ఢిల్లీ బాబు మళ్ళీ వస్తాడంటున్న ఖైదీ దర్శకుడు

lokesh kanagaraj

కార్తీకి విభిన్నమైన చిత్రాలు ఎంచుకుంటాడన్న పేరుంది. ఖైదీ చిత్రంతో మరోసారి ఈ విషయాన్ని స్పష్టం చేసాడు. హీరోయిన్ లేకుండా, పాటలు లేకుండా, అసలు మనకలవాటైపోయిన కమర్షియల్ హంగులు ఏవీ లేకుండా ఒక సినిమా చేయాలంటే నిజంగా గట్స్ ఉండాలి. లోకేష్ కనకరాజ్ చెప్పిన కథను నమ్మి కార్తీ చేసిన చిత్రం ఖైదీ. మా నగరం వంటి సూపర్ సినిమాతో కోలీవుడ్ లో ఎంట్రీ ఇచ్చిన లోకేష్, తన రెండో ప్రయత్నంగా చేసిన చిత్రం ఖైదీ. లోకేష్ టెరిఫిక్ రైటింగ్ కు కార్తీ అద్భుతమైన నటన తోడవ్వడంతో ఖైదీ అందరికీ తెగ నచ్చేస్తోంది. అందరూ మస్ట్ వాచ్ అంటూ ఈ చిత్రాన్ని రికమెండ్ చేస్తున్నారు.

నిజానికి ఖైదీ చిత్రాన్ని ఎవరూ ఫస్ట్ ఆప్షన్ గా పెట్టుకోలేదు. భారీ హంగులతో వస్తున్న బిగిల్ (తెలుగులో విజిల్) వైపే ఆకర్షితులయ్యారు అందరూ. పైగా ఖైదీ చిత్రాన్ని ఓ రేంజ్ వరకే పరిమితం చేసారు టీం. దీంతో బిగిల్ వైపే మొదట ప్రేక్షకులు క్యూ కట్టారు. ఖైదీ చిత్రానికి మొదటిరోజు మొదటి రెండు ఆటలు దాదాపు 25 శాతం ఆక్యుపెన్సీ మాత్రమే ఉంది. అయితే ఫస్ట్ షో నాటికి మౌత్ టాక్ బలంగా స్ప్రెడ్ అవ్వడంతో పరిస్థితిలో మార్పు వచ్చింది. చాలా చోట్ల ఈ చిత్రానికి ఫస్ట్ షో నుండి హౌజ్ ఫుల్స్ పడ్డాయి. రెండో రోజు ఇదే ట్రెండ్ కంటిన్యూ అయింది.

బిగిల్/ విజిల్ లో హడావిడి ఎక్కువ విషయం తక్కువని తేలింది. ఇది కేవలం విజయ్ ఫ్యాన్స్ కోసం సినిమాగా చూసిన వాళ్లకు అనిపించింది. కంటెంట్ బాగ్ వీక్ గా ఉంది. అయినా విజయ్ మ్యానరిజమ్స్ తో మ్యానేజ్ చేయడం వల్ల బిగిల్ చివరికి హిట్ అనిపించుకుంటుంది. మరోవైపు ఖైదీ పెద్ద హడావిడి లేకుండా సూపర్బ్ కంటెంట్ తో మన ముందుకు వచ్చింది. తెలుగులో 5 కోట్లకు బిజినెస్ జరిగిన ఈ చిత్రం ప్రస్తుతం వచ్చిన టాక్ తో ఈజీగా రికవర్ చేసేస్తుందని అంటున్నారు ట్రేడ్ పండితులు.

ఖైదీలో ఓపెన్ ఎండింగ్ ఇవ్వడం ప్రేక్షకులకు ఆసక్తి కలిగించింది. ఈ చిత్రానికి సీక్వెల్ లేక ప్రీక్వెల్ తీయొచ్చంటూ ప్రేక్షకుల నుండి స్పందన మొదలైంది. చాలా మంది దర్శకుడ్ని ఈ విషయంపై ఆరా తీయడం మొదలుపెట్టారు. ఈ నేపథ్యంలో క్లారిటీ ఇవ్వడానికి దర్శకుడు లోకేష్ కనకరాజ్ ముందుకొచ్చాడు. ఈ చిత్రానికి సీక్వెల్ ఉంటుందో ప్రీక్వెల్ ఉంటుందో ఇప్పుడే చెప్పలేనని, కానీ ఢిల్లీ బాబు మళ్ళీ వస్తాడని మాత్రమే చెప్పగలగని అన్నాడు.

ఖైదీలో ఢిల్లీ బాబు 10 ఏళ్ళు జైల్లో గడిపినట్లు మాత్రమే చెప్తాడు. 10 ఏళ్లకు ఢిల్లీ బాబు ఏం చేసేవాడో ఏదో ఒక ముక్కలో చెప్పేస్తాడు. లాస్ట్ లో విలన్ ఖైదీని చూసి ఎందుకు స్టన్ అయిపోతాడో కూడా తెలీదు. వీరిద్దరి మధ్య కూడా ఏదో ఫ్లాష్ బ్యాక్ ఎపిసోడ్ ఉంటుంది. ఇవన్నీ ఖైదీ చూసిన ప్రేక్షకులకు ఆసక్తి కలిగిస్తున్నాయి. కానీ ఖైదీ 2 చూడాలంటె ఈజీగా మరో 3 లేదా 4 ఏళ్ళు ఎదురుచూడక తప్పదు. ఎందుకంటే లోకేష్ తన నెక్స్ట్ సినిమా విజయ్ హీరోగా చేయబోతున్నాడు. దీపావళికి ఇద్దరూ పోటీ పడి ఇప్పుడు ఇద్దరూ కలిసి పనిచేయబోతున్నారన్నమాట

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2olCJid