పవన్ రీ ఎంట్రీకి దిల్ రాజు స్కెచ్ అదిరిందిగా

పవన్ రీ ఎంట్రీకి దిల్ రాజు స్కెచ్ అదిరిందిగా

గత కొంత కాలంగా పవర్ స్టార్ పవన్ కళ్యాణ్ ను తిరిగి సినిమాల్లోకి రప్పించాలన్న ప్రయత్నాలు ఊపందుకున్నాయి. ప్రస్తుతం రాజకీయంగా పవన్ కు స్తబ్దత ఉండడంతో దాన్ని సినిమా వాళ్ళు క్యాష్ చేసుకోవాలని చూస్తున్నారు. అయితే పవన్ కళ్యాణ్ మాత్రం సినిమాల్లోకి రావాలని అనిపిస్తున్నా తనను మళ్ళీ రాజకీయంగా లైట్ తీసుకుంటారేమో అని భయపడుతున్నాడు. అందుకే ఎంత మంది సినిమా కథలతో వచ్చినా చేయనని చెప్పట్లేదు, చేస్తానని మాటివ్వట్లేదు. చూద్దాం అన్నట్టుగానే ఉంది పవన్ పరిస్థితి. మరి ఈ నేపథ్యంలో ఏం జరుగుతుంది అన్నది ఆసక్తికరంగా మారింది.

ప్రముఖ నిర్మాత దిల్ రాజు అయితే ఈ విషయాన్ని అసలు లైట్ తీసుకోవట్లేదు. పవన్ తో ఇప్పటిదాకా సినిమా నిర్మించని దిల్ రాజుకు ఇదే మంచి అవకాశం. ఇప్పుడు మిస్ అయితే పవన్ మళ్ళీ దొరక్కపోవచ్చు. అందుకే పవన్ ను మళ్ళీ సినిమాల్లోకి తీసుకురావడానికి సూపర్ స్కెచ్ వేసాడు. బాలీవుడ్ లో రీమేక్ అయిన పింక్ సినిమా హక్కులను సొంతం చేసుకున్నాడు దిల్ రాజు. ఈ సినిమాను పవన్ కు కూడా చూపించాడు. తనకి కూడా నచ్చింది. అయితే మళ్ళీ అదే ఆలోచన. ఇప్పుడు సినిమాల్లోకి రావడం కరెక్టేనా?

నిజానికి పవన్ పింక్ రీమేక్ వైపు పాజిటివ్ గానే ఉన్నాడు. పింక్ కాకుండా కొన్ని కథలు విన్నా కూడా పింక్ తనకు ఈ టైంలో బెస్ట్ అని ఫీల్ అవుతున్నాడు. ఎందుకంటే ఈ సినిమా చేయడానికి దిల్ రాజు కేవలం 25 రోజుల కాల్ షీట్స్ అడిగాడు. అది కూడా ఒకేసారి అవసరం లేదు. పవన్ పార్ట్ రెండు షెడ్యూల్స్ లో షూట్ చేయడానికి ప్రపోజల్ ఇచ్చాడు. ప్లస్ ప్రమోషన్స్ కు ఒక రెండు, మూడు రోజులు కావాలి. అదే వేరే సినిమా అయితే పవన్ 60 నుండి 70 రోజుల కాల్ షీట్స్ ఇవ్వాలి. పైగా వాటిలో ఫైట్స్, సాంగ్స్, డ్యాన్స్ ఇలాంటివన్నీ ఉంటాయి. పింక్ చిత్రంలో పవన్ ఇలాంటివన్నీ చేయాల్సిన అవసరం లేదు. జస్ట్ యాక్టింగ్ అంతే.

సో, ఇవన్నీ కన్సిడర్ చేసుకుని పవన్.. దిల్ రాజు ప్రపోజల్ కు ఓకే చెప్పేద్దామని అనుకుంటున్నాడు. రాజకీయాల్లో మళ్ళీ ఇబ్బంది తలెత్తుతుందన్న ఆలోచన తప్పితే పింక్ రీమేక్ కు పవన్ సుముఖమే. సో, దిల్ రాజు మరో మీటింగ్ లో ఈ విషయం ఫైనల్ చేసేద్దామని అనుకుంటున్నాడు. అన్నీ సజావుగా సాగితే పవన్ రీ ఎంట్రీ వచ్చే ఏడాది మొదట్లోనే ఉండే అవకాశముంది. పవన్ ప్రస్తుతం వెన్నునొప్పి సమస్యతో బాధపడుతున్న విషయం తెల్సిందే. మళ్ళీ నటిస్తే ఈ నొప్పి మరింత పెరిగే ఛాన్స్ ఉంది కాబట్టి పవన్ ఈలోగా వెన్నునొప్పికి ట్రీట్మెంట్ తీసుకుంటాడట. సో, దిల్ రాజు నిర్మాణంలో పవన్ రీ ఎంట్రీ దాదాపు ఖాయం. పవన్ ఫ్యాన్స్ చూస్తున్నారా!

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2ByYj5M