ముత్యాలముగ్గు సినిమాలో మా రావు గోపాల్ రావు గారు అన్నట్లు “ఆట్టే, తిని తొంగుంటే మనషికి గొడ్డుకి తేడా ఏం ఉంటది.? మడిసన్నాక కూసింత కలాపోసన ఉండాలా” అని చెప్పాడు మహానుభావుడు.ఈ మాట ఎవరు పాటించినా, పాటించకపోయినా మన దేశంలో ఉన్న రాజకీయ నాయకులు మాత్రం ఖచ్చితంగా పాటిస్తారు. నాకు చిన్నతనం లో ఇప్పుడు ఒక సందేహం ఉండేది. ఊళ్లో కాకుండా, ఊరికి బయట, కొన్ని కిలోమీటర్ల దూరంలో ఎందుకు పెద్ద పెద్ద ఫాంహౌస్ లు, రిసార్ట్ లు కడతారు.? అని. మన రాజకీయ నాయకుల పుణ్యమాని, ఓటు హక్కు వచ్చి, ఈ దేశపు రాజకీయ ప్రజాస్వామ్యం అనే ఒక వికృత క్రీడ లో, ఓటర్ అనే ఒక నామమాత్రపు పాత్రధారి వేషము ధరించిన తర్వాత పిచ్చ క్లారిటీ వచ్చేసింది.
అసలు ఇప్పుడు చెప్పొచ్చేది ఏంటి.. అంటే, మన మహారాష్ట్రలో రాజకీయ అస్థిరత – రాజకీయ సంక్షోభం కొనసాగుతుండటంతో, గెలిచిన ఎమ్మెల్యేలు వేరే పార్టీ వలలో పడకుండా, ప్రతి రాజకీయ పార్టీ తమ వంతు జాగ్రత్తగా జోల పాట చర్యలు మొదలు పెట్టింది. ఇలాంటి వాటిలో ఆరితేరిన, కాంగ్రెస్ పార్టీ అయితే, తన ఎమ్మెల్యేలను రాష్ట్రమే దాటించి, రాజస్థాన్ లో ఉన్న జైపూర్ లో ఉన్న బుయేనా విస్టా రిసార్ట్స్ కి తరలించింది. ఈ రిసార్ట్ లో ఉన్న 50 విల్లాలలో కాంగ్రెస్ ఎమ్మెల్యేలు బస చేస్తూ ఉండగా, ఒక్కొక్క జిల్లా రోజువారి సాధారణ ఖర్చు 1.20 లక్షలు అవుతున్నట్టు సమాచారం. అందులోనూ ప్రతి విల్లాకు ప్రైవేట్ స్విమ్మింగ్ పూల్ వంటి హంగులు ఉన్నాయి. ఇక ఎవరు పడితే వారు, సదరు M.L.A ల దగ్గరికి వెళ్లకుండా, ఏ విషయం పడితే ఆ విషయం వాళ్ళ చెవుల్లో పడకుండా, అసలు వాళ్ళు బయట ప్రపంచం గురించి ఆలోచించకుండా.. వాళ్ల బలహీనతల ఆధారంగా చేసుకొని అన్ని రకాల వినోద కార్యక్రమాలు ఏర్పాటు చేస్తున్నారట. అడిగిందే తడవుగా వారు కోరిన ఆహారంతో పాటు, వారు సేవించే పానీయాలు, ఇక అన్ని రకాలుగా వారిని తృప్తి పరిచే కార్యక్రమాలకు సదరు నిర్వాహకులు దగ్గర ఏర్పాటు, ద్వాటికి తగ్గ సిబ్బంది ఉన్నారట.
ఏది ఏమైనా,… మరొకసారి మహారాష్ట్రలో మరణించిన ప్రజాస్వామ్యానికి మా నిస్సహాయ నివాళి
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2O4Chh9
Comments
Post a Comment