స్టైలిష్ స్టార్ అల్లు అర్జున్ నటిస్తోన్న తాజా చిత్రం అల వైకుంఠపురములో చిత్రానికి ప్రమోషన్స్ ఓ రేంజ్ లో జరుగుతున్నాయి. ఇప్పటికే చిత్రంలోని రెండు పాటలను విడుదల చేయగా, రెండింటికీ సుపెర్బ్ రెస్పాన్స్ వస్తోంది. రెండు పాటలకు కూడా స్పెషల్ వీడియో షూట్ చేసి మరీ సాంగ్ ను రిలీజ్ చేయడంతో వ్యూస్ లక్షల్లో వస్తున్నాయి. సామజవరగమన సాంగ్ ఇప్పటికే 55 మిలియన్ వ్యూస్ దాటి పరుగులు పెడుతోంది. యూట్యూబ్ లో ఒక పాట మరేదీ ఇన్ని లైక్స్ తెచ్చుకోలేదు. 800k లైక్స్ వైపు దూసుకెళ్తోంది. ఇక దీపావళి సందర్భంగా విడుదల చేసిన రాములో రాముల కూడా తొలి పాట తరహాలోనే అందరినీ ఆకట్టుకుంటోంది. రెండు రోజుల్లోనే ఈ పాట 10 మిలియన్ వ్యూస్ కు చేరువైంది. అప్పుడే 350k లైక్స్ వచ్చేసాయి. ప్రమోషన్స్ పరంగా ఇంత అగ్రసీవ్ గా వెళ్ళడానికి సరిలేరు నీకెవ్వరు చిత్రం ప్రధాన కారణం. సరిలేరు నీకెవ్వరు, అల వైకుంఠపురములో చిత్రాలు రెండూ సంక్రాంతి సందర్భంగా ఒకే రోజు విడుదల కానున్న విషయం తెల్సిందే. ఈ రెండు చిత్రాలు కూడా జనవరి 12న విడుదల కానున్నాయి. ఒకేరోజు విడుదల కానున్నాయి కాబట్టి కలెక్షన్స్ కూడా డివైడ్ అవుతాయి. ఆశించే కలెక్షన్స్ లో దాదాపు 40 శాతం కలెక్షన్స్ పక్క సినిమాకు వెళ్లిపోతాయి. అందుకే అల వైకుంఠపురములో టీమ్ క్రేజీ ప్రాజెక్ట్ గా మార్కెట్ లో నిలవాలనుకుంటోంది. అందుకే ప్రమోషన్స్ పరంగా ఇంత అగ్రసీవ్ గా వెళుతున్నారు. మరోవైపు సరిలేరు నీకెవ్వరు టీమ్ మాత్రం ప్రమోషన్స్ విషయంలో అసలు కంగారు పడట్లేదు. ముందు సినిమా కంప్లీట్ చేయడంపైనే తమ దృష్టిని నిలిపింది. నవంబర్ కల్లా షూటింగ్ పూర్తి చేసి డిసెంబర్ నుండి ప్రమోషన్స్ షురూ చేయలనుకుంటోంది.
అందుకే దీపావళికి కూడా పోస్టర్లు మాత్రమే విడుదల చేసింది. విజయశాంతి పోస్టర్ ఒకటి, మహేష్ పోస్టర్ ఒకటి, రష్మిక లుక్ రివీల్ చేసే పోస్టర్ ఒకటి.. మొత్తం మూడు పోస్టర్లు రిలీజ్ చేసింది. మూడు పోస్టర్లలోనూ సినిమా జనవరి 12న విడుదలవుతుందని హైలైట్ అయ్యేలా చేసింది. పోస్టర్లతోపాటు ఒక సెటైరికల్ వీడియో కూడా వదిలింది. ఇందులో సుబ్బరాజు, వెన్నెల కిషోర్ కూర్చుని మీడియాకు ఇంటర్వ్యూ ఇస్తున్నట్లుగా ఉంటుంది. ఆ ఇంటర్వ్యూలో సినిమా స్టోరీ గురించి లీక్స్ చేస్తుంటారు. ఈలోగా అనిల్ రావిపూడి వచ్చి ఏం చేస్తున్నారు అని అడిగితే సినిమాపైన జనాలకు ఆసక్తి కలిగిస్తున్నాం అంటారు. దానికి వెంటనే అనిల్ రావిపూడి స్పందిస్తూ మన సినిమా వచ్చేది సంక్రాంతికి, ఇది ఇంకా దీపావళి మాత్రమే అంటాడు.
అంటే ప్రమోషన్స్ విషయంలో కంగారు పడకండి అంటూ అటు మహేష్ ఫ్యాన్స్ కు, ప్రమోషన్స్ లేవని సెటైర్ వేసే యాంటీ ఫ్యాన్స్ కు, ప్రమోషన్స్ విషయంలో కంగారు పడిపోతున్న అల వైకుంఠపురములో టీమ్ కు.. అందరికీ కలిపి ఒకే సెటైర్ వేసాడు. ఈ సెటైర్ తో మహేష్ ఫ్యాన్స్ లో ఫుల్ కాన్ఫిడెన్స్ నింపాడు అనిల్ రావిపూడి. మహేష్ ఫ్యాన్స్ కు ఫుల్ ఫీస్ట్ లా ఈ చిత్రం ఉండబోతోందని తెలుస్తోంది. మరోవైపు అనిల్ రావిపూడి అంటే ఎంటర్టైన్మెంట్ కు కేరాఫ్ అడ్రస్ కాబట్టి ఈ సంక్రాంతి నవ్వుల పండగ అవుతుందని ఆశిస్తున్నారు మహేష్ అభిమానులు.
Crime Branch Koti & Assistant Kishore Reporting From #SarileruNeekevvaru Sets @AnilRavipudi @actorsubbaraju @vennelakishore
Wishing You Happy Diwali
pic.twitter.com/KRmjmAVX0C
— AK Entertainments (@AKentsOfficial) October 27, 2019
Credit: Twitter
from టాప్ స్టోరీస్ – Telugu Movie Reviews | Telugu Cinema Reviews https://ift.tt/36amJ3M
Comments
Post a Comment