బాబా భాస్కర్ కు బిగ్ బాస్ ఎందుకంత ఎలివేషన్ ఇస్తున్నారు?

బాబా భాస్కర్ కు బిగ్ బాస్ ఎందుకంత ఎలివేషన్ ఇస్తున్నారు?

బిగ్ బాస్ అనేది ఒక రియాలిటీ షో.. అంటే ప్రేక్షకులు ఇచ్చే తీర్పుల మీదే షో నడవాలి. కానీ నిజంగా బిగ్ బాస్ లో ప్రేక్షకుల ఓటింగ్ ఆధారంగానే ఎలిమినేషన్స్ జరుగుతాయా అంటే కచ్చితంగా అవునని చెప్పలేని పరిస్థితి. షో కు మంచి టీఆర్పీలు రావడానికి నిర్వాహకులు పెద్ద ఉపయోగం లేని కాండిడేట్స్ ను ఎలిమినేట్ చేయడానికి ప్రయత్నిస్తారు. షో కు గ్లామర్ తీసుకొచ్చి టీఆర్పీ కోసం ఉపయోగపడే వారిని షో లో ఉంచడానికి ప్రయత్నిస్తారు. కాండిడేట్స్ ను తీసుకునేటప్పుడే ఎవరెప్పుడు ఎలిమినేట్ అయితే బాగుంటుందోనని ఒక లిస్ట్ వేసుకుంటారని సమాచారం. ఆ ప్రకారంగా బాబా భాస్కర్ ను మిడ్ సీజన్ లో ఎప్పుడైనా సమయం చూసి ఎలిమినేట్ చేద్దామని ప్లాన్ వేశారు. బాబా భాస్కర్ కు కూడా షో కు ఆహ్వానించినప్పుడు మహా అయితే ఉంటే అంత వరకూ ఉండే ఛాన్స్ లు ఉన్నట్లుగా చెప్పినట్లు తెలుస్తోంది. అందుకే బాబా భాస్కర్ కూడా మూడు వారాలకే బట్టలు తెచ్చుకుని షో కు వచ్చాడు. తను
ఇంత కాలం ఉంటానని తనే అనుకోలేదు. షో నిర్వాహకులు కూడా బాబా భాస్కర్ ను ఇంతకాలం ఉంచాల్సి వస్తుందని ఊహించలేదు.

షో మొదలైనప్పటినుండే బాబా భాస్కర్ తనదైన శైలి ఎంటర్టైన్మెంట్ తో ప్రేక్షకుల మనసులు గెలుచుకోవడం మొదలుపెట్టాడు. కామెడీ టైమింగ్ అదరగొడుతూ, పెద్దగా వివాదాల జోలికి వెళ్ళడానికి బాబా భాస్కర్ టాప్ కాండిడేట్ అయిపోయాడు. దీంతో బిగ్ బాస్ యాజమాన్యం వెంటనే అలెర్ట్ అయింది. తన మీద నెగటివిటీ తీసుకొచ్చేందుకు బాగా ప్రయత్నించింది. బాబా భాస్కర్ మీద పెద్దగా కంప్లైంట్స్ లేకపోయినా కానీ కావాలని తను మాస్క్ వేసుకుని ఆడుతున్నాడు అని, బాబా భాస్కర్ కాదు బాబా మాస్కర్ అంటూ బిగ్ బాస్ హోస్ట్ నాగార్జున చేతే చెప్పించింది. ఆ సమయంలో చూపించిన వీడియోలు కూడా అంత బలంగా లేవు. బాబా భాస్కర్ కన్నా ఎక్కువ సమస్యలు తీసుకొచ్చిన కంటెస్టెంట్స్ ను వదిలేసి తననే టార్గెట్ చేయడం నిజంగానే అతని మీద ప్రభావం చూపించింది. అప్పటిదాకా యమ జోష్ తో ముందుకు సాగిపోయిన భాస్కర్ బాగా డల్ అయిపోయాడు. ఈ సమయంలోనే రాహుల్ బాగా పుంజుకున్నాడు. బాబా డల్ అయితే అయ్యాడు కానీ అతణ్ణి ఎలిమినేట్ చేయడం బిగ్ బాస్ వల్ల కాలేదు.

అసలే ఎంటర్టైన్మెంట్ కరువైన ఈ బిగ్ బాస్ సీజన్ లో బాబా భాస్కర్ కూడా లేకపోతే ఇక షో చూడటం అనవసరం అన్న రేంజ్ లో ప్రేక్షకుల్లో భావన ఏర్పడింది. అందుకే ఫినాలే వీక్ కు ముందు జరిగిన నామినేషన్స్ లో కూడా ఫస్ట్ బాబానే సేవ్ అయ్యాడు. ఇక లాస్ట్ వీక్ కు రావడంతో బిగ్ బాస్ నిర్వాహకుల వైఖరి కూడా మారింది. బాబా భాస్కర్ ను కార్నర్ చేయడం మానేసి ఎలివేట్ చేయడం మొదలుపెట్టారు. నిన్న జరిగిన ఎపిసోడ్ లో సూపర్ స్టార్ ఆఫ్ ది సీజన్ అంటూ బాబా భాస్కర్ కూడా కట్ చేసిన ఏవీ.. మిగతావారికంటే సూపర్ గా ఉంది. మంచి మంచి ఎలివేషన్స్ ఇస్తూ బాబా భాస్కర్ కు మంచి హైప్ తీసుకొచ్చారు. తన వల్ల టీఆర్పీలు ప్రభావితం అవుతుండడం వల్లే ఇలా చేసారని అర్ధమైపోతుంది. ప్రస్తుతం ఉన్న ట్రెండ్స్ ప్రకారం బాబా భాస్కర్ టాప్ 3 కి చేరుకోవడం దాదాపు ఖరారైనట్లే.

from టాప్ స్టోరీస్ – Telugu Movie Reviews | Telugu Cinema Reviews https://ift.tt/2WDnEpb