‘శ్రీ విష్ణు’! తెలుగు చలన చిత్ర రంగంలో ఈ మధ్య బాగా వినిపిస్తున్న పేరు. మొదట చిన్న చిన్న పాత్రలు చేసి, ఇప్పుడు హీరోగా తన సినిమాల ద్వారా కొత్తతరం కథానాయకులు, దర్శకులు శ్రీ విష్ణు ని అనుసరించేలా చేసుకుంటున్నాడు. ఏ పాత్ర లో అయినా జీవించడం దగ్గర నుండి సినిమా ప్రమోషన్స్ వరకు అన్ని తానై చూసుకుంటాడు ప్రతి సినిమాని. అలా యువతకి మంచి ప్రేరణ అవుతున్నాడు శ్రీ విష్ణు.
ఈ సంవత్సరం ‘బ్రోచేవారెవరురా’ సినిమా విడుదల చేసాడు. సినిమా ఘన విజయం సాధించింది. తర్వాత ‘తిప్పరా మీసం’ అని కొత్త సినిమాని మొదలు పెట్టేసాడు, ట్రైలర్ కూడా విడుదల అయ్యింది. ట్రైలర్ లో చూస్తుంటే శ్రీ విష్ణు ఈ సారి కూడా తన నటనతో అందరిని మెప్పిస్తాడు అని ఇట్టే అర్ధం అయిపోతుంది. ఒక కొత్త గెట్ అప్ లో కనిపిస్తున్నాడు ఈ సినిమాలో. నిక్కీ తంబోలి కథానాయిక. కృష్ణ విజయ్ దర్శకుడు. దర్శకుడు అంతకుముందు తీసిన సినిమా ‘అసుర’… నారా రోహిత్ కథానాయకుడు.
ఇప్పుడు ఇంకొక సినిమాని కూడా పట్టాలెక్కించపోతున్నాడు మన శ్రీ విష్ణు గారు. పీపుల్ మీడియా ఫ్యాక్టరీ, అభిషేక్ అగర్వాల్ గారు సంయుక్తం గా ఒక కొత్త సినిమాని నిర్మిస్తున్నారు. హాసిత్ గోలి దర్శకుడిగా పరిచయం అవుతున్నారు. హాసిత్ గోలి ఇది వరకు శ్రీ విష్ణు నటించిన ‘మెంటల్ మదిలో’ , ‘బ్రోచేవారేవరురా’ సినిమాలకి సహా దర్శకుల టీం లో పని చేసారు. అలా శ్రీ విష్ణు హాసిత్ ని నమ్మి సినిమాకి అవకాశం ఇచ్చారు.
నిర్మాతలు టి.జి.విశ్వప్రసాద్, అభిషేక్ అగర్వాల్ వాళ్ళు ఈ సినిమా గురించి మాట్లాడుతూ…. మంచి ప్రతిభ ఉన్న ఇలాంటి యువతరం వాళ్ళతో మేము సినిమాని నిర్మిస్తున్నందుకు చాలా గర్వముగా ఉంది. ఈ చిత్రం ఈ సంవత్సరం చివరిలో షూటింగ్ జరుపుకోనుంది, ఇంకా మిగిలిన తారాగణం ఇతరత్రా విషయాలు త్వరలో మీ ముందుకు తీసుకొస్తాం అని అన్నారు. వివేక్ కూచిబొట్ల, కీర్తి చౌదరి వాళ్లు సహా నిర్మాతలుగా వ్యవహరిస్తున్నారు
from టాప్ స్టోరీస్ – Telugu Movie Reviews | Telugu Cinema Reviews https://ift.tt/2pznum0
Comments
Post a Comment