ఆ హీరోయిన్ గురించి మాట్లాడవేంటి మహేషా!

ఆ హీరోయిన్ గురించి మాట్లాడవేంటి మహేషా!

సూపర్ స్టార్ మహేష్ బాబు నటిస్తోన్న 26వ చిత్రం సరిలేరు నీకెవ్వరు. ఈ చిత్ర షూటింగ్ చివరిదశకు చేరుకున్న సంగతి తెల్సిందే. చిత్ర బృందం ఇక లాస్ట్ షెడ్యూల్ ఒకటే షూటింగ్ బ్యాలన్స్ ఉందని ఇదివరకే ప్రకటించారు. రెండు సాంగ్స్, కొంత టాకీ పార్ట్ మాత్రం ఇంకా షూట్ చేయాల్సి ఉంది. సరిలేరు నీకెవ్వరు విషయంలో కాస్ట్ అండ్ క్రూ చాలా కాన్ఫిడెంట్ గా ఉన్నారు. ఈ చిత్రం బ్లాక్ బస్టర్ హిట్ సాధించడం ఖాయం, ఏ రేంజ్ హిట్ అన్నది మీరే చూసుకోండి అన్న రేంజ్ లో కాన్ఫిడెన్స్ ప్రదర్శిస్తున్నారు.

సినిమా గురించి సోషల్ మీడియాలో స్పందించాల్సి వచ్చినప్పుడు నవ్వుకుని నవ్వుకుని కడుపు చక్కలు చేసుకోవడానికి సిద్ధంగా ఉండండి అని చెప్తున్నారు. మహేష్ కూడా సరిలేరు నీకెవ్వరు తనకు చాలా స్పెషల్ చిత్రం అని అంటున్నాడు. ఇంతలా సినిమాలో ఏముందో అని సాధారణ ప్రేక్షకులు ఆలోచిస్తున్నారు. సరే అది కాన్ఫిడెన్సా, ఓవర్ కాన్ఫిడెన్సా అన్నది చిత్రం విడుదలయ్యేదాకా చెప్పలేం. సరిలేరు నీకెవ్వరు సంక్రాంతికి జనవరి 12న విడుదల కానున్న సంగతి తెల్సిందే.

ఇదిలా ఉంటే ప్రమోషన్స్ విషయంలో సరిలేరు నీకెవ్వరు ఎక్కడా కంగారు పడట్లేదు. మరోవైపు అల వైకుంఠపురములో ప్రమోషన్స్ విషయంలో అగ్రెసివ్ గా వెళుతున్నా కానీ మహేష్ అండ్ కో మాత్రం నిదానంగా వెళుతున్నారు. ఇప్పటినుండే ప్రమోషన్స్ చేయాల్సిన అవసరం లేదని, డిసెంబర్ నుండి మొదలుపెట్టి 40 రోజుల పాటు వరసగా ఏదొక ప్రమోషనల్ మెటీరియల్ వదలొచ్చని భావిస్తున్నారు. అందుకే అల వైకుంఠపురములో చిత్రంలో రెండు సాంగ్స్ విడుదలైనా కానీ సరిలేరు నీకెవ్వరు మాత్రం పోస్టర్స్ తో సరిపెడుతున్నారు.

దీపావళి సందర్భంగా ఈరోజు సరిలేరు నీకెవ్వరు నుండి రెండు పోస్టర్స్ వదిలారు. ఒకటి లేడీ అమితాబ్ గా పేరొందిన విజయశాంతి లుక్. 13 ఏళ్ల తర్వాత ముఖానికి రంగు వేసుకున్నారు విజయశాంతి. ఈ చిత్రంలో ఈమె చాలా స్పెషల్ రోల్ చేసినట్లు చెబుతున్నారు. కూర్చీలో చాలా హుందాగా కూర్చున్న ఆమె లుక్ కు మంచి స్పందన వచ్చింది. ఇంకో పోస్టర్ సాయంత్రం వదిలారు. అది సూపర్ స్టార్ మహేష్ ది. బండిపై కాజువల్ గా వస్తున్న మహేష్ పిక్ టెరిఫిక్ గా ఉంది. పోస్టర్ లో వెనకాల ప్రకాష్ రాజ్ కూడా కనిపిస్తాడు. ఇందులో ప్రకాష్ రాజ్ రాజకీయ నాయకుడిగా నటిస్తున్న విషయం తెల్సిందే.

అయితే ఇన్ని పోస్టర్స్ వదులుతున్నా ఇందులో హీరోయిన్ గా నటించిన రష్మిక లుక్ మాత్రం ఇప్పటివరకూ రివీల్ చేయలేదు. మహేష్ వి ఇప్పటికి నాలుగు పోస్టర్స్ వదలగా, విజయశాంతి పోస్టర్ ఒకటి వదిలారు. హీరోయిన్ లుక్ ను ఎందుకు దాస్తున్నారన్న విషయం ఇప్పుడు ఆసక్తికరంగా మారింది. ఇక ఇప్పుడు దీపావళి కూడా అవుతుండడంతో నవంబర్ లో పండగలు ఏం లేవు. ఇక సరిలేరు నీకెవ్వరు నుండి నెక్స్ట్ పోస్టర్ ఏదైనా కానీ డిసెంబర్ లోనే రివీల్ చేసే అవకాశముంది. ఈ నేపథ్యంలో రెగ్యులర్ ప్రమోషన్స్ తో పాటే రష్మిక మందన్న లుక్ ను రివీల్ చేసే అవకాశముంది.

from టాప్ స్టోరీస్ – Telugu Movie Reviews | Telugu Cinema Reviews https://ift.tt/32RblaT