ఉండడం విశేషం. మొత్తంగా బిగ్ బాస్ లో ఉండగా మిస్ అయిన ఫ్యామిలీని,బయట ప్రపంచాన్ని ఆస్వాదించిన శ్రీముఖి, బిగ్ బాస్ తన జీవితంలో చాలా స్పెషల్ అని చెప్పింది. తను ఎన్నో పాఠాలు బిగ్ బాస్ లో నేర్చుకున్నానని అవి తనకు జీవితంలో చాలా ఉపయోగపడతాయని పేర్కొంది. ఇంకా బిగ్ బాస్ లో విశేషాల గురించి మాట్లాడుతూ కొన్ని ఆసక్తికర విషయాలను పంచుకుంది.

* బిగ్ బాస్ లో తాను అన్నిటికన్నా ఫ్యామిలీని ఎక్కువ మిస్ అయ్యానని పేర్కొంది. కుటుంబంతో ఉన్నప్పుడు వాళ్ళ విలువ తెలీలేదని, 105 రోజులు వాళ్ళను వదిలి ఉంటే వాళ్ళ విలువ తెలిసొచ్చిందని చెప్పింది. బిగ్ బాస్ సీజన్ 3 లో పాల్గొన్న పార్టిసిపంట్స్ అందరి మీద తనకు గౌరవం ఉందని శ్రీముఖి చెప్పింది. ఎవరితోనూ విభేదాలు లేవని, అందరూ రియల్ ఫైటర్స్ అని ఆమె కితాబిచ్చింది.

* ఇక రాహుల్ సిప్లిగంజ్ తో జరిగిన గొడవ గురించి స్పందిస్తూ రాహుల్ తనకు బిగ్ బాస్ కు రాకముందు కూడా స్నేహితుడే, బిగ్ బాస్ తర్వాత కూడా స్నేహితుడే. మా మధ్య విబేధాలు టాస్క్ ల సందర్భంగా ఎక్కువగా వచ్చాయి. అవి నేను బిగ్ బాస్ లోనే వదిలేసా. మేము ఎప్పటికీ మంచి స్నేహితులమే అని శ్రీముఖి అంది.

* తన దృష్టిలో రాహుల్ రియల్ విన్నర్ కాదని ఆమె అభిప్రాయపడింది. బాబా భాస్కర్ ను రియల్ విన్నర్ గా అభివర్ణించింది. బాబా భాస్కర్ మొదట్లో టాస్క్ లు పెద్ద అర్ధం కాక ఆడలేకపోయాడు, అయితే సీజన్ లాస్ట్ లో బాబా భాస్కర్ ఆడిన టాస్క్ లు నిజంగా సూపర్. అంతకు మించి తను మంచి ఎంటర్టైనర్. వంట కూడా బాగా చేసి పెడతాడు. ఇన్ని క్వాలిటీస్ ఉన్న బాబా రియల్ విన్నర్ అంటోంది శ్రీముఖి.

* కొంత మంది తన చేతికి ఉన్న టాటూ రియల్ ది కాదని అనుకుంటున్నారు, కానీ అది నిజం టాటూ, ఎప్పటికీ నా చేతికి అలాగే ఉంటుంది అని అంటోంది. ఇక అందరూ అనుకుంటున్నట్టు, బయట ప్రచారంలో ఉన్నట్టు బిగ్ బాస్ లో తమకు తిండికేం లోటు లేదని చెప్పింది. రేషన్ అప్పుడప్పుడు తక్కువ ఇచ్చినా ఎప్పటికప్పుడు స్పెషల్ డిషెస్ ఇచ్చి మమ్మల్ని బిగ్ బాస్ బాగా చూసుకున్నారు అని శ్రీముఖి వివరించింది. ఎలాంటి పరిస్థితులనైనా ఎదుర్కోగలనన్న నమ్మకం బిగ్ బాస్ ఇచ్చిందని, ఈ జర్నీ తనకు పూర్తి సంతృప్తికరంగా ఉందని శ్రీముఖి అంటోంది.

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2Qe170C