అనిల్ రావిపూడి అంటేనే ఎంటర్టైన్మెంట్ కు కేరాఫ్ అడ్రెస్. ప్రేక్షకులను ఈజీగా ఆకట్టుకునేది ఎంటర్టైన్మెంటే. రిపీట్ వేల్యూ ప్రకారం చూసుకున్నా కూడా ఎంటర్టైన్మెంట్ కు అగ్ర తాంబూలం ఇవ్వాల్సిందే. ఇదే ఎంటర్టైన్మెంట్ ను నమ్ముకున్న ఎందరో దర్శకులు లైమ్ లైట్లో ఒక వెలుగు వెలిగారు. ప్రస్తుతం ఎంటర్టైన్మెంట్ ప్రధానంగా సినిమాలు తీసే దర్శకులలో అనిల్ రావిపూడి ముందుంటాడు. ఇప్పటివరకూ నాలుగు సినిమాలు చేసిన అనిల్ రావిపూడి అన్నిట్లోనూ కామెడీ హైలైట్ అయ్యేలా చూసుకున్నాడు.
పటాస్, సుప్రీమ్, రాజా ది గ్రేట్, ఎఫ్ 2… ఇలా అనిల్ రావిపూడి సినిమాలు అన్నిట్లోనూ కామెడీ సూపర్బ్ గా వర్కౌట్ అయింది. ఇందులో ఉండే రిపీట్ వేల్యూనే ఈ సినిమాలు హిట్ అయ్యేలా చేసింది. ఇప్పటివరకూ మీడియం రేంజ్ హీరోలతో సినిమాలు చేసిన అనిల్ రావిపూడి ఇప్పుడు మహేష్ వంటి టాప్ స్టార్ తో చేస్తున్నాడు. సరిలేరు నీకెవ్వరు సంక్రాంతికి ప్రేక్షకుల ముందుకు రానున్న విషయం తెల్సిందే.
ఈ చిత్రంలో కూడా తన ప్రధాన బలాన్ని వదులుకోవట్లేదు అనిల్. ఇందులో కూడా కామెడీనే హైలైట్ అయ్యేలా చూసుకుంటున్నాడు. ముఖ్యంగా ఈ సినిమాలో వచ్చే 30 నిమిషాల ట్రైన్ ఎపిసోడ్ సినిమాకే హైలైట్ అవుతుందని బలంగా నమ్ముతున్నాడు అనిల్. వెంకీ సినిమాలో ఉండే ట్రైన్ ఎపిసోడ్ తరహాలో ఇందులో కూడా ఫన్ ఓ రేంజ్ లో ఉండేలా సీన్ రాసుకున్నాడట.
ఈ ఒక్క సీన్ కే నవ్వి నవ్వి పొట్టలు చెక్కలవుతాయని సరిలేరు నీకెవ్వరు టీమ్ ప్రచారం చేస్తోంది. ట్రైన్ ఎపిసోడ్ తోనే పైసా వసూల్ అన్న భావన కలుగుతుందని, మిగిలినదంతా బోనస్ లానే అనిపిస్తుందని అంటున్నారు. వెంకీ తర్వాత ఆ రేంజ్ ట్రైన్ కామెడీ రాలేదు. దూకుడు తర్వాత మహేష్ కూడా ఒక రేంజ్ దాటి కామెడీ చేసింది లేదు. ఈ మధ్యనంతా సటిల్ యాక్టింగ్ తోనే మహేష్ లాక్కొస్తున్నాడు. ఇది మహేష్ అభిమానులకు కూడా నచ్చట్లేదు. తమ హీరో అతి మంచివాడిగా ఎప్పుడూ నటించాల్సిన అవసరం లేదని వారు అనుకుంటున్నారు. అందుకనే సరిలేరు నీకెవ్వరు చిత్రంపై వారు భారీ ఆశలే పెట్టుకున్నారు.
మహేష్ కెరీర్ లో ఇది మరో దూకుడు అవ్వగలదని వారు బలంగా నమ్ముతున్నారు. కేవలం కామెడీపైనే కాకుండా అనిల్ రావిపూడి ఈ చిత్రంలో యాక్షన్ పై కూడా ఫోకస్ పెట్టాడు. ఆర్మీ బ్యాక్ డ్రాప్ లో వచ్చే ఎపిసోడ్, రాయలసీమ ఫ్యాక్షన్ ఎపిసోడ్ కూడా బాగా వర్కౌట్ అవుతాయని అంటున్నారు. మరి నిజంగానే సరిలేరు నీకెవ్వరు చిత్రంలో ఇవన్నీ ఉంటే ఇక ఈ సినిమాను ఆపడం ఎవరి తరమూ కాదు.
రష్మిక మందన్న హీరోయిన్ గా నటిస్తున్న ఈ చిత్రంలో విజయశాంతి కీలకపాత్ర పోషిస్తున్నారు. దేవి శ్రీ ప్రసాద్ సంగీతం అందిస్తున్న ఈ చిత్రాన్ని అనిల్ సుంకర, దిల్ రాజు సంయుక్తంగా నిర్మిస్తున్నారు. జనవరి 12న సరిలేరు నీకెవ్వరు ప్రేక్షకుల ముందుకు రానుంది.
from టాప్ స్టోరీస్ – Telugu Movie Reviews | Telugu Cinema Reviews https://ift.tt/32GnKyq
Comments
Post a Comment