“రాములో రాముల” అల్లు అర్జున్ వాయిస్ తో…

స్టైలిష్ స్టార్ అల్లు అర్జున్ నటిస్తోన్న అల వైకుంఠపురములో 2020 సంక్రాంతికి విడుదల కానున్న సంగతి తెల్సిందే. ఈ చిత్ర యూనిట్ ప్రమోషన్స్ విషయంలో అగ్రసివ్ గా వెళ్తున్న విషయం తెల్సిందే. ఇప్పటికే ఈ చిత్రంలో ఒక పాటను విడుదల చేసారు. అది రికార్డుల మీద రికార్డులను తిరగరాస్తోన్న విషయం తెల్సిందే. పాట విడుదలైన నెల రోజుల్లోనే 50 మిలియన్ వ్యూస్ సాధించి తెలుగు పాటల్లో సరికొత్త రికార్డును సృష్టించింది. లైక్స్ విషయంలో కూడా 750K+ లైక్స్ తో దూసుకుపోతోంది. త్వరలోనే 1 మిలియన్ లైక్స్ 100 మిలియన్ వ్యూస్ వస్తాయని చిత్ర టీమ్ ఆశిస్తోంది. ఈ పాట ప్రమోషన్స్ కు బాగా ఉపయోగపడిన విషయం తెల్సిందే. గత నెల రోజులనుండి సినీ ప్రియులందరూ ఈ పాట గురించే డిస్కస్ చేస్తున్నారు.

నిత్య యవ్వనుడు సిరివెన్నెల సీతారామశాస్త్రి రచించిన ఈ పాటను థమన్ సంగీత స్వర కల్పనలో లేటెస్ట్ సెన్సేషన్ సిద్ శ్రీరామ్ ఆలపించారు. ఈ పాట యూట్యూబ్ లో రికార్డులనే కాక, ఆడియో స్ట్రీమింగ్ ప్లాట్ ఫామ్స్ లో సైతం ఎక్కువగా ప్లే అవుతూ సంచలనం సృష్టిస్తోంది. ఈలోగానే అల వైకుంఠపురములో టీమ్ మరో ప్రమోషనల్ మెటీరియల్ ను దింపుతున్నారు. ఈ చిత్రంలోని సెకండ్ సాంగ్ ‘రాములో రాముల’ను దీపావళి సందర్భంగా ఈరోజు విడుదల చేయనున్నారు.

నాలుగు రోజుల క్రితం రాములో రాముల సాంగ్ వీడియో టీజర్ ను విడుదల చేయగా దానికి కూడా అదిరిపోయే రేంజ్ లో రెస్పాన్స్ వచ్చింది. ట్యూన్ చాలా క్యాచీగా ఉన్నట్లు టీజర్ వింటుంటేనే అర్ధమైపోతుంది. “రాములో రాముల నన్ను ఆగం చేసిందిరో.. రాములో రాముల నా పాణం తీసిందిరో” అంటూ సాగే ఈ సాంగ్ ఈరోజు సాయంత్రం యూట్యూబ్ లో విడుదల కానుంది. టాలెంటెడ్ సింగర్ అనురాగ్ కులకర్ణి ఈ పాటను పాడగా, కాసర్ల శ్యామ్ దీనిని రచించారు. థమన్ ఈ పాట కూడా సెన్సేషన్ అవుతుందని ఆశిస్తున్నాడు.

ఈ పాట వీడియో సాంగ్ టీజర్ కూడా యూట్యూబ్ లో హల్చల్ చేసింది. నాలుగు రోజుల్లోనే ఈ టీజర్ 6 మిలియన్ వ్యూస్, 200K+ లైక్స్ తో మోస్ట్ వ్యూడ్, మోస్ట్ లైక్డ్ వీడియో టీజర్ గా రికార్డులకెక్కింది. ఇలా తమ ప్రతీ ప్రమోషనల్ స్ట్రాటజీ వర్క్ అవుతున్నందుకు చిత్ర టీమ్ ఫుల్ హ్యాపీగా ఉంది. అన్నట్టు ఈ పాటకు మరో అట్రాక్షన్ కూడా ఉందండోయ్.. ఈ పాట అల్లు అర్జున్ వాయిస్ ఓవర్ తో రానున్నట్లు చిత్ర బృందం కొద్ది సేపటి క్రితం ప్రకటించారు. బన్నీ వాయిస్ ఓవర్ కాబట్టి అల్లు అర్జున్ ఫ్యాన్స్ మరింత ఆతృతగా ఈ పాట కోసం ఎదురుచూస్తున్నారు.

అల్లు అర్జున్ వాయిస్ ఓవర్ ఏ విధంగా ఉండబోతోందో అని ఫ్యాన్స్ మధ్య డిస్కషన్స్ కూడా మొదలైపోయాయి. ఇక ఈ సినిమాలో సెకండ్ హీరోయిన్ అయిన నివేద పేతురాజ్ లుక్ కూడా ఈ సెకండ్ సాంగ్ రిలీజ్ సందర్భంగా విడుదల చేసారు. మెంటల్ మదిలో, బ్రోచేవారెవరురా, చిత్రలహరి వంటి చిత్రాలతో టాలెంటెడ్ హీరోయిన్ అనిపించుకున్న నివేదకు ఈ చిత్రంలో ఎటువంటి రోల్ ఇచ్చారో అనేది ఆసక్తికరంగా మారింది. ఇప్పటివరకూ చిన్న చిత్రాలే చేస్తూ వచ్చిన నివేదకు ఇది నిజంగా మంచి అవకాశమే. ఇందులో ఈ భామకు మంచి రోల్ పడితే ఇక ఆమె కెరీర్ పరంగా వెనక్కి తిరిగి చూసుకోవాల్సిన అవసరం లేదు.

#RamulooRamula is now coming to u all With @alluarjun gaaru voiceover #AAvoiceoveronramulooramula
With magical #Trivikram sir’s writing

Let’s start the celebrations #RamulooRamulasong coming today in the EVENING #AAmass #alavaikunthapurramuloosecondsingle pic.twitter.com/Eq2ll39KcD

— thaman S (@MusicThaman) October 26, 2019