కొరటాల శివ.. కమర్షియల్ దర్శకుడిగా అనతికాలంలోనే పేరు సంపాదించుకున్నాడు. అయితే ఒట్టి కమర్షియల్ చిత్రాలు చేసేస్తే అందులో కొరటాల శివ స్పెషలిటీ ఏముంది. అందుకే ఏదైనా మెసేజ్ పై కమర్షియల్ హంగులను అద్ది రుచికరంగా ప్రేక్షకులకు అందిస్తాడు. అందుకే కొరటాల శివ సినిమాలకు ఆ క్రేజ్. చేసిన నాలుగు సినిమాలూ సూపర్ హిట్ అవ్వడంతో కొరటాల శివ సినిమాలపై అంచనాలు ఆకాశాన్నంటాయి. ఎందుకంటే ఇప్పటివరకూ ఇద్దరే దర్శకులు తెలుగు ఇండస్ట్రీలో ప్లాప్ అన్నది లేకుండా ముందుకు వెళుతున్నారు. మొదటి వ్యక్తి రాజమౌళి అయితే, మరొకరు కొరటాల శివ. ప్రతి సినిమాలోనూ మెసేజ్ ఉండేలా చూసుకునే కొరటాల శివ చిరంజీవితో చిత్రంలోనూ మెసేజ్ ఉండేలా జాగ్రత్త తీసుకున్నాడు. చిరంజీవితో చేయబోయే చిత్రంలో కొరటాల శివ దేవాలయాల్లో జరిగే మోసాల గురించి ప్రశ్నిస్తాడని తెలుస్తోంది. ఇందులో చిరంజీవి ఎండోమెంట్ అధికారిగా కనిపిస్తాడు. దేవాలయాల భూములంటే అవేవో సొంత భూముల్లా రాజకీయ నాయకులు ప్రవర్తిస్తుంటారు. అడిగే వాడు ఎవడుంటాడులే అన్న రీతిలో ఉంటారు. ఇలాంటి విషయాలపై చిరంజీవి ద్వారా కొరటాల శివ కాస్త గట్టిగానే ప్రశ్నిస్తాడని అంటున్నారు. త్వరలోనే ఈ చిత్రం మొదలుకానుందని తెలుస్తోంది.
అయితే కొరటాల శివ ఈ చిత్రం మొదలుపెట్టడానికి చాలా కాలం ఎదురుచూడాల్సి వచ్చింది. భరత్ అనే నేను పూర్తైన తర్వాత కొరటాల శివను వెయిటింగ్ లోనే పెట్టాడు నిర్మాత రామ్ చరణ్. చిరంజీవి నటిస్తోన్న సైరా షూటింగ్ ఆలస్యం కావడంతో కొరటాల శివ మరొక సినిమా చేయకుండా తన దగ్గరే లాక్ చేసాడు. అన్నీ సజావుగా జరిగుంటే ఈపాటికి చిరంజీవి – కొరటాల శివ సినిమా షూటింగ్ కూడా పూర్తైపోయి ఉండేది. కానీ సైరా అనుకున్న దానికన్నా ఆరు నెలలు ఆలస్యమైంది. ఈలోగా అనుకుంటే కొరటాల శివ మరో సినిమా చేసుకునేవాడు. కానీ సైరా నిర్మాత రామ్ చరణ్ కొరటాల శివకు అదిరిపోయే ఆఫర్ ఇచ్చి మరో మాట లేకుండా చేసాడు. ఆ ఆఫర్ ప్రకారం ఆర్ ఆర్ ఆర్ పూర్తైన తర్వాత నెక్స్ట్ సినిమా కొరటాల శివ దర్శకత్వంలోనే చేస్తానని మాటిచ్చాడు రామ్ చరణ్. నిర్మాత కూడా తన ఇష్టమని అన్నాడు. ఆర్ ఆర్ ఆర్ తర్వాత చేసే సినిమా అంటే కచ్చితంగా బిజినెస్ ఓ రేంజ్ లో ఉంటుంది. ఇది కచ్చితంగా కొరటాల శివకు ప్లస్ అవుతుంది. పైగా నిర్మాత కూడా తన ఇష్టమంటున్నాడు కాబట్టి తన స్నేహితుడు మిక్కిలినేని సుధాకర్ చేతే ఈ చిత్రాన్ని నిర్మించేలా ఒప్పించాడట. ప్రస్తుతం చిరంజీవి చిత్ర ప్రీ ప్రొడక్షన్ పనులను ఓ కొలిక్కి తెచ్చిన కొరటాల శివ షూటింగ్ కు సమాయత్తమవుతున్నాడు. మేజర్ షూటింగ్ పార్ట్ ను సింగిల్ షెడ్యూల్ లోనే పూర్తి చేయాలని కొరటాల శివ భావిస్తున్నాడు. వచ్చే ఏడాది సెకండ్ హాఫ్ లో ఈ చిత్రాన్ని విడుదల చేయాలని కొరటాల శివ ప్లాన్. అప్పటికి రామ్ చరణ్ కూడా ఆర్ ఆర్ ఆర్ పూర్తి చేస్తాడు కాబట్టి వెంటనే ఆ చిత్రం మొదలుపెట్టాలని అనుకుంటున్నారు. ఈ లెక్కన మరో రెండు ఏళ్ళు మెగా ఫ్యామిలీకే అంకితమైపోతున్నాడు కొరటాల శివ.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2PsP7Z6
Comments
Post a Comment