ఇక అధికారికమే : పవన్ రీ ఎంట్రీ, పింక్ రీమేక్

ఇక అధికారికమే : పవన్ రీ ఎంట్రీ, పింక్ రీమేక్

ఇప్పటిదాకా పవర్ స్టార్ పవన్ కళ్యాణ్ రీ ఎంట్రీపై వస్తున్న వార్తలన్నీ నిజాలు కాబోతున్నాయి. పవన్ కళ్యాణ్ మళ్ళీ ముఖానికి రంగు వేసుకోబోతున్నాడు. అజ్ఞాతవాసి తర్వాత సినిమాలకు గుడ్ బై చెప్పేసిన పవన్, రాజకీయంగా ఇప్పుడు స్తబ్దత నెలకొనడంతో మళ్ళీ సినిమాల్లోకి రావాలని నిర్ణయించుకున్నాడు. అయితే ఈ నిర్ణయం తీసుకోవడానికి పవన్ కళ్యాణ్ చాలానే ఆలోచించాల్సి వచ్చింది. దిల్ రాజు కూడా పవన్ ను మళ్ళీ సినిమాల్లోకి తీసుకోవడానికి చాలానే కష్టపడ్డాడు. పవన్ ఎంతకూ సినిమాలోకి రావడానికి ఒప్పుకోకపోవడంతో పింక్ రీమేక్ తో పవన్ ముందుకొచ్చాడు. ఇక్కడ ఈక్వేషన్ చాలా సింపుల్. ఎక్కువగా కోర్టులో నడిచే డ్రామా. పెద్దగా లుక్ మార్చాల్సిన పని లేదు. కేవలం 30 రోజుల కాల్ షీట్స్ ఇస్తే చాలు. అది కూడా ఒకేసారి అవసరం లేదు. పవన్ ఇంతకు ముందు తీసుకునే అంత రెమ్యునరేషన్ కూడా ఆఫర్ చేసాడు.పైగా డ్యాన్సులు, ఫైట్లు అంటూ ఒళ్ళు హూనం చేసుకోవాల్సిన పనిలేదు. ఈ లెక్కలు అన్నీ వేసుకుని పవన్ కళ్యాణ్ ఎట్టకేలకు ఎస్ అన్నాడు.

ఇన్నాళ్లూ రూమర్స్ గానే మిగిలిన న్యూస్ ఈరోజు అధికారికంగా వెల్లడించారు. కాకపోతే చిన్న చేంజ్ తో. పింక్ రీమేక్ హక్కులు బోనీ కపూర్ వద్ద ఉన్నాయ్. తమిళంలో అజిత్ హీరోగా నెర్కొండ పార్వై పేరుతో సినిమా తీసి హిట్టు కొట్టాడు బోనీ కపూర్. ఇప్పుడు తెలుగులో ఇదే చిత్రాన్ని చేయడానికి సన్నద్ధమవుతున్నాడు. దిల్ రాజుతో కలిసి సంయుక్తంగా ఈ చిత్రాన్ని నిర్మించనున్నాడు బోనీ కపూర్. దిల్ రాజు వద్ద ఆస్థాన దర్శకుడు వేణు శ్రీరామ్ దర్శకత్వంలో ఈ చిత్రం తెరకెక్కనుంది. వేణు శ్రీరామ్ ముందు అల్లు అర్జున్ తో ఐకాన్ సినిమా చేయడానికి ఎదురుచూస్తున్నాడు. అల్లు అర్జున్ కూడా ముందు అల వైకుంఠపురములో పూర్తి చేసి తర్వాత ఐకాన్ సినిమాను చేద్దామని భావించాడు. అయితే ఈలోగా పవన్ నుండి పింక్ రీమేక్ కు ఎస్ అని సమాధానం రావడంతో లెక్కలన్నీ మారిపోయాయి. వేణు శ్రీరామ్ ను ముందు పింక్ రీమేక్ కు దర్శకత్వం వహించమని బాధ్యతలు అప్పజెప్పారు. అప్పటిదాకా అల్లు అర్జున్ ఖాళీగా ఉండలేడు కాబట్టి సుకుమార్ సినిమాను ముందుకు తోసారు. అలా కొన్ని రోజుల క్రితం సుకుమార్ – అల్లు అర్జున్ సినిమాకు ముహూర్తం కుదిరింది. ఇప్పుడు పింక్ రీమేక్ గురించి వార్తలు బయటకు వచ్చాయి. పింక్ రీమేక్ కు సంబంధించిన మరిన్ని వివరాలు త్వరలో తెలియనున్నాయి.

BIGGG NEWS… After remaking #Pink in #Tamil, Boney Kapoor joins hands with Dil Raju to remake #Pink in #Telugu… The #Telugu remake will star Pawan Kalyan… Directed by Sriram Venu… Pawan Kalyan was last seen in #Agnyaathavaasi [2018].

— taran adarsh (@taran_adarsh) November 2, 2019

Credit: Twitter

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2WxSRKg